എനിക്ക് എന്തുകൊണ്ടാണ് ട്രാവൽ ഇൻഷുറൻസ് വേണ്ടത്?

1960 കളിലെ ഹിറ്റ് പാട്ടുകൾ പോലെ ആവേശകരമായി തോന്നുന്നുണ്ടോ 'ജെറ്റ് വിമാനത്തില്‍ പോകുന്ന' കാര്യം? നിങ്ങളുടെ വിരസമായ ദിനചര്യകളുടെ കെട്ടുപാടുകളിൽ നിന്ന് രക്ഷപ്പെടുന്നത് വളരെ നല്ലതാണ്, എന്നാൽ യാത്രയിലെ അടിയന്തിര സാഹചര്യങ്ങൾക്കായി പ്ലാൻ ചെയ്യുന്ന കാര്യം ഒരു നേരമ്പോക്കായി കാണരുത്

നിങ്ങൾ ചെയ്യാനുള്ള കാര്യങ്ങളുടെയും കാണാനുള്ള സ്ഥലങ്ങളുടെയും ലിസ്റ്റ് ഉണ്ടാക്കിയെങ്കിൽ, താമസിക്കാൻ മിതമായ നിരക്കിലുള്ള ഹോട്ടലുകളും ന്യായമായ ടൂർ പാക്കേജുകളും കണ്ടെത്താനുള്ള സമയമാണ് ഇത്. അതെ, ഒപ്പം നീന്തൽ ട്രങ്കുകളും സ്യൂട്ടുകളും വേണം (അതിനു പറ്റിയ ഇടത്തേക്കാണ് നിങ്ങൾ പോകുന്നതെങ്കിൽ)!

അതെല്ലാം ചെയ്തു കഴിഞ്ഞെങ്കിൽ ഇനി പ്രധാനപ്പെട്ട മറ്റ് ചില കാര്യങ്ങളെക്കുറിച്ച് ചിന്തിക്കാൻ സമയമായി. എന്താണത് എന്നാണോ നിങ്ങൾ ചോദിക്കുന്നത്? അതെ, അതു തന്നെ, അടിയന്തിര സാഹചര്യങ്ങൾ കൈകാര്യം ചെയ്യുന്നതിനുള്ള പ്ലാൻ ഉണ്ടായിരിക്കണം! ഒരു വ്യക്തിഗത ട്രാവൽ ഇൻഷുറൻസ് പോളിസി അത്തരം ഒരു പ്ലാനിന്‍റെ ഭാഗമായിരിക്കണം.

വിദേശ യാത്രയ്ക്ക് അതിന്‍റേതായ റിസ്ക്കുകളുണ്ട്. പാസ്പോര്‍ട്ട് നഷ്ടപ്പെടുക, ബാഗേജ് വരുന്നതിലെ കാലതാമസം എന്നു തുടങ്ങി മെഡിക്കല്‍ എമർജൻസികൾ വരെ പല അനിഷ്ട സംഭവങ്ങളും നടന്നേക്കാം. നിങ്ങൾ യാത്രതിരിക്കുന്നതിന് മുമ്പ്, നിങ്ങൾക്ക് ആവശ്യമുള്ള ട്രാവൽ ഇൻഷുറൻസ് സംരക്ഷണം വിലയിരുത്തുന്നതിന്, യാത്രയുടെ കാലയളവ് അല്ലെങ്കിൽ ദൈർഘ്യം, പേഴ്സണൽ ലയബിലിറ്റി എക്സ്പോഷർ എന്നിങ്ങനെ വിവിധ റിസ്ക്ക് ഘടകങ്ങൾ വിലയിരുത്തുക.

ഇത് പരിഗണിക്കുക: നിങ്ങളുടെ ലക്ഷ്യസ്ഥാനത്ത് എത്തിയതിന് ശേഷം ഉടൻ തന്നെ നിങ്ങളുടെ ബാഗേജ് കാണാതാകുന്നു അല്ലെങ്കിൽ നിങ്ങൾ ഒരു മെഡിക്കൽ എമർജൻസി നേരിടുകയും നിങ്ങളെ ഉടൻ ആശുപത്രിയിൽ പ്രവേശിപ്പിക്കേണ്ടത് ആവശ്യമാകുകയും ചെയ്യുന്നു. പരിചിതമായ മുഖങ്ങൾ ചുറ്റുമില്ലാത്ത ആ സാഹചര്യത്തിൽ, നിങ്ങൾ സ്വപ്നം കണ്ടിരുന്ന അവധിക്കാലം ഒരു ദുരന്തകഥയായി മാറാതിരിക്കാൻ വ്യക്തിഗത ട്രാവല്‍ ഇൻഷുറൻസ് നിങ്ങളെ സഹായിക്കും. പ്രതിസന്ധി ഒഴിവായി!

