நிறைய பயணிகளுக்கு, பயணக் காப்பீட்டின் கருத்து ஒரு புதிய யோசனையாக வருகிறது. உண்மையில், ஐரோப்பா போன்ற பல அதிகார வரம்புகளில், ஷெங்கன் விசாவில் பயணம் செய்ய பயணக் காப்பீட்டுத் திட்டம் மற்றும் பிற ஆவணங்களைக் கொண்டிருப்பது கட்டாயமாகும். பயணக் காப்பீடு என்றால் என்ன மற்றும் அதன் நன்மைகள் யாவை என்பதை ஆராயும்போது, அது அர்த்தமுள்ளதாக இருக்கும். ஒரு நிலையான பயணக் காப்பீட்டு திட்டம் உங்கள் மருத்துவ செலவுகள், அவசர செலவுகள், இரத்துசெய்தல்கள் மற்றும் உடனடி ரொக்க தேவைகளை உள்ளடக்குகிறது. மருத்துவ செலவுகளை கவர் செய்வது என்று வரும்போது, பயணக் காப்பீடு என்பது மருத்துவ காப்பீடு போலவே இருக்குமா ? என்று நீங்கள் குழப்பமாக இருக்கலாம் அதற்கான பதில் என்னவென்றால் – இல்லை. இரண்டுக்கும் இடையிலான முக்கியமான வேறுபாடுகள் பற்றிய சிறந்த யோசனையைப் பெற, மேலும் படிக்கவும்!
பயணக் காப்பீடு vs. மருத்துவ காப்பீடு
காப்பீட்டு ஆவணங்களில் குறிப்பிடப்படாவிட்டால் பெரும்பாலான மருத்துவ காப்பீட்டுத் திட்டங்களில் வெளிநாட்டு சிகிச்சைகள் உள்ளடங்காது. எனவே, பயணக் காப்பீட்டுத் திட்டம் சர்வதேச மருத்துவ காப்பீட்டுடன் மிகவும் ஒப்பிடத்தக்கது, ஏனெனில் அவை எல்லை தாண்டிய மருத்துவ அபாயங்களை உள்ளடக்குகின்றன. மருத்துவக் காப்பீடும் பயணக் காப்பீடும் ஒத்ததா என்பதை நீங்கள் ஆராய்ச்சி செய்யும் போது நீங்கள் காணக்கூடிய பொதுவான வேறுபாடுகள் இங்கே கொடுக்கப்பட்டுள்ளன:
- காப்பீட்டு வரம்பு: திருட்டு, இரத்துசெய்தல் மற்றும் மருத்துவ செலவுகள் போன்ற பரந்த அபாயங்களை பயணக் காப்பீடு உள்ளடக்குகிறது. பாலிசியின் வழிமுறைகளின்படி ஏற்படும் மருத்துவ செலவுகளை மட்டுமே காப்பீடு செய்ய மருத்துவ காப்பீடு வடிவமைக்கப்பட்டுள்ளது.
- சிகிச்சையின் இடம்: நீங்கள் ஒரு வெளிநாட்டில் மருத்துவ அவசரநிலையை எதிர்கொண்டால், பயணக் காப்பீட்டுத் திட்டம் அங்கு நடத்தப்பட வேண்டிய அவசரகால சிகிச்சையை மட்டுமே மேற்கொள்ளும் மற்றும் பிறகுள்ள செயல்முறைகள் உங்கள் தாய்நாட்டில் செய்யப்படும். பாலிசியில் ஏற்கனவே குறிப்பிடப்பட்டுள்ளபடி, வெளிநாட்டில் உங்களுக்குத் தேவையான சிகிச்சையைப் பெற சர்வதேச மருத்துவ காப்பீடு உங்களை அனுமதிக்கும்.
