आजाराविषयी जागरूकता निर्माण करण्यासाठी दरवर्षी एप्रिलच्या 25 तारखेला जागतिक मलेरिया दिवस साजरा केला जातो. इतर कोणत्याही आरोग्य जागृती मोहिमेप्रमाणेच या दिवसाचा उद्देशही या थीमवर लक्ष केंद्रित करणे हा आहे आणि या वर्षीची थीम आहे "चांगल्या आयुष्यासाठी मलेरिया संपवा". डब्ल्यूएचओच्या मते, दक्षिण-पूर्व आशियातील मलेरियाशी संबंधित प्रकरणांपैकी 58% एकट्या भारतामध्ये आहेत ज्यापैकी 95% ग्रामीण आणि 5% शहरी भागातून येतात. हे केवळ भारतातच नाही तर जगभरातील मृत्यूचे प्रमुख कारण आहे. मलेरिया हा डास चावल्यामुळे होतो. त्यामुळे सतर्क राहणे आणि खबरदारी घेणे गरजेचे आहे. भारतात, आंध्र प्रदेश, छत्तीसगड, गुजरात, झारखंड, कर्नाटक, मध्य प्रदेश, महाराष्ट्र, ओडिशा, पश्चिम बंगाल आणि सात ईशान्येकडील राज्ये सर्वात जास्त प्रभावित आहेत. तुम्ही अशा कोणत्याही प्रभावित भागात प्रवास करत असाल तर प्रवासाच्या एक किंवा दोन दिवस आधी तुम्ही मलेरियाविरोधी गोळ्या घेतल्याची खात्री करा. तुम्ही काही प्रतिबंधात्मक उपाय देखील करू शकता जसे:
- मच्छरदाणी खाली झोपणे- मच्छरदाणी खाली झोपणे हा डास आणि कीटकांपासून दूर राहण्याचा सर्वोत्तम मार्ग आहे.. गादीवर मच्छरदाणी लावल्यानंतर आत डास नसल्याची खात्री करा आणि साचलेल्या धुळीपासून मुक्त होण्यासाठी दर 10 दिवसांनी एकदा ते धुवा.
- सिट्रोनेला ऑइल- हे तेल लेमन ग्रासपासून काढले जाते आणि बहुतेक सौंदर्य उत्पादनांमध्ये वापरले जाते. तथापि, ऑलिव्ह किंवा खोबऱ्याच्या तेलासह शरीरावर लावल्यास डासांपासून बचाव करण्यासाठी हे देखील प्रभावी आहे. फक्त काही थेंब पुरेसे आहेत कारण त्याचा खूप तीव्र सुगंध आहे.
- तुमचे शरीर झाका- तुमची शरीर उघडे असल्यावर तुम्हाला डास चावण्याची शक्यता जास्त असते. डासांचे चावणे टाळण्यासाठी पूर्ण बाही असलेले कपडे आणि लांब पँट घाला.
- डासांपासून बचाव करणारी क्रीम आणि लोशन वापरा- तुम्ही तुमच्या शरीराचे काही भाग उघडे राहतील असे कपडे घालणार असाल तर, त्या भागांवर डासांपासून बचाव करणारी क्रीम किंवा लोशन लावल्याची खात्री करा. तसेच, जर तुम्ही सनस्क्रीन लावत असाल तर वर डासांपासून बचाव करणारी क्रीम किंवा लोशन लावा कारण याचा तीव्र वास डासांना दूर ठेवेल.
- इनडोअर स्प्रे वापरून– मार्केटमध्ये सहजपणे उपलब्ध असलेले डासांपासून बचाव करणारे स्प्रे आणि व्हेपरायझर्स घरी वापरा. हे प्रतिरोधक साधारणपणे प्लग-इन असतात किंवा तुम्ही तुमच्या खोलीत त्याचा स्प्रे करता. ही पद्धत अधिक प्रभावी करण्यासाठी, दारे आणि खिडक्या बंद असल्याची खात्री करा.
तुमच्या प्रवासानंतर, संभाव्य लक्षणांवर लक्ष ठेवा, मलेरियाची काही सामान्य लक्षणे आहेत:
- ताप
- डोकेदुखी
- मळमळ
- स्नायूमध्ये वेदना
- थकवा
- जुलाब
- शौचात रक्त येणे
- घाम येणे
- शरीरातील रक्त कमी होणेे
- स्नायुंचे आकुंचन होणे
भविष्यात होणाऱ्या त्रासापेक्षा सुरक्षितता बाळगणे नक्कीच सर्वोत्तम असते. आजाराच्या स्थितीत आपल्याला अनेक गोष्टींकडे काळजीपूर्वक लक्ष देण्याची आवश्यकता असते. अशा वेळी उपचारासाठी आवश्यक खर्चाची तरतूद करण्यासाठी बॅक-अप ठेवणे देखील तितकेच महत्वाचे ठरते. म्हणून,
मेडिकल इन्श्युरन्स असणे ही कोणताही आजाराच्या मानसिक आणि आर्थिक दृष्ट्या तणावमुक्त राहण्यासाठी आवश्यक बाब आहे. तुमच्या गरजेनुसार तयार केलेली पॉलिसी शोधण्यासाठी आमच्या वेबसाईटला भेट द्या.
सर्व्हिस चॅट: 