വ്യക്തിഗത ട്രാവല്‍ ഇൻഷുറൻസ് ഉണ്ടായിരിക്കുന്നത് നിങ്ങളുടെ സാമ്പത്തിക സ്ഥിതി സംരക്ഷിക്കുകയും നിങ്ങള്‍ക്ക് മനസ്സമാധാനം ഉറപ്പു നല്‍കുകയും ചെയ്യുന്നു. വിദേശത്തായിരിക്കുമ്പോൾ നിങ്ങൾക്ക് സഹായം ആവശ്യമുണ്ടെങ്കിൽ, നിങ്ങൾ ചെയ്യേണ്ടത് ഞങ്ങളുടെ ടോൾ-ഫ്രീ ഹെൽപ്പ്ലൈനിൽ വിളിക്കുക എന്നതു മാത്രമാണ്. ഞങ്ങളുടെ ആഗോള നെറ്റ്‌വർക്ക്, നിങ്ങൾ എവിടെയായിരുന്നാലും വേഗത്തിലുള്ള ക്ലെയിം പ്രോസസിംഗും സെറ്റിൽമെന്‍റ് സേവനവും ലഭിക്കാൻ നിങ്ങളെ പ്രാപ്തരാക്കുന്നു.

പകർച്ചവ്യാധികളും പ്രകൃതി ദുരന്തങ്ങളും പരിഗണിക്കുമ്പോൾ, അവശ്യം വേണ്ടുന്നവയുടെ കൂട്ടത്തിൽ വ്യക്തിഗത ട്രാവൽ ഇൻഷുറൻസ് പോളിസി പ്രഥമ സ്ഥാനത്തു വരേണ്ടതാണ്, കാരണം അത്തരം സാഹചര്യങ്ങളിൽ ഭീമമായ മെഡിക്കൽ ചെലവുകൾ നിറവേറ്റാൻ അത് നിങ്ങളെ സഹായിക്കും. അതുപോലെ, നിങ്ങൾക്ക് അടിയന്തിരമായി പണം ആവശ്യമുള്ള അടിയന്തിര സാഹചര്യങ്ങൾ നേരിടുമ്പോൾ, ഞങ്ങളുടെ വ്യക്തിഗത യാത്ര പദ്ധതികൾ നിങ്ങൾക്ക് മതിയായ ലിക്വിഡിറ്റി നൽകുന്നു.

ഒരു പ്രൊഫഷണൽ അല്ലെങ്കിൽ ടൂറിസ്റ്റ് എന്ന നിലയിൽ, ലോകത്തിന്‍റെ മറ്റൊരു ഭാഗത്തേക്ക് യാത്ര ചെയ്യുന്നത് ആകർഷകമായ അനുഭവമാകാം! ബജാജ് അലയൻസിൻ്റെ വ്യക്തിഗത ട്രാവൽ ഇൻഷുറൻസ് ഉണ്ടെങ്കിൽ, വിമാനം പറന്നുയരുന്നതോടൊപ്പം, നിങ്ങളുടെ യാത്രാസംബന്ധിയായ എല്ലാ ആകുലതകളും പിന്നിൽ ഉപേക്ഷിച്ചെന്ന് നിങ്ങൾക്ക് ഉറപ്പിക്കാം!

