கார் காப்பீடு ஏன் முக்கியமானது?

கார் காப்பீடு என்பது எந்தவொரு நான்கு சக்கர வாகன உரிமையாளரின் வாழ்க்கையின் ஒரு முக்கிய பகுதியாகும், குறிப்பாக இந்தியாவில். இந்திய சாலையில், உங்கள் காருக்கான மோட்டார் காப்பீட்டை கொண்டிருப்பது கட்டாயமாகும். முதல் முறையாக கார் வாங்குபவர்கள் பெரும்பாலும் கார் காப்பீடு ஏன் முக்கியமானது என்று ஆச்சரியப்படுகிறார்கள்; விபத்துகள் ஏற்படலாம் அல்லது ஏற்படாமல் போகலாம், ஆனால், இது உண்மையில் தேவையா? அதற்கான பதில் ஆம். ஒரு கார் காப்பீடு, ஐ கொண்டிருப்பதன் அவசியம் விதிமுறைகளின்படி அது கட்டாயம் என்பதால் மட்டுமல்ல. விபத்து காரணமாக ஏற்படும் சேதங்களை உள்ளடக்குவதற்கான நிதி மற்றும் உணர்ச்சிகரமான சுமையிலிருந்து இது பாதுகாக்கிறது. நீங்கள் இப்போது ஒரு காரை வாங்கியிருந்தால், இந்திய அரசாங்கம் 'ஏன்' இதை கட்டாயமாக்கியுள்ளது மற்றும் உங்களுக்கு கார் காப்பீடு ஏன் தேவைப்படுகிறது என்பது இங்கே கொடுக்கப்பட்டுள்ளது:  

• பொறுப்பைக் குறைக்கிறது

எந்தவொரு சூழ்நிலையிலும், சாலையில் உங்களால் விபத்து ஏற்பட்டால், உங்கள் பொறுப்பை நிர்வகிக்க உங்களுக்கு கார் காப்பீடு தேவைப்படும். இதனால்தான், இந்தியாவில் மூன்றாம் தரப்பினர் பொறுப்பு (டிபிஎல்) கார் காப்பீட்டை வாங்குவது கட்டாயமாகும். உதாரணமாக, நீங்கள் மற்றொரு நபரின் காரை சேதப்படுத்தும் விபத்தை ஏற்படுத்தினால் அல்லது வேறு ஒருவரின் காயங்களுக்கு பொறுப்பாக இருந்தால், முன்றாம் தரப்பினர் கார் காப்பீடு செலவுகளை உள்ளடக்கும் மற்றும் சூழ்நிலையின் சட்ட விளைவுகளிலிருந்து உங்களை காப்பாற்ற முடியும்.  

• சேதங்களுக்கான இழப்பீடுகள் 

கார்கள் மிகவும் விலையுயர்ந்தவை என்று உங்களுக்கு கூற வேண்டியதில்லை. ஓட்டும்போது சேதங்கள் ஏற்படுவது மிகவும் பொதுவானது. நீங்கள் பாதுகாப்பாக ஓட்டினாலும், மற்றொரு ஓட்டுநரின் தவறு அல்லது அலட்சியம் காரணமாக மோதல், பம்ப் அல்லது டென்ட் ஏற்படலாம். எனவே, ஏதேனும் சேதம் ஏற்பட்டால், பழுதுபார்ப்புகள் மற்றும் சரிசெய்வதற்கு இழப்பீடு வழங்க உங்களுக்கு ஒரு காப்பீடு தேவை. இங்குதான் உங்களுக்கு கார் காப்பீடு தேவைப்படுகிறது, ஏனெனில் நீங்கள் உங்கள் சொந்த சேதங்களுக்கு பணம் செலுத்த முயற்சிக்கிறீர்கள் என்றால், அது உங்களுக்கு பெரியளவில் பாதிப்பை ஏற்படுத்தலாம். மாறாக, காப்பீட்டு நிறுவனம் அதற்காக உங்களுக்கு உதவலாம்.  

• தீவிர காயங்களுக்கு பணம் செலுத்துகிறது 

எல்லோரும் ஒரு சில காயங்களுடன் தப்புவதில்லை. சில நேரங்களில், அனைத்து முன்னெச்சரிக்கைகளுடன் கூட, தீவிர விபத்துகள் ஏற்படலாம் மற்றும் பெரிய காயங்களுக்கு வழிவகுக்கலாம். சில விபத்துகள் மருத்துவமனையில் சேர்ப்பதற்கு வழிவகுக்கலாம், இது உணர்ச்சிபூர்வமாக மன அழுத்தமாக இருப்பதோடு ஒரு கடுமையான நிதிச் சுமையாகவும் இருக்கும். எனவே, கார் காப்பீடு ஏன் முக்கியமானது என்று நீங்கள் இன்னும் யோசிக்கிறீர்கள் என்றால் - உங்கள் சொந்த சேமிப்புகளிலிருந்து பணம் செலுத்தாமல் மருத்துவமனையில் சேர்ப்பு கட்டணங்களைச் செலுத்த இது உங்களுக்கு உதவும்.  

• நீங்கள் இறந்த பிறகு உங்கள் குடும்பத்தை பாதுகாக்கிறது

கார் காப்பீடு ஏன் முக்கியமானது என்பதற்கான மற்றொரு காரணத்தை உங்களுக்கு வழங்குகிறோம் - காப்பீடு உங்களுக்காக மட்டுமல்ல. உங்கள் திடீர் மரணத்திற்கு வழிவகுக்கும் ஒரு துரதிர்ஷ்டவசமான நிகழ்வு ஏற்பட்டால் உங்கள் குடும்பத்தை இது உள்ளடக்குகிறது என்பதால் உங்களுக்கு கார் காப்பீடு தேவை. நீங்கள் பாலிசியை வைத்திருக்கும் குடும்பத்தில் சம்பாதிக்கும் ஒரே நபராக இருந்தால், உங்கள் கார் காப்பீடு உங்கள் குடும்பத்தின் செலவுகளுக்கு உதவும் தனிநபர் விபத்துக் காப்பீட்டை வழங்கும். கார் காப்பீட்டை வாங்குவது மற்றும் பிரீமியங்களை செலுத்துவது விலையுயர்ந்தது என்று நீங்கள் நினைத்தால், அதற்காக வருந்தாதீர்கள். ஏனெனில் ஆன்லைனில் செய்யப்படும்போது கார் காப்பீடு குறைவாக கிடைக்கும், மற்றும் சந்தையில் கிடைக்கும் கார் காப்பீட்டு பாலிசிகள் மற்றும் பிரீமியங்களை நீங்கள் ஆராய்ச்சி செய்து ஒப்பிடலாம். மேலும், சரியான நேரத்தில் கார் காப்பீட்டை புதுபிக்கவும் மறக்காதீர்கள் இல்லையெனில், அது காலாவதியாகிவிடும்.