- முன்பிருந்தே இருக்கும் மருத்துவ பிரச்சனைகள்: பெரும்பாலான பயணக் காப்பீட்டுத் திட்டங்கள் உங்களிடம் இருக்கும் முன்பிருந்தே இருக்கும் மருத்துவ பிரச்சனைகளை உள்ளடக்காது. தேவையான காப்பீட்டை பெறுவதற்கு ஒரு ரைடர் அல்லது ஆட்-ஆனை பெறுவதற்கு அல்லது மற்றொரு காப்பீட்டு பாலிசியை வாங்குவதை கருத்தில் கொள்ளுமாறு உங்களிடம் கேட்கப்படும். மறுபுறம், மருத்துவக் காப்பீட்டு திட்டங்கள் தற்போதுள்ள மருத்துவ நிலைமைகள் மற்றும் நீங்கள் எதிர்பார்க்கக்கூடிய நிலைமைகளை உள்ளடக்குகின்றன, ஏனெனில் அத்தகைய அபாயங்கள் ஏற்கனவே நீங்கள் செலுத்தியுள்ள பிரீமியத்திற்குள் அடங்கும்.
- காப்பீட்டு காலம்: பயணக் காப்பீட்டுத் திட்டங்கள் உங்களுக்கு 30, 60, 90, அல்லது அதற்கு மேற்பட்ட நாட்களுக்கு காப்பீடு வழங்கலாம். ஆனால், பெரும்பாலான சந்தர்ப்பங்களில், பயணக் காப்பீட்டுத் திட்டம் ஒரு வருடத்தில் பல பயணங்களுக்கு மட்டும் உங்களுக்கு சிறந்த காப்பீட்டை வழங்கும் - ஆண்டு முழுவதும் இல்லை. முழு ஆண்டுக்கான அல்லது நிர்ணயிக்கப்பட்ட காலத்திற்கான உங்கள் மருத்துவச் செலவுகள் மருத்துவக் காப்பீட்டு திட்டத்தில் காப்பீடு செய்யப்படுகின்றன.
- பயணத்திற்கு முன்னர் மருத்துவ அவசரநிலை: டெல்லியில் அசோக் என்ற 28 வயது கட்டிடக் கலைஞர் ஒரு மாநாட்டிற்காக சிட்னிக்கு பயணம் செய்ய திட்டமிடும் ஒரு சூழ்நிலையை கற்பனை செய்யுங்கள். அவர் தனக்கும் அவரது குழுவிற்கும் ஒரு விரிவான பயணக் காப்பீட்டுத் திட்டத்தைப் பெற்றுள்ளார். துரதிர்ஷ்டவசமாக, திட்டமிடப்பட்ட புறப்படுவதற்கு முன்னர், அவர் தனது அலுவலகத்தில் உள்ள படிகட்டுகளில் விழுந்து காயமடைகிறார். அவர் மருத்துவமனையில் அனுமதிக்கப்பட்டு சிகிச்சைக்கு உட்படுத்தப்பட வேண்டும்.
இந்த விஷயத்தில், பயணக் காப்பீட்டுத் திட்டம் இரத்துசெய்தல் கட்டணங்களை உள்ளடக்கும், மருத்துவமனையில் தங்கி குணமாகும் மருத்துவச் செலவுகளை உள்ளடக்காது. மறுபுறம், ஒரு மருத்துவக் காப்பீட்டுத் திட்டம் அவரது குணமாகும் காலம் முழுவதும் மருத்துவச் செலவுகளை உள்ளடக்கியிருக்கும். இருப்பினும், புக்கிங் மற்றும் விமானங்களுக்காக அவர் எதிர்கொள்ளும் இரத்துசெய்தல் கட்டணங்களை இது உள்ளடக்காது.
| பயணக் காப்பீடு vs மருத்துவ காப்பீடு |
| பயணக் காப்பீடு |
மருத்துவ காப்பீடு |
| 1. மருத்துவ செலவுகள், லக்கேஜ் இழப்பு அல்லது சேதம், திருட்டு, அவசரகால ரொக்க தேவைகள் மற்றும் பல பிற அபாயங்களை உள்ளடக்குகிறது. |
1. பாலிசி ஆவணங்களில் குறிப்பிடப்பட்டுள்ளபடி இது மருத்துவ அபாயங்களை மட்டுமே உள்ளடக்குகிறது. |
| 2. முன்பிருந்தே இருக்கும் மருத்துவ பிரச்சனைகள் பொதுவாக இந்த திட்டத்தில் உள்ளடங்காது. |
2. முன்பிருந்தே இருக்கும் மற்றும் வரக்கூடிய மருத்துவ பிரச்சனைகள் திட்டத்தில் சேர்க்கப்படலாம். |
| 3. காப்பீட்டு காலம் பொதுவாக பயண நாட்களை பொறுத்தது. |
3. பாலிசியைப் பொறுத்து, உள்ளடக்கத்தின் காலம் ஒரு ஆண்டு முதல் சில ஆண்டுகள் வரை இருக்கலாம். |
| 4. பயணத்திற்கு முந்தைய அல்லது பிந்தைய மருத்துவ செலவுகள் பொதுவாக காப்பீடு செய்யப்படாது. |
4. காப்பீட்டு ஆவணத்தில் குறிப்பிடப்பட்டுள்ள அனைத்து மருத்துவ செலவுகளும் உள்ளடக்கப்படுகின்றன. |
பொதுவான கேள்விகள்
- பயணக் காப்பீட்டுத் திட்டம் அல்லது மருத்துவ காப்பீட்டுத் திட்டம், இவற்றில் நீங்கள் எதை கருத்தில் கொள்ள வேண்டும்?