ഏറ്റവും ന്യായമായ നിരക്കിലുള്ള വ്യക്തിഗത ട്രാവല്‍ പ്ലാൻ എങ്ങനെ നേടാം എന്നാണോ ചിന്തിക്കുന്നത്? ഏറ്റവും പുതിയ ക്വോട്ടുകൾ ലഭിക്കുന്നതിനും വ്യത്യസ്ത ട്രിപ്പ് പ്ലാനുകൾ താരതമ്യം ചെയ്യുന്നതിനും ഞങ്ങളുടെ ട്രാവൽ ഇൻഷുറൻസ് പ്രീമിയം കാൽക്കുലേറ്റർ ഉപയോഗിച്ച് അടയ്‌ക്കേണ്ട പ്രീമിയം കണക്കാക്കുന്നതിനും ഞങ്ങളുടെ വെബ്സൈറ്റ് സന്ദർശിച്ചാൽ മാത്രം മതിയാകും. അതെ, ഇത് ശരിക്കും ലളിതമാണ്!

എനിക്ക് വിദേശത്ത് പണത്തിന് അടിയന്തരാവശ്യം വന്നാല്‍?

ഒരു വിദേശ രാജ്യത്ത് കുടുങ്ങിപ്പോകുന്നത് ലോകമെമ്പാടുമുള്ള ആളുകൾ അനുഭവിക്കുന്ന ഏറ്റവും മോശമായ 10 യാത്രാ ദുരിതങ്ങളിൽ ഒന്നാണ്! യഥാർത്ഥ ജീവിതത്തിൽ നിങ്ങൾ എപ്പോഴെങ്കിലും അത്തരം സാഹചര്യം നേരിടുകയാണെങ്കിൽ, ഉദാഹരണത്തിന്, മറ്റൊരു രാജ്യത്ത് നിങ്ങൾ മോഷണത്തിനു വിധേയനാകുന്നെങ്കിൽ, നിങ്ങൾ ബുദ്ധിപൂർവ്വം ചിന്തിച്ച് പ്രവർത്തിക്കേണ്ടതുണ്ട്. എംബസി സ്റ്റാഫുകൾ, പോലീസ് അല്ലെങ്കിൽ ഇമ്മിഗ്രേഷൻ ഉദ്ദ്യോഗസ്ഥർ എന്നിവരിൽ നിന്ന് നിങ്ങൾക്ക് സഹായം തേടാൻ കഴിയുമെങ്കിലും, ഉടൻ എന്തെങ്കിലും ചെലവുകൾ ഉണ്ടായാൽ എന്തു ചെയ്യും?

സന്തോഷകരമെന്നു പറയട്ടെ, വ്യക്തിഗത ട്രാവൽ ഇൻഷുറൻസിലൂടെ, നിങ്ങൾക്ക് അടിയന്തരമായി ധനസഹായം ലഭിക്കും, അത് ഉപയോഗിച്ച് നിങ്ങൾക്ക് അടിയന്തരമായി ആവശ്യമായ സാധനങ്ങൾ വാങ്ങാനും രാത്രിയിൽ സുഖമായി ഉറങ്ങാനുള്ള സ്ഥലം കണ്ടെത്താനും കഴിയും.

ഞങ്ങളുടെ എമർജൻസി ക്യാഷ് അഡ്വാൻസ് സൌകര്യം, മോഷണം അല്ലെങ്കിൽ ബാഗേജ് നഷ്ടപ്പെടൽ എന്നിവ പോലുള്ള നിർഭാഗ്യകരമായ സാഹചര്യങ്ങളിലും ആവുന്നത് ചെയ്യാൻ നിങ്ങളെ സഹായിക്കുന്നു. നിങ്ങളുടെ വസ്തുവകകൾ കണ്ടെത്താൻ കാത്തിരിക്കുമ്പോൾ, ആവശ്യമായ അടിയന്തിര സേവനങ്ങൾ ലഭ്യമാക്കാനും ഇന്ത്യയിലെ നിങ്ങളുടെ കുടുംബത്തെ ഫോണിൽ വിളിക്കാനും എമർജൻസി ക്യാഷ് അഡ്വാൻസ് നിങ്ങളെ സഹായിക്കുന്നു.

നിങ്ങൾക്ക് അടിയന്തരമായി പണം ലഭ്യമാക്കുന്നതിന് നിങ്ങളുടെ ഒരു ബന്ധുവുമായി സഹകരിച്ചാണ് സഹായം നൽകുന്നത്. പോളിസി ഷെഡ്യൂളിൽ സഹായത്തിന്‍റെ പരിധി വ്യക്തമാക്കിയിരിക്കുന്നു.