ఇంజనీరింగ్ ఇన్సూరెన్స్ మరియు మెషినరీ బ్రేక్‌డౌన్ ఇన్సూరెన్స్

ప్లాంట్ మరియు మెషినరీ మీ వ్యాపారానికి కీలకంగా ఉన్నట్లయితే, మీకు ఇప్పటికే వాటి ఇన్‌స్టాలేషన్ లేదా స్థాపనకి సంబంధించిన రిస్కుల పై అవగాహన కలిగి ఉంటారు; ఆర్థికపరంగా వాటి ప్రభావాలు కూడా తీవ్రంగా ఉంటాయి.

మా ఎరెక్షన్ ఆల్ రిస్క్స్ (EAR) ఇన్సూరెన్స్ పాలసీ అనేది మెకానికల్ లేదా ఎలక్ట్రికల్ ప్లాంట్‌ల స్థాపన మరియు/లేదా ఇన్‌స్టాలేషన్ సమయంలో జరిగే నష్టాలను కవర్ చేయడానికి రూపొందించబడిన ఒక రకం ఇంజినీరింగ్ ఇన్సూరెన్స్ పాలసీ. టెస్టింగ్ మరియు కమిషనింగ్ సమయంలో జరిగే నష్టాలను కూడా ఈ పాలసీ కవర్ చేస్తుంది.

మీ కంపెనీ ఒక కొత్త ప్రాజెక్టుని ఏర్పాటు చేయడం, ఇప్పటికే ఉన్న ప్రాజెక్టుని విస్తరించడం లేదా ఇప్పటికే ఉన్న ప్రాజెక్టుని తీసివేసి తిరిగి ఏర్పాటు చేయడం కోసం ఎరెక్షన్ ఆల్ రిస్క్ పాలసీ సమగ్రమైన కవరేజీని అందిస్తుంది. మొదటి సరుకును అన్‌లోడ్ చేసిన సమయం నుండి దాని టెస్టింగ్ వరకు కవరేజీ లభిస్తుంది.

ఒక కన్‌స్ట్రక్షన్ సైట్ అనేది పేక ముక్కలతో చేసిన ఇల్లు లాంటిది - ఒక తప్పుడు కదలికతో అన్నీ ఒక్కసారిగా కుప్పకూలుతాయి. ప్రమాదాలు కేవలం ఆర్థిక నష్టాలకు మాత్రమే కాకుండా, శరీర గాయాలను కూడా కలిగించవచ్చు. ప్రమాదాలు అనేవి సైట్‌లో ముందుగా పూర్తిచేసిన పనిని కూడా దెబ్బతీస్తాయి మరియు గడువు తేదీలను చేరుకోవడం అసాధ్యమవుతుంది.

కన్‌స్ట్రక్షన్ సైట్లలో ఇటువంటి భయాలు ఉంటాయని తెలిసి, వ్యాపారంలోకి అడుగుపెట్టడం అనేది మీలాంటి ధైర్యవంతులకు మాత్రమే సాధ్యమవుతుంది. కానీ, మీకు తగిన రక్షణ అవసరం మరియు మేము, బజాజ్ అలియంజ్ వద్ద, మీ వ్యాపారానికి భద్రత కల్పించడానికి కాంట్రాక్టర్స్ ఆల్ రిస్క్స్ ఇన్సూరెన్స్‌ని అందిస్తున్నాము.

కాంట్రాక్టర్స్ ఆల్ రిస్క్స్ (CAR) ఇన్సూరెన్స్, ప్రధానంగా అన్ని రకాల పౌర నిర్మాణ ప్రాజెక్టులను (భవనాలు, కర్మాగారాలు, రోడ్లు, వంతెనల నిర్మాణం వంటివి… ) కవర్ చేసే సమగ్ర ఇన్సూరెన్స్. ఇది ప్రత్యేకంగా మినహాయించినవి కాకుండా, ఏదేని కారణం చేత దెబ్బతిన్న లేదా నాశనం చేయబడిన ఆస్తికి కవరేజీని అందిస్తుంది.

