కమర్షియల్ ప్రాపర్టీ ఇన్సూరెన్స్

ఒక చిన్న నిప్పురవ్వ పెద్ద అగ్ని ప్రమాదాన్ని సృష్టిస్తుంది, ఆ అగ్ని మీ ఆస్తులన్నింటినీ దహించి వేస్తుంది. అలాంటి ప్రమాదాలు సాధారణమైనవి, తప్పించలేనివి మరియు భారీ నష్టాన్ని కూడా కలిగిస్తాయి. మా స్టాండర్డ్ ఫైర్ అండ్ స్పెషల్ పెరిల్స్ ఇన్సూరెన్స్ పాలసీ అనేది ఒక అత్యంత విలువైన ప్రాపర్టీ ఇన్సూరెన్స్ పాలసీ, ఇది అలాంటి ప్రమాదాల వల్ల ఏర్పడే ప్రభావాల నుండి మీ కంపెనీని రక్షించడానికి రూపొందించబడింది.

ప్రమాదవశాత్తు జరిగిన అగ్ని ప్రమాదం, పిడుగుపాటు, పేలుడు, విస్ఫోటనం మరియు అంతస్ఫోటనం, గాలిలోని పరికరాల వలన మీ ఆస్తిపై జరిగిన విధ్వంసం లేదా నష్టాన్ని మేము కవర్ చేస్తాము. అల్లర్లు, సమ్మె మొదలైన మానవ నిర్మిత విపత్తులను మరియు తుఫాను, వరద వంటి ప్రకృతి వైపరీత్యాలను కూడా మేము కవర్ చేస్తాము. అలాగే, రైలు లేదా రోడ్డుపై నడిచే వాహనం వల్ల జరిగే నష్టాన్ని కూడా కవర్ చేస్తాము.  

కొండచరియలు విరిగిపడడం లేదా జారిపోవడం, కాలుష్యం మరియు కలుషితాలు, నీటి ట్యాంకులు, పరికరాలు మరియు పైపులు పగిలిపోవడం మరియు/లేదా పొంగిపొర్లడం, మిసైల్ టెస్టింగ్ ఆపరేషన్స్, ఆటోమేటిక్ స్ప్రింక్లర్ ఇన్‌స్టాలేషన్స్ నుండి లీకేజ్ మరియు కార్చిచ్చు వలన కలిగే నష్టం కూడా కవర్ చేయబడుతుంది.

ప్రమాదం సహజమైనది లేదా మానవ నిర్మితమైనదే అయినా దాని పరిణామాల గురించి మీరు ఆందోళన చెందాల్సిన అవసరం లేదని ఈ పాలసీ నిర్ధారిస్తుంది.

విస్తృత శ్రేణిలో ప్రాపర్టీ ఇన్సూరెన్స్ పాలసీలను పొందటం వలన ప్రత్యక్షంగా ఏర్పడే ఆర్థిక నష్టాలను కవర్ చేయడంలో సహాయపడుతుంది. ఉదాహరణకు, ప్రమాదవశాత్తు యంత్రాలకు ఏదైనా ప్రమాదం లేదా నష్టం జరిగితే, ఫైర్ అండ్ స్పెషల్ పెరిల్స్ ఇన్సూరెన్స్‌ వాటిని కవర్ చేస్తుంది.

అయితే, పరోక్షంగా ఏర్పడే నష్టం సంగతి ఏంటి? మీ యంత్రాలు రిపేర్ చేయబడుతున్న లేదా రీప్లేస్ చేయబడుతున్న కాలంలో ఉత్పత్తిలో అంతరాయం వలన కలిగే నష్టం సంగతి ఏంటి? అటువంటి నష్టం కూడా గణనీయమైనది, మీ వ్యాపారానికి సంబంధించిన రోజువారీ కార్యకలాపాలలో తీవ్రమైన అంతరాయం కలిగించవచ్చు. మా బిజినెస్ ఇంటరప్షన్ ఇన్సూరెన్స్ పాలసీ సహాయంతో అటువంటి నష్టాల పట్ల జాగ్రత్తలు తీసుకుంటాం.

ఏదైనా ప్రమాదం లేదా సంఘటనల ప్రభావం వలన మీ వ్యాపారానికి అంతరాయం కలిగితే ఆ నష్టం కంపెనీ పై పడకుండా మేము కవర్ చేస్తాము. 

దొంగలు మన సమాజానికి పట్టిన చీడ, మీ వ్యాపార ఆస్తికి ఎన్ని జాగ్రత్తలు తీసుకున్నా, ఎంత భద్రతను కల్పించినా అది వారి తదుపరి లక్ష్యంగా మారితే, అంత సురక్షితం కాదు.

బజాజ్ అలియంజ్ బర్‌గ్లరీ ఇన్సూరెన్స్ అనేది ఒక కీలకమైన ప్రాపర్టీ ఇన్సూరెన్స్ పాలసీ, ఇది మీరు ఇన్సూర్ చేసిన స్థలంలో ఉన్న వాటికి జరిగిన నష్టాన్ని మరియు డ్యామేజీలను కూడా కవర్ చేస్తుంది. మేము కేవలం వాస్తవంగా జరిగిన దొంగతనం, దోపిడీల వలన కలిగే నష్టాన్ని మాత్రమే కాకుండా దోపిడీ, దొంగతనం చేసేందుకు ప్రయత్నించడం వలన కలిగిన నష్టాన్ని కూడా కవర్ చేస్తాము.

ఒక దురదృష్టకరమైన సంఘటనను నివారించడానికి మరియు దాని పర్యవసానాల ప్రభావాన్ని తగ్గించడానికి తీసుకోవలసిన జాగ్రత్తల గురించి సాధారణంగా మనం ఆ సంఘటన జరిగిన తరువాత ఆలోచిస్తాము. 

ఎందుకంటే, జీవితం సంక్లిష్టమైనది, మరియు ప్రతి విషయం గురించి ఆలోచించడం అన్ని సార్లు కుదరదు.

అయితే, ఇలాంటి ప్రతీ అవసరం కోసం మేము మా ఇండస్ట్రియల్ ఆల్ రిస్క్స్ ఇన్సూరెన్స్ పాలసీని జాగ్రత్తగా రూపొందించాము. ఇది ఒక సమగ్రమైన ప్రాపర్టీ ఇన్సూరెన్స్ ప్యాకేజ్ పాలసీ, ఇది మీ కంపెనీ తన రోజువారీ కార్యకలాపాల సమయంలో ఎదుర్కొనే అన్ని రకాల ప్రమాదాలకు, అపాయాలకు కవరేజ్‌ని అందిస్తుంది.

మా పరిశ్రమ అనుభవం మరియు నైపుణ్యం సహాయంతో, మీ వ్యాపారానికి సంబంధించిన ప్రతీ అంశాన్ని ప్రమాదం లేదా నష్టం నుండి కవర్ చేయడానికి ఈ సంపూర్ణమైన కవర్‌ని రూపొందించాము.. ఈ ప్రాపర్టీ ఇన్సూరెన్స్ మీ భవనం, మెషినరీ, ఫర్నిచర్, ఫిక్చర్స్ ,ఎలక్ట్రికల్ ఇన్‌స్టాలేషన్‌లు మరియు మరెన్నో వాటి పునఃస్థాపన విలువను కవర్ చేస్తుంది. ఇది మార్కెట్ విలువ ఆధారంగా మీ స్టాక్‌ని కూడా కవర్ చేస్తుంది.

ఇండస్ట్రియల్ ఆల్ రిస్క్స్ ఇన్సూరెన్స్ పాలసీ అనేది, మీ వ్యాపార అవసరాలను తీర్చే ఫైర్ అండ్ స్పెషల్ పెరిల్స్ ఇన్సూరెన్స్ , బిజినెస్ ఇంటెరప్షన్ ఇన్సూరెన్స్ వంటి వివిధ రకాల వ్యక్తిగత ఇన్సూరెన్స్‌లను కలిగి ఉంటుంది. ఈ విధంగా మీరు బలహీనంగా ఉన్న చోటు మేము జాగ్రత్త తీసుకుంటాము మరియు మీరు ఎన్నడూ ఆర్ధికపరమైన ఇబ్బందికర పరిస్థితులలో పడరు.

మీ సంస్థ పెద్దది అయితే, కలిగే నష్టాలు కూడా పెద్ద స్థాయిలో ఉంటాయి అని మీకు తెలుసు. భారీ నష్టాలను భరించగలిగే ఇన్సూరెన్స్ పాలసీ కోసం మీరు శోధిస్తున్నట్లయితే, బజాజ్ అలియంజ్ మెగా రిస్క్ ఇన్సూరెన్స్ పాలసీ మీ కోసం తగినది.

మీ వ్యాపార స్థలం కోసం బిజినెస్ ఇంటెరప్షన్ ఇన్సూరెన్స్, మెషినరీ ఇన్సూరెన్స్ మొదలైనటువంటివి మీరు ఎంచుకోవాలనుకునే ఇన్సూరెన్స్ పాలసీల మొత్తం రూ. 2500 కోట్లు లేదా అంతకంటే ఎక్కువగా ఉంటే, మీకు మెగా రిస్క్ ఇన్సూరెన్స్ అవసరం అవుతుంది.

మీ కంపెనీ చేపట్టే ప్రతీ ప్రాజెక్ట్ లేదా వెంచర్ దానితో పాటు కొత్త కొత్త ప్రమాదాలను తెచ్చి పెడుతుంది. కానీ అది కేవలం ఒక వ్యాపార స్వభావం మాత్రమే మరియు అది మిమ్మల్ని భయపెట్టదని మాకు తెలుసు. మీ ఆత్మస్థైర్యానికి జోహార్లు!

అటువంటి సంభావ్య ప్రమాదాలకు భయపడకుండా ఉండటం మంచిది అయినప్పటికీ, వాటిని నివారించడానికి వ్యూహాత్మక చర్యలు తీసుకోవడం మరియు వ్యాపారం కార్యకలాపాలు, లాభదాయకతపై వాటి ప్రభావాన్ని తగ్గించడం కూడా చాలా ముఖ్యం.

బజాజ్ అలియంజ్ రిస్క్ మేనేజ్‌మెంట్ సర్వీసులు సంభావ్య ప్రమాదాలను అంచనా వేయడం మరియు వాటిని నివారించడంలో మాత్రమే కాకుండా ప్రధాన నిర్ణయాలను తీసుకోవడంలో కూడా మీకు సహాయపడతాయి. ఇది ఆర్థికంగా పడే ప్రభావాన్ని తగ్గించడానికి సహాయపడుతుంది మరియు మీ సంస్థ సజావుగా కార్యకలాపాలు నిర్వహించేలా తోడ్పడుతుంది.