ആധാറും പാൻ കാർഡും ഇൻഷുറൻസ് പോളിസിയുമായി ലിങ്ക് ചെയ്യൽ

എല്ലാ ഇൻഷുറൻസ് പോളിസികളും ഇനി ആധാർ, പാൻ/ഫോം 60 എന്നിവയുമായി ലിങ്ക് ചെയ്യേണ്ടത് Insurance Regulatory and Development Authority of India (IRDAI) ഇപ്പോൾ നിർബന്ധമാക്കി. ഈ ഡോക്യുമെന്‍റുകൾ സമർപ്പിക്കാതെ പുതിയ പോളിസികൾ ഇഷ്യു ചെയ്യില്ലെന്നും വ്യക്തമാക്കിയിട്ടുണ്ട്. നിലവിലുള്ള കസ്റ്റമർ ആധാറും പാനും തങ്ങളുടെ പോളിസികളുമായി ലിങ്ക് ചെയ്യണം.

ഒപ്പം വായിക്കുക: IRDAI എന്നാല്‍ എന്താണ്?

ഈ പുതിയ നിയന്ത്രണത്തെക്കുറിച്ച് നിങ്ങൾക്ക് ഉണ്ടായേക്കാവുന്ന സാധാരണ ചോദ്യങ്ങൾ

ഈ പുതിയ ചട്ടത്തെക്കുറിച്ച് ഉണ്ടാകാവുന്ന ചില സാധാരണ ചോദ്യങ്ങൾക്കുള്ള ഉത്തരങ്ങൾ താഴെപ്പറയുന്നു:

ചോ. ഇത് ബാധകമാകുന്നതിന് എന്തെങ്കിലും പ്രത്യേക തീയതി ഉണ്ടോ അല്ലെങ്കിൽ അത് ഉടനടി പ്രാബല്യത്തിൽ വരുമോ?

ഉ. ഐആർഡിഎഐ സർക്കുലർ ഉടനടി പ്രാബല്യത്തിൽ വരും.

ചോ. മനസ്സിലാക്കിയതുപോലെ, ഐആർഡിഎഐ നോട്ടിഫിക്കേഷൻ പ്രകാരം, ആധാർ കാർഡ് ഇല്ലാതെ പുതിയ പോളിസികളൊന്നും നൽകാൻ കഴിയില്ല. ഇഷ്യൂ ചെയ്യുന്ന സമയത്ത് എനിക്ക് ആധാർ കാർഡ് ഇല്ലെങ്കിൽ എന്ത് സംഭവിക്കും?

ഉ. പോളിസി നൽകുന്ന സമയത്ത് ക്ലയന്‍റ് ആധാർ നമ്പറും പെർമനന്‍റ് അക്കൗണ്ട് നമ്പറും സമർപ്പിച്ചില്ലെങ്കിൽ പുതിയ പോളിസികൾ നൽകാം. എന്നിരുന്നാലും, പോളിസി നൽകിയ തീയതി മുതൽ ആറ് മാസത്തിനുള്ളിൽ കസ്റ്റമർ അത് സമർപ്പിക്കേണ്ടതുണ്ട്.

ചോ. നിലവിലുള്ള പോളിസികൾക്ക്, പോളിസി ഇഷ്യൂ ചെയ്യുന്ന സമയത്ത് ആധാർ നമ്പർ നൽകിയിട്ടില്ലെങ്കിൽ (ഉദാഹരണത്തിന് മറ്റൊരു ഐഡി, അഡ്രസ് പ്രൂഫ് ഉപയോഗിച്ചിട്ടുണ്ടെങ്കിൽ), ഈ പോളിസികൾ ആധാറുമായി ലിങ്ക് ചെയ്യേണ്ടതിന് എന്തെങ്കിലും സമയപരിധി ഉണ്ടോ? സമയപരിധി പാലിച്ചില്ലെങ്കിൽ, പോളിസി ഉടമകൾക്കുണ്ടാകുന്ന പരിണിതഫലം എന്താണ്?

എ. നിലവിലുള്ള പോളിസികൾക്കായി, ഉപഭോക്താവ് അവരുടെ ആധാറും പാൻ നമ്പറും/ഫോം 60 എന്നിവ 2018 മാർച്ച് 31-നകം സമർപ്പിക്കണം. സമയപരിധിക്കുള്ളിൽ ഉപഭോക്താവ് അത് സമർപ്പിച്ചില്ലെങ്കിൽ, അത് സമർപ്പിക്കുന്നത് വരെ പ്രസ്തുത അക്കൗണ്ട് പ്രവർത്തനരഹിതമാകും.

ചോ. ചില പോളിസി ഉടമകൾ ഇതുവരെ അവരുടെ ആധാർ ലിങ്ക് ചെയ്‌തിട്ടില്ലെങ്കിൽ, ഒരു ക്ലെയിം ഉന്നയിക്കുകയാണെങ്കിൽ, അവരുടെ ക്ലെയിം നിരസിക്കപ്പെടുമോ?

ഉ. ഒരു പോളിസി ഉടമ അവരുടെ ആധാറും പാൻ വിവരങ്ങളും ലിങ്ക് ചെയ്‌തിട്ടില്ലെങ്കിൽ, അവർ അത് സമർപ്പിക്കുന്നതുവരെ അവരുടെ ക്ലെയിമുകൾ നിർത്തിവയ്ക്കും.

ചോ. ഒരു പോളിസി ഉടമയ്ക്ക് ആധാർ ഇല്ലെങ്കിൽ അവന്‍റെ/അവളുടെ പോളിസി അസാധുവാകുമോ അല്ലെങ്കിൽ ക്ലെയിമുകൾ നിരസിക്കുമോ?

ഉ. ഇല്ല, പോളിസികൾ അസാധുവാകില്ല, അല്ലെങ്കിൽ ക്ലെയിമുകൾ നിരസിക്കില്ല. എന്നിരുന്നാലും, പോളിസി ഉടമ ആധാറും പാനും/ഫോം 60 ഉം സമർപ്പിക്കുന്നതുവരെ ക്ലെയിമുകൾ നിർത്തിവയ്ക്കും.

ചോ. നിലവിലുള്ള പോളിസി ഉടമകൾക്ക്, ക്ലെയിമുകൾ നടത്തുകയോ പോളിസി പ്രവർത്തനക്ഷമമാകുകയോ ചെയ്യുന്ന സാഹചര്യത്തിൽ ഇൻഷുറൻസ് കരാർ സ്വയം പ്രാബല്യത്തിൽ വരില്ലേ?? കാരണം പോളിസി ഇഷ്യൂ ചെയ്യുന്ന സമയത്ത് ആധാറിനെ കുറിച്ച് ഒരു പരാമർശവും ഉണ്ടായിരുന്നില്ല.

ഉ. ഇൻഷുറൻസ് കരാറുകൾ നിയന്ത്രിക്കുന്നത് ഇന്ത്യൻ കരാർ നിയമമാണ്. എന്നിരുന്നാലും, ആധാർ, പാൻ/ഫോം 60 എന്നിവ സമർപ്പിക്കുന്നതിനുള്ള ആവശ്യകത കള്ളപ്പണം വെളുപ്പിക്കൽ തടയൽ നിയമം, 2002 പ്രകാരം രൂപകൽപ്പന ചെയ്ത പിഎംഎൽ നിയമങ്ങൾ അനുസരിച്ചാണ് . പിഎംഎൽ നിയമങ്ങൾക്ക് നിയമപരമായ ശക്തിയുണ്ട്, അത് പാലിക്കണം.

നിങ്ങൾക്കുള്ള ചോദ്യങ്ങൾക്ക് ഉത്തരം കിട്ടിയെന്ന് ഞങ്ങൾ കരുതുന്നു!

ഞങ്ങളുടെ പക്കൽ നിങ്ങൾക്കൊരു പോളിസി ഉണ്ടെങ്കിൽ, നിങ്ങളുടെ ആധാർ, പാൻ/ഫോം 60 വിശദാംശങ്ങൾ അപ്ഡേറ്റ് ചെയ്യാൻ ആഗ്രഹിക്കുന്നെങ്കിൽ, ക്ലിക്ക് ചെയ്യുക ഇവിടെ.