ઇલેક્ટ્રિક કાર ઇન્શ્યોરન્સ

ઇવી કાર ઇન્શ્યોરન્સ એ તમામને લાગુ પડતી સમાન પ્રૉડક્ટ નથી. તેથી, તમારી અને તમારા મિત્રની કાર સમાન હોવા છતાં પ્રીમિયમની રકમ અલગ હોઈ શકે છે.
પ્રીમિયમની ગણતરીમાં એકસાથે અનેક પરિબળો અસર કરે છે.

અહીં કેટલાક પરિમાણો છે જેના લીધે પ્રીમિયમની રકમ પર અસર પહોંચે છે અને તે સાથે પ્રભાવિત થાય છે તમારી ઇવી ઇન્શ્યોરન્સ પૉલિસી –

1. કારનો પ્રકાર :
તમારી ઇવી કારનું મોડેલ અને મેક તેના પ્રીમિયમ સાથે સીધો સંબંધ ધરાવે છે. ઇન્શ્યોરન્સ કંપનીઓ વિવિધ ઉત્પાદકોના વિવિધ મોડેલોના ક્લેઇમ રેશિયોનો એક અલગ રિપોર્ટ જાળવે છે.
આ રીતે, આંકડાકીય અભિગમ દ્વારા ઇન્શ્યોરર તમારી કારને રહેલું જોખમ નક્કી કરી શકે છે. ઇન્શ્યોરન્સ કંપની દ્વારા જોખમના આધારે પ્રીમિયમ નક્કી કરવામાં આવે છે.
વધુમાં, તેવા જ પ્રકારની મિડ-રેન્જ અને લો-એન્ડ કારની તુલનામાં લક્ઝરી કાર અને હાઇ-એન્ડ મોડેલનું પ્રીમિયમ વધુ હોય છે.

2. ઇન્શ્યોર્ડ ડિક્લેયર્ડ વેલ્યૂ :
ઇન્શ્યોર્ડ ડિક્લેર્ડ વેલ્યુ અથવા આઇડીવી એ સંપૂર્ણ નુકસાનની સ્થિતિમાં ઇન્શ્યોરન્સ કંપની દ્વારા ચૂકવવામાં આવતી મહત્તમ રકમ છે.
આમ, તમારી કારની આઇડીવી એ ઇન્શ્યોરર દ્વારા ચૂકવવામાં આવશે તે મહત્તમ વળતર છે.
આઇડીવી એ ઇન્શ્યોરર દ્વારા અન્ડરરાઇટ કરવામાં આવતી મહત્તમ રકમ છે, તેથી તેનો સીધો સંબંધ ઇલેક્ટ્રિક કાર પૉલિસીના પ્રીમિયમ સાથે છે.
આમ, આઇડીવી જેટલી વધુ હશે, પરિણામી પ્રીમિયમ તેટલું વધુ હશે, અને આઇડીવી જેટલી ઓછી હશે, પરિણામી પ્રીમિયમ તેટલું ઓછું હશે.

3. ભૌગોલિક પ્રદેશ:
તમારી ઇવી કારના રજિસ્ટ્રેશનનું સ્થળ ઇલેક્ટ્રિક કાર પૉલિસીના પ્રીમિયમ પર અસર કરે છે.
આનું કારણ એ છે કે ભારતને બે ક્ષેત્રોમાં વિભાજિત કરવામાં આવેલ છે - ઝોન એ માં આઠ મેટ્રો શહેરો અમદાવાદ, બેંગલોર, ચેન્નઈ, હૈદરાબાદ, કોલકાતા, મુંબઈ, નવી દિલ્હી અને પુણે શામેલ છે અને ઝોન બી માં બાકીના ભારતનો સમાવેશ થાય છે.
ભારી ગીચતા ધરાવતા મેટ્રો ક્ષેત્રોમાં વાહનોને નુકસાન થવાનું વધુ જોખમ હોવાથી અંડરરાઇટ કરેલ જોખમ વધુ હોય છે, જેથી પ્રીમિયમની રકમ વધુ હોય છે.

4. ઍડ-ઑન કવરેજ :
ઉપર ચર્ચા કર્યા મુજબ, ઍડ-ઑન કવર એવા વૈકલ્પિક રાઇડર છે જે તમારી ઇલેક્ટ્રિક કાર પૉલિસીના કવરેજને બહેતર કરશે. તેઓ સ્ટાન્ડર્ડ પૉલિસીના સ્કોપમાં શામેલ ન હોય તેવા પાસાઓને કવર કરે છે, જેની અસર પ્રીમિયમ પર થાય છે.
પસંદ કરવામાં આવતા ઍડ-ઑનની સંખ્યાના આધારે તમારું પ્રીમિયમ નક્કી થાય છે.    

5. નો-ક્લેઇમ બોનસ:
નો-ક્લેઇમ બોનસ અથવા એનસીબી એ ઇન્શ્યોરન્સ કંપની દ્વારા અગાઉની પૉલિસી અવધિ દરમિયાન કોઈપણ ક્લેઇમ ન કરવા બદલ આપવામાં આવતી છૂટ છે.
પ્રીમિયમમાં ઘટાડો એનસીબી દ્વારા પાછલી પૉલિસીના સમયગાળાને ધ્યાનમાં લઇને કરવામાં આવે છે, તેથી તે બીજા વર્ષનું પ્રીમિયમ શરૂ થતાં જ ઉપલબ્ધ થાય છે.
એનસીબી બેનિફિટ સાથે તમે સળંગ ક્લેઇમ-મુક્ત પૉલિસી રિન્યુઅલના આધારે તમારા ઇન્શ્યોરન્સ પ્રીમિયમની એકંદર રકમ 20% થી 50% સુધી ઓછી કરી શકો છો.

6. સ્વૈચ્છિક કપાત:
દરેક ઇવી ઇન્શ્યોરન્સ પૉલિસીમાં કપાતપાત્રની ફરજિયાત રકમ હોય છે જેને સ્ટાન્ડર્ડ અથવા ફરજિયાત કપાતપાત્ર તરીકે ઓળખવામાં આવે છે.
આ કપાતપાત્ર રકમ પૉલિસીધારક દ્વારા દરેક ક્લેઇમના સમયે ચૂકવવાની રહેશે.
જો કે, સ્વૈચ્છિક કપાત અથવા કપાતપાત્ર એ રકમ છે જે તમારે, એટલે કે પૉલિસીધારકે, સ્ટાન્ડર્ડ કપાતપાત્ર રકમ ઉપરાંત ચૂકવવાની હોય છે.
પૉલિસીધારક દ્વારા પસંદ કરવામાં આવેલ સ્વૈચ્છિક કપાતની રકમના આધારે પ્રીમિયમની ગણતરીમાં છૂટ આપવામાં આવે છે.

7. સિક્યોરીટી ઍક્સેસરીઝ:
કારની સુરક્ષામાં વૃદ્ધિ કરતી સુરક્ષા સુવિધાઓ ઇલેક્ટ્રિક કાર પૉલિસી પ્રીમિયમ પર હકારાત્મક રીતે અસર કરે છે.
આ સુવિધાઓને કારણે એકંદર જોખમ ઓછું થાય છે, તેથી તેમને કારણે પ્રીમિયમ ઓછું થાય છે.

8. વિશેષ છૂટ :
ઉપરોક્ત કારણો સિવાય, કેટલીક વિશેષ છૂટને કારણે તમારી ઇલેક્ટ્રિક કાર પૉલિસીનું પ્રીમિયમ ઘટી શકે છે, જે માન્યતા પ્રાપ્ત ઑટોમોબાઇલ એસોસિએશન સાથે જોડાણના રૂપમાં, તમારી ઇવી કારમાં ફિટ કરેલા એન્ટી-થેફ્ટ ડિવાઇસના રૂપમાં અને સ્વૈચ્છિક કપાતના વિકલ્પના સ્વરૂપમાં હોઇ શકે છે.