பதிலுக்கு இந்த தகவல் தேவைப்படும் – காப்பீட்டுத் திட்டத்துடன் நீங்கள் எதை பெறத் திட்டமிடுகிறீர்கள்
ஆன்லைன் பயணக் காப்பீடு அல்லது ஆஃப்லைனிலும் வாங்கலாம். நீங்கள் இந்த மூன்று அளவுகோல்களில் ஏதேனும் ஒன்றை தேடுகிறீர்கள் என்றால், நீங்கள் ஒரு பயணக் காப்பீட்டுத் திட்டத்தை தேர்வு செய்ய வேண்டும்:
- பயணத்தின் போது உங்களுக்கு, உங்கள் குழு அல்லது உங்கள் குடும்பத்திற்கான மருத்துவத் தேவை, பொருட்களின் இழப்பு அல்லது இரத்துசெய்தல் பாதுகாப்பை தேடுகிறீர்கள் என்றால்.
- நீங்கள் செல்லும் இடத்தின் விசா பாலிசிகளின்படி ஒரு பயணக் காப்பீட்டுத் திட்டத்தை பிரத்யேகமாக தேடுகிறீர்கள் என்றால்.
- இரத்துசெய்தல் அபாயங்களை குறைக்க விரும்பும் பயணத் திட்டுமிடுபவராக இருந்தால்.
நீங்கள் பின்வரும் ஏதேனும் அளவுகோல்களை தேடுகிறீர்கள் என்றால், நீங்கள் ஒரு மருத்துவ காப்பீட்டு திட்டத்தை தேர்வு செய்ய வேண்டும்:
- பயணத்துடன் அல்லது பயணம் இல்லாமல் மருத்துவ ஆபத்து செலவுகளுக்கு எதிராக நீங்கள் பாதுகாப்பை விரும்புகிறீர்கள் என்றால்.
- உங்களிடம் முன்பிருந்தே இருக்கும் மருத்துவ பிரச்சனைகள் இருந்தால்.
- பயணத்திற்கு முன்னர் அல்லது பின்னர் உங்களுக்கு ஏற்படக்கூடிய மருத்துவ செலவுகளுக்கான பாதுகாப்பை நீங்கள் விரும்புகிறீர்கள் என்றால்.
- நான் ஒரு பயணக் காப்பீடு மற்றும் மருத்துவக் காப்பீட்டு திட்டம் இரண்டையும் கொண்டிருக்க முடியுமா?
பயணக் காப்பீட்டுத் திட்டம் உங்கள் அனைத்து தேவைகளையும் பூர்த்தி செய்யவில்லை என்றால், நீங்கள் முதலில் கிடைக்கக்கூடிய ஆட்-ஆன்களை ஆராய வேண்டும். நீங்கள் இன்னும் கூடுதல் காப்பீட்டை தேடுகிறீர்கள் என்றால், ஒரு மருத்துவ காப்பீட்டு திட்டத்தை வைத்திருப்பது சிறந்ததாகும். நீங்கள் பயணக் காப்பீட்டை ஆன்லைனில் வாங்கி உங்கள் விருப்பங்களை ஒப்பிடலாம். மேலும் சரிபார்க்கவும்
உள்நாட்டு பயணக் காப்பீடு &
மூத்த குடிமக்களுக்கான பயண காப்பீடு பஜாஜ் அலையன்ஸ் ஜெனரல் இன்சூரன்ஸ் மூலம் வழங்கப்படுகிறது.
சேவை சாட்: 
பதிலளிக்கவும்