ప్లాంట్ మరియు ఎక్విప్‌మెంట్‌లు కన్‌స్ట్రక్షన్ సైట్‌లలో చేసే ఏ పనినైనా సులభతరం చేస్తాయి. అన్ని భారీ పనులను అవే చేస్తాయి. మీ ప్లాంట్ మరియు ఎక్విప్‌మెంట్‌కు ఏదైనా నష్టం జరిగితే కన్‌స్ట్రక్షన్ సైట్‌లో పని పూర్తిగా ఆగిపోతుంది, ఇలా జరగడాన్ని మీరు ఎన్నడూ కోరుకోరు.

అటువంటి సందర్భంలో మీరు మీ ప్లాంట్ మరియు ఎక్విప్‌మెంట్‌కు త్వరగా రిపేర్ చేయించవలసి ఉంటుంది, లేదా భర్తీ చేయవలసి ఉంటుంది. కానీ, అది అంత సులువైనది కాదు మరియు పెద్ద మొత్తంలో డబ్బు ఖర్చవుతుంది.

బజాజ్ అలియంజ్ కాంట్రాక్టర్స్ ప్లాంట్ మరియు ఎక్విప్‌మెంట్ ఇన్సూరెన్స్ మీ కోసం రిపేర్ మరియు / లేదా ఇన్‌స్టాలేషన్ ఖర్చులను భరిస్తుంది, తద్వారా కన్స్ట్రక్షన్ సైట్‌లోని పనులు త్వరగా ప్రారంభమవుతాయి మరియు సజావుగా కొనసాగవచ్చు. 

కంప్యూటర్ల వంటి ఎలక్ట్రానిక్ పరికరాలు, కంపెనీల రోజువారీ కార్యకలాపాలను సులభంగా మరియు సమర్థవంతంగా నడపడానికి వీలు కల్పిస్తాయి. మీ ఎలక్ట్రానిక్ పరికరాలకు ఏదైనా నష్టం జరిగితే, మీ వ్యాపారం పనితీరు చతికిలబడుతుంది మరియు అనేక అవాంఛనీయ పరిణామాలకు దారితీస్తుంది.

బజాజ్ అలియంజ్ ఎలక్ట్రానిక్ ఎక్విప్‌మెంట్ ఇన్సూరెన్స్ పాలసీ మీ ఎలక్ట్రానిక్ పరికరాలను భౌతికపరమైన డ్యామేజీ నుండి డేటా కోల్పోవడం వరకు అన్ని రకాల ప్రమాదాలను కవర్ చేస్తుంది.

ఎలక్ట్రానిక్ ఎక్విప్‌మెంట్ ఇన్సూరెన్స్ అనేది, పాలసీలో మినహాయించబడని అకస్మాతుగా మరియు ఊహించని భౌతిక ప్రమాదం వలన ఎలక్ట్రానిక్ పరికరానికి ప్రమాదవశాత్తుగా, ఊహించని మరియు ఆకస్మిక భౌతికపరమైన నష్టం లేదా డ్యామేజీని కవర చేస్తుంది.

కంప్యూటర్‌లు, ప్రింటర్‌లు, స్కానర్‌లు, సర్వర్‌లు మరియు డేటా స్టోరేజ్ పరికరాలు వంటి ఎలక్ట్రానిక్ పరికరాలు ఈ పాలసీలో కవర్ అవుతాయి.

మెషనరీ బ్రేక్‌డౌన్ అనేది వ్యాపారంలో జరిగే అతిపెద్ద దుర్ఘటనలలో ఒకటి ఎందుకనగా, మెషనరీ మరియు పరికరాలు లేకుండా ఉత్పత్తి అసాధ్యం అవుతుంది, డెలివరీ షెడ్యూల్స్ సాధారణంగా కఠినంగా ఉంటాయి. వాటిని చేరకపోవడం అనేది జరిమానాలు మరియు ఉద్రిక్త వ్యాపార సంబంధాలకు దారితీస్తుంది.

ఊహించని సంఘటనలు జరిగినప్పుడు నిధులను కలిగి ఉండటం అనేది ప్రతీసారి సాధ్యం కాదు. అటువంటి సందర్భంలో బ్యాకప్ ప్లాన్ కలిగి ఉండటం అవసరం మరియు మా మెషినరీ బ్రేక్‌డౌన్ ఇన్సూరెన్స్ పాలసీ ఖచ్చితంగా అందుకు సహకరిస్తుంది. 

ఒకవేళ మీ మెషినరీ అకస్మాత్తుగా బ్రేక్‌డౌన్‌కు గురైన సందర్భంలో ఈ మెషినరీ బ్రేక్‌డౌన్ పాలసీ దానిని కవర్ చేస్తుంది.

కొందరు నిపుణులు, బిజినెస్ మరియు రిస్క్ అనేవి ఒకే నాణెంకు ఉండే ఇరువైపులని చెబుతుంటారు. స్వంత వ్యాపారాన్ని నడుపుతున్నప్పుడు మీరు వారి మనోభావాలను అర్థం చేసుకోవచ్చు. ‘చేతులు కాలిన తరువాత ఆకులు పట్టుకోవడం’ అనే సామెతను గుర్తు చేసుకుంటూ, నష్టాలను నివారించడానికి మరియు వాటి ప్రభావాన్ని తగ్గించడానికి వ్యూహాత్మక చర్యలు తీసుకోవడం చాలా ముఖ్యం.

బజాజ్ అలియంజ్ రిస్క్ మేనేజ్‌మెంట్ సర్వీసెస్, సంభావ్య ప్రమాదాలను అంచనా వేయడం మరియు నిరోధించడం మాత్రమే కాకుండా మీ నిర్ణయాలకు ప్రాధాన్యత ఇవ్వడంలో సహాయం చేస్తుంది. ఇది ఆర్థికంగా పడే ప్రభావాన్ని తగ్గించడానికి సహాయపడుతుంది మరియు మీ సంస్థ సజావుగా కార్యకలాపాలు నిర్వహించేలా తోడ్పడుతుంది.

మా ఇంజనీరింగ్ ఇన్సూరెన్స్ పాలసీలో చేరికలు మరియు మినహాయింపుల గురించి మరింత తెలుసుకోవడానికి, మీరు మా ఇంజనీరింగ్ ఇన్సూరెన్స్ PDF ని చదువుకోవచ్చు.

బాయిలర్ ఇన్సూరెన్స్ మీ బాయిలర్లకు (అగ్నిప్రమాదం కాకుండా), ప్రెజర్ ప్లాంట్లకు విస్ఫోటనం లేదా కుప్పకూలడం వంటి అనుకోని ప్రమాదాల కారణంగా జరిగే నష్టం నుండి రక్షణ కలిపిస్తుంది.

అదనపు ప్రీమియం చెల్లింపు పై ఓనర్స్ సరౌండింగ్ ప్రాపర్టీ మరియు థర్డ్ పార్టీ లయబిలిటీ వంటి కొన్ని పొడిగింపులు ఈ పాలసీలో అందుబాటులో ఉన్నాయి.

పాలసీ షరతుల ప్రకారం వారంటీకి అనుగుణంగా ప్రభుత్వం నియమించిన ఇన్‌స్పెక్టర్లు లేదా స్వతహా నియమించిన సమర్థులైన వ్యక్తిచే మీరు ప్రతి సంవత్సరం బాయిలర్ మరియు ప్రెజర్ ప్లాంట్‌ను తనిఖీ చేయించడాన్ని మేము సిఫారసు చేస్తాము.