హెల్త్ ఇన్సూరెన్స్ కింద ఆయుర్వేద మరియు హోమియోపతి చికిత్సకు కవరేజ్

ఆయుర్వేద మరియు హోమియోపతి చికిత్స కోసం ఇన్సూరెన్స్ కవర్

పురాతనకాలం నాటి ఆయుర్వేదం, హోమియోపతి, యునాని మొదలైన సంప్రదాయ, ప్రత్యామ్నాయ చికిత్సలు చాలా ప్రజాదరణ పొందుతున్నాయి. ప్రజలు ఆయుర్వేదాన్ని ఎంతో గౌరవిస్తారు, ఎందుకనగా అవి ప్రకృతిసిద్ధమైన మూలికల నుండి తయారుచేయబడినవి, ఎలాంటి దుష్ప్రభావాలు ఉండవు. ఈ ట్రెండ్ భారతదేశంలోనే కాకుండా యావత్ ప్రపంచంలో కూడా కొనసాగుతుంది. అదేవిధంగా, అలోపతి చికిత్సకు హోమియోపతి నేడు అత్యంత ప్రాధాన్యతగల ప్రత్యామ్నాయంగా మారింది.

ప్రత్యామ్నాయ చికిత్స కోసం ఇన్సూరెన్స్ కవర్

2013లో Insurance Regulatory and Development Authority of India (IRDAI) ఆయుర్వేదం, యునాని, సిద్ధ, హోమియోపతి (ఆయుష్) చికిత్సలకు కూడా ఇన్సూరెన్స్ కవరేజీని ప్రతిపాదించింది, దీనిని ఇన్సూరెన్స్ సంస్థలు కూడా అంగీకరించాయి. 

ఆయుష్ విడుదల చేసిన పాలసీ డాక్యుమెంట్ హెల్త్ ఇన్సూరెన్స్ ప్లాన్ కింద కవరేజ్ కోసం పరిగణించబడే వ్యాధులు, నిర్దిష్ట థెరపీలు, చికిత్స విధానం, హాస్పిటలైజేషన్‌కు చెందిన సగటు వ్యవధి మరియు ఇతర ఖర్చులను స్పష్టంగా జాబితా చేస్తుంది.

హెల్ ఇన్సూరెన్స్ పాలసీలో ఆయుష్ కవర్

భారతదేశంలోని అనేక హెల్త్ ఇన్సూరెన్స్ కంపెనీలు ఆయుష్ చికిత్సల కోసం మెడికల్ కవరేజీని అందిస్తున్నాయి. అయితే, ఆయుర్వేదం, హోమియోపతి మరియు ఇతర ప్రత్యామ్నాయ చికిత్సల కోసం కవరేజ్ అందించే హెల్త్‌కేర్ ప్లాన్ కవరేజ్ పరిమితిపై గరిష్ట పరిమితిని కలిగి ఉండవచ్చు.

ఈ పరిమితిని ఇన్సూర్ చేయబడిన మొత్తం శాతంగా లేదా ఏకమొత్తంగా కోట్ చేయవచ్చు. కావున, పాలసీదారు ఆయుర్వేద,హోమియోపతి చికిత్స కోసం క్లెయిమ్ చేసినపుడు, అది హెల్త్ ఇన్సూరెన్స్ పాలసీలో పేర్కొన్న పరిమితి వరకు పరిష్కరించబడుతుంది.

ఆయుష్ చికిత్స పరంగా క్లెయిమ్‌ను ఏవిధంగా నమోదు చేయాలి?

‌ ఆయుష్ చికిత్సలు‌ కోసం కవరేజ్ క్లెయిమ్ చేయడానికి ప్రభుత్వం గుర్తించిన ఏదైనా ఆయుర్వేద ఆసుపత్రి లేదా సంస్థలో కనీసం 24 గంటలపాటు ఆసుపత్రిలో చేరవలసి ఉంటుంది. అయితే, హాస్పిటలైజేషన్ ముఖ్యోద్దేశం కేవలం వైద్య పరీక్ష కోసం మాత్రమే అయితే, ఇన్సూరెన్స్ సంస్థ ఆ క్లెయిమ్‌ను స్వీకరించదు. అలాగే, ఆయుర్వేదంలో అంతర్భాగమైన శారీరక పునర్‌యౌవ్వనం కోసం చేసే చికిత్సలు సాధారణంగా కవర్ నుండి మినహాయించబడ్డాయి. అనగా థెరప్యూటిక్ లేదా వెల్‌నెస్ సంబంధిత చికిత్సల కోసం తప్పనిసరిగా స్వతహాగా చెల్లించాల్సి ఉంటుంది.

తెలుసుకోండి హెల్త్ ఇన్సూరెన్స్ ఫీచర్లు