ഹെൽത്ത് ഇൻഷുറൻസിന്‍റെ നേട്ടങ്ങൾ

ഈ കാലഘട്ടത്തിൽ അവഗണിക്കാൻ കഴിയാത്ത ഒരു ആവശ്യമായിരിക്കുകയാണ് ഹെൽത്ത് ഇൻഷുറൻസ്. ഇത് നൽകുന്ന വിവിധ ആനുകൂല്യങ്ങൾ കണക്കിലെടുക്കുമ്പോൾ, സാമ്പത്തിക ഭദ്രത അവഗണിക്കാനാകാത്ത ഒന്നാണ്. എന്നാൽ എന്തുകൊണ്ട് ഇത് പ്രധാനപ്പെട്ടതാകുന്നു എന്ന് മനസ്സിലാക്കുന്നതിന് മുമ്പ്, നിങ്ങൾ ഇത് അറിഞ്ഞിരിക്കണം: എന്താണ് ഹെൽത്ത് ഇൻഷുറൻസ് ? മെഡിക്കൽ ചെലവുകൾക്ക് നഷ്ടപരിഹാരം നൽകുന്നതിന് ഇൻഷുറൻസ് കമ്പനിയും പോളിസി ഉടമയായ നിങ്ങളും തമ്മിലുള്ള ഒരു കരാറാണ് ഹെൽത്ത് ഇൻഷുറൻസ്. ആഗോള ഇൻഷുറൻസ് മേഖലയുമായി താരതമ്യം ചെയ്യുമ്പോൾ, ഇന്ത്യയിലെ ഹെൽത്ത് ഇൻഷുറൻസ് സാഹചര്യം വ്യത്യസ്തമാണ്. നിതി ആയോഗ് ഒക്ടോബറിൽ 2021-ൽ പ്രസിദ്ധീകരിച്ച 'ഇന്ത്യയുടെ മിസ്സിംഗ് മിഡിൽ' എന്ന റിപ്പോർട്ട് അനുസരിച്ച്, ജനസംഖ്യയുടെ 30% അല്ലെങ്കിൽ 40 കോടി വ്യക്തികൾ, ആരോഗ്യത്തിനുള്ള സാമ്പത്തിക സുരക്ഷ ഇല്ലാത്തവരാണ്^[1]. മഹാമാരിയെ നേരിടുന്ന ലോകത്ത് ആരോഗ്യത്തിന് പ്രാധാന്യം നൽകുന്നത് വർദ്ധിച്ചത് കാരണം, ഇൻഷുറൻസ് വളർച്ചാ നിരക്ക് ഉയർന്നു. Economic Times പറയുന്നത് ഇപ്പോഴുള്ള മഹാമാരിയുടെ രണ്ടാം തരംഗത്തിന് ശേഷം ഹെൽത്ത് ഇൻഷുറൻസ് ൻ്റെ ആവശ്യകതയിൽ കുറഞ്ഞത് 30% വർധനവ് ഉണ്ടായി എന്നാണ്^[2]. കൂടുതൽ കൂടുതൽ യുവ പ്രൊഫഷണലുകൾ ഹെൽത്ത് ഇൻഷുറൻസിന്‍റെ നേട്ടങ്ങൾ മനസ്സിലാക്കുന്നുവെന്നതാണ് ഏറ്റവും ആശ്ചര്യകരമായ കാര്യം.

ഹെൽത്ത് ഇൻഷുറൻസിന്‍റെ നേട്ടങ്ങൾ എന്തൊക്കെയാണ്?

നിങ്ങളുടെ അടുത്ത പർച്ചേസ് തീരുമാനിക്കാൻ സഹായിക്കുന്നതിന് ഹെൽത്ത് ഇൻഷുറൻസ് പോളിസി ഓഫർ ചെയ്യുന്ന ആനുകൂല്യങ്ങളുടെ പൂർണ്ണമായ പട്ടിക ഈ ലേഖനത്തിൽ പരാമർശിക്കുന്നു.

സമഗ്രമായ മെഡിക്കൽ കവറേജ്

ഹെൽത്ത് ഇൻഷുറൻസ് പ്ലാനുകൾ കോംപ്രിഹെൻസീവ് മെഡിക്കൽ ഇൻഷുറൻസ് പരിരക്ഷ വാഗ്ദാനം ചെയ്യുന്നതിനായി രൂപകൽപ്പന ചെയ്തിരിക്കുന്നു, അതുവഴി കുത്തനെ ഉയരുന്ന ചികിത്സാ ചെലവുകൾ കൈകാര്യം ചെയ്യുന്നതിനെക്കുറിച്ച് നിങ്ങൾ ഇനി വിഷമിക്കേണ്ടതില്ല. ഫൈനാൻസിനെക്കുറിച്ച് ആശങ്കപ്പെടാതെ അപ്രതീക്ഷിത ഹോസ്പിറ്റലൈസേഷൻ അല്ലെങ്കിൽ പ്ലാൻ ചെയ്ത നടപടിക്രമം മാനേജ് ചെയ്യുന്നത് സാധ്യമായ ഏറ്റവും മികച്ച പരിഹാരമാണ്.

ഇൻ-പേഷ്യന്‍റ് ഹോസ്പിറ്റലൈസേഷൻ

ഇൻ-പേഷ്യന്‍റ് ഹോസ്പിറ്റലൈസേഷൻ എന്നാൽ രോഗിയെ കുറഞ്ഞത് 24 മണിക്കൂർ മെഡിക്കൽ ഫെസിലിറ്റിയിൽ പ്രവേശിപ്പിക്കുന്ന ചികിത്സയെ സൂചിപ്പിക്കുന്നു. എല്ലാ ഇൻഷുറൻസ് പോളിസികളും ഒരു പോളിസിയിൽ ഇൻ-പേഷ്യന്‍റ് ഹോസ്പിറ്റലൈസേഷൻ പരിരക്ഷിക്കുന്നതിനായി രൂപകൽപ്പന ചെയ്തിരിക്കുന്നു.

ഹോസ്പിറ്റലൈസേഷന് മുമ്പും ശേഷവുമുള്ള പരിരക്ഷ

ഹോസ്പിറ്റലൈസേഷന്‍റെ ചികിത്സാച്ചെലവിനൊപ്പം, മെഡിക്കൽ ഇൻഷുറൻസ് ആനുകൂല്യങ്ങളിൽ ചികിത്സയ്ക്ക് മുമ്പും ശേഷവുമുള്ള ചെലവുകളും ഉൾപ്പെടുന്നു, അതിൽ രോഗനിർണയ നിരക്കുകളും ഒരു മെഡിക്കൽ പ്രൊഫഷണൽ നിർദ്ദേശിക്കുന്ന പരിശോധനകൾക്കുള്ള ചെലവുകളും ഉൾപ്പെടുന്നു. അതേസമയം, ഹോസ്പിറ്റലൈസേഷന് ശേഷമുള്ള പരിരക്ഷ യഥാർത്ഥ ചികിത്സയ്ക്ക് ശേഷം ആവശ്യമായ ചെലവുകൾക്ക് സാമ്പത്തിക സഹായം നൽകുന്നു. ചിലപ്പോൾ, ആവശ്യമായ മരുന്നുകളുടെ ചെലവ് ഉയർന്നതാകാം, ഈ സാഹചര്യങ്ങളിൽ ചികിത്സയ്ക്ക് ശേഷമുള്ള പരിരക്ഷ സഹായകരമാകുന്നു. സാധാരണയായി, ഹെൽത്ത് ഇൻഷുറൻസ് പോളിസികൾ ചികിത്സയ്ക്ക് മുൻപുള്ള ചെലവുകൾക്ക് 30-ദിവസത്തെ പരിരക്ഷ നൽകുന്നു, അതേസമയം ചികിത്സയ്ക്ക് ശേഷമുള്ള ചെലവുകൾക്ക് 60-ദിവസത്തെ പരിരക്ഷ നൽകുന്നു.

ഡേ-കെയർ ചെലവുകൾ

മുമ്പൊക്കെ ഹോസ്പിറ്റലൈസേഷൻ ആവശ്യമായിരുന്ന ശസ്ത്രക്രിയകളാണ് ഡേ-കെയർ നടപടിക്രമങ്ങൾ, എന്നാൽ ഇന്ന്, ഇത് ഏതാനും മണിക്കൂറിനുള്ളിൽ പൂർത്തിയാക്കാം. മെഡിക്കൽ ടെക്നോളജിയിലെ പുരോഗതിയും ഫലപ്രദമായ മരുന്നുകളും ഗുണനിലവാരമുള്ള മെഡിക്കൽ നടപടിക്രമങ്ങളും ആണ് ഇത് സാധ്യമാക്കിയത്. അതേസമയം, ഇത് ഹ്രസ്വകാല ഹോസ്പിറ്റലൈസേഷൻ എന്നും അറിയപ്പെടുന്നു. സാധാരണയായി, ഡേ-കെയർ നടപടിക്രമത്തിന് ആവശ്യമായ സമയം 2 മണിക്കൂറിൽ കൂടുതലും 24 മണിക്കൂറിൽ കുറവുമാണ്. ഹെൽത്ത് ഇൻഷുറൻസിലെ ഡേ-കെയർ ചെലവുകൾക്കുള്ള കവറേജ് ചെറിയ ചികിത്സകൾ ഇൻഷുർ ചെയ്യുന്നു, അല്ലാത്തപക്ഷം ഇവ ചെലവേറിയതായിരിക്കും.

ഗുരുതര രോഗങ്ങൾക്കുള്ള പരിരക്ഷ

ഹൃദ്രോഗങ്ങൾ, വൃക്ക തകരാർ, വ്യത്യസ്‌ത തീവ്രതയിലുള്ള ക്യാൻസർ തുടങ്ങിയ മാരകവും നീണ്ടുനിൽക്കുന്നതുമായ രോഗങ്ങൾ ക്രിട്ടിക്കൽ ഇൽനെസ് പരിരക്ഷയിൽ പരിരക്ഷിക്കപ്പെടുന്ന രോഗങ്ങളിൽ ഉൾപ്പെടുന്നു. നഷ്ടപരിഹാരത്തിന്‍റെ കാര്യത്തിൽ ക്രിട്ടിക്കൽ ഇൽനെസ് പ്ലാനുകൾ വ്യത്യസ്തമായാണ് പ്രവർത്തിക്കുന്നത്. ഇവിടെ, നിർദ്ദിഷ്ട രോഗം നിർണ്ണയിക്കുമ്പോൾ ഇൻഷുറൻസ് കമ്പനി മുഴുവൻ ഇൻഷുറൻസ് തുകയും ലംപ്സമായി നൽകും. അത്തരം ലംപ്സം പേ-ഔട്ട് ചികിത്സയ്ക്കും മറ്റ് ചികിത്സാ ചെലവുകൾക്കും സാമ്പത്തിക സഹായം നൽകുന്നു. അധികമാർക്കും അറിയാത്ത ക്രിട്ടിക്കൽ ഇൽനെസ് ഇൻഷൂറൻസ്  ൻ്റെ ഒരു നേട്ടം അവയവ ദാനത്തിനുള്ള പരിരക്ഷയാണ്.

റൂം വാടക & ഐസിയു നിരക്കുകൾ

ഹെൽത്ത് ഇൻഷുറൻസ് പോളിസിയുടെ സമഗ്രമായ കവറേജിൽ മുറി വാടകയ്ക്കും ഐസിയു നിരക്കുകൾക്കുമുള്ള പരിരക്ഷ ഉൾപ്പെടുന്നു. ഹോസ്പിറ്റലൈസേഷൻ സമയത്ത് ഇൻഷുർ ചെയ്തയാൾക്ക് മെഡിക്കൽ സൗകര്യത്തിൽ താമസിക്കുന്നതിന് ഉണ്ടാകുന്ന ചെലവുകളാണ് റൂം റെന്‍റ് ചാർജ്ജുകൾ. രോഗത്തിനനുസരിച്ച്, രോഗിയെ ഒരു സാധാരണ വാർഡിലോ ഐസിയുവിലോ അല്ലെങ്കിൽ ഒരു ഐസിസിയുവിലോ അഡ്മിറ്റ് ചെയ്യുന്നതാണ്. സാധാരണയായി, ഇൻഷുറൻസ് പ്ലാനിൽ പരിരക്ഷിക്കപ്പെടുന്ന റൂം വാടകയുടെ തുകയിൽ ഒരു പരിധിയുണ്ട്. അതിൽ കൂടുതലായുള്ള റൂം വാടകയുടെ ഏത് ചെലവും പോളിസി ഉടമ നൽകേണ്ടതുണ്ട്. *സാധാരണ ടി&സി ബാധകം

നെറ്റ്‌വർക്ക് ഹോസ്പിറ്റലുകളിലെ ക്യാഷ്‌ലെസ് ചികിത്സ

അപ്രതീക്ഷിത മെഡിക്കൽ അടിയന്തിര സാഹചര്യങ്ങളിൽ സാമ്പത്തിക സുരക്ഷ ലഭ്യമാക്കാനാണ് ഹെൽത്ത് ഇൻഷുറൻസ് പ്ലാനുകൾ വാങ്ങുന്നത്. പിന്നീട് റീഇംബേഴ്സ് ചെയ്യാനായി ഈ സമയത്ത് മെഡിക്കൽ ബില്ലുകൾ അടയ്ക്കുന്നത് നിരാശാജനകമായ കാര്യമാണ്. അതിനാൽ ക്യാഷ്‌ലെസ് ക്ലെയിം സൗകര്യം ഓഫർ ചെയ്യുന്ന ഒരു പോളിസി തിരഞ്ഞെടുക്കുക. ഒരു ക്യാഷ്‌ലെസ് ഹെൽത്ത് ഇൻഷുറൻസ്  പ്ലാനിൽ, ഇൻഷുറൻസ് കമ്പനി ചികിത്സാ ചെലവ് ഹോസ്പിറ്റലിലേക്ക് നേരിട്ട് നൽകുന്നു, അതിനാൽ നിങ്ങളുടെ ഭാഗത്ത് നിന്ന് ഗണ്യമായി പണം ചെലവാക്കേണ്ട ആവശ്യമില്ല.

ഭവന ചികിത്സയ്ക്കുള്ള ഡൊമിസിലിയറി പരിരക്ഷ

പോളിസി ഉടമക്ക് വീട്ടിൽ തന്നെ ചികിത്സ ലഭ്യമാക്കാൻ കഴിയുന്ന ഡൊമിസിലിയറി പരിരക്ഷ ഹെൽത്ത് ഇൻഷുറൻസ് ആനുകൂല്യങ്ങളിൽ ഉൾപ്പെടുന്നു. മെഡിക്കൽ സൗകര്യങ്ങളുടെ അഭാവം അല്ലെങ്കിൽ രോഗത്തിന്‍റെ തീവ്രത കാരണം രോഗിയുടെ ചലനശേഷി പരിമിതമാകുമ്പോൾ ഇത് ആവശ്യമായി വന്നേക്കാം. പ്രായമുള്ള വ്യക്തികൾക്ക് ഹെൽത്ത് ഇൻഷുറൻസിന്‍റെ ഈ ആനുകൂല്യം പ്രയോജനപ്പെടുത്താം. ഹോസ്പിറ്റലൈസേഷൻ അല്ലെങ്കിൽ രോഗിയുടെ സഞ്ചാരം അല്ലെങ്കിൽ ചലനശേഷി എന്നിവയിൽ പ്രശ്നങ്ങൾ ഉള്ളപ്പോൾ ചികിത്സ തേടാൻ വ്യക്തികളെ പ്രാപ്തരാക്കുക എന്നതാണ് ഹെൽത്ത് ഇൻഷുറൻസിലെ ഈ ഫീച്ചറിൻ്റെ പ്രധാന നേട്ടം.*

രോഗിയെ കൊണ്ടുപോകുന്നതിനുള്ള ആംബുലൻസ് നിരക്കുകൾ

ഹെൽത്ത് ഇൻഷുറൻസ് പ്ലാനുകൾ പോളിസിയുടെ പരിധിയിൽ പരിരക്ഷിക്കപ്പെടുന്ന ആംബുലൻസ് ചെലവുകളുടെ അധിക ആനുകൂല്യവും വാഗ്ദാനം ചെയ്യുന്നു. ഇവിടെ, ആംബുലൻസ് ഉപയോഗിച്ച് രോഗിയെ കൊണ്ടുപോകുന്നതിനുള്ള ഏത് നിരക്കും ഹെൽത്ത് ഇൻഷുറൻസ് പ്ലാനിൽ പരിരക്ഷിക്കപ്പെടുന്നു. ഈ നിരക്കുകൾ ഉയർന്നതായതിനാൽ, പ്രത്യേകിച്ച് മെട്രോ മേഖലകളിൽ, അത്തരം ചെലവുകൾ പരിരക്ഷിക്കുന്ന ഹെൽത്ത് ഇൻഷുറൻസ് പോളിസിയുടെ സുരക്ഷാ വലയം ഉണ്ടായിരിക്കുന്നത് നല്ലതാണ്.*

മുൻപെ നിലവിലുള്ള രോഗങ്ങൾക്കുള്ള പരിരക്ഷ

ഹെൽത്ത് ഇൻഷുറൻസിന്‍റെ നേട്ടങ്ങളിൽ മുൻകൂർ നിലവിലുള്ള രോഗങ്ങൾക്കുള്ള കവറേജ് ഉൾപ്പെടുന്നു. വാങ്ങുന്ന സമയത്ത് ഒരു വ്യക്തിക്ക് ഗുരുതര രോഗങ്ങളായ ഹൃദ്രോഗം, കാൻസർ, ആസ്ത്മ തുടങ്ങിയവ പോലെയുള്ള മുൻകൂർ നിലവിലുള്ള രോഗങ്ങൾ ഉണ്ടായിരിക്കാം. ഇത് പ്രത്യേകിച്ച് ഹെൽത്ത് ഇൻഷുറൻസ് പ്ലാനുകൾ വാങ്ങുന്ന പ്രായമായവർക്ക് സംഭവിക്കുന്ന കാര്യമാണ്. വാങ്ങുന്ന സമയത്ത് ഇതിനകം നിലവിലുള്ള ഈ രോഗങ്ങൾ മുൻകൂർ നിലവിലുള്ള രോഗങ്ങൾ എന്നാണ് അറിയപ്പെടുന്നത്. നിങ്ങൾ ഒരു ഹെൽത്ത് ഇൻഷുറൻസ് പ്ലാൻ വാങ്ങുമ്പോൾ, അതിന്‍റെ കവറേജിൽ മുൻകൂർ നിലവിലുള്ള രോഗങ്ങളും നിർദ്ദിഷ്ട രോഗങ്ങൾക്ക് ഭാവിയിൽ വേണ്ട ചികിത്സകളും ഉൾപ്പെടുന്നു. അതിനാൽ, ഈ ചികിത്സകൾക്കായി നിങ്ങളുടെ പോക്കറ്റിൽ നിന്ന് പണമടയ്ക്കുന്നതിനെക്കുറിച്ച് നിങ്ങൾ വിഷമിക്കേണ്ടതില്ല. എന്നിരുന്നാലും, ശ്രദ്ധിക്കേണ്ട ഒരു കാര്യം, അത്തരം രോഗങ്ങൾ നിങ്ങളുടെ പോളിസിയിൽ ഉൾപ്പെടുത്തുന്നതിന് മുമ്പ് ഇൻഷുറൻസ് കമ്പനി സാധാരണയായി ഒരു വെയ്റ്റിംഗ് പിരീഡ് ഏർപ്പെടുത്തുന്നതാണ്, വാങ്ങുന്നതിന് മുമ്പ് നിങ്ങൾ അത് പരിശോധിക്കണം.*

പുതുക്കുമ്പോഴുള്ള ക്യുമുലേറ്റീവ് ബോണസ്

എല്ലാ പോളിസി കാലയളവിലും പോളിസി ഉടമക്ക് ക്ലെയിമുകൾ ഉണ്ടായിരിക്കില്ല. ഈ സാഹചര്യത്തിൽ, പുതുക്കുന്ന സമയത്ത് നിങ്ങളുടെ പോളിസിയുടെ ഇൻഷ്വേർഡ് തുക ഉയർത്തി ക്ലെയിം ചെയ്യാത്തതിന്‍റെ നേട്ടം ഇൻഷുറൻസ് നിങ്ങൾക്ക് നൽകും. ഇൻഷുറൻസ് തുകയിലെ ഈ വർദ്ധനവ് ക്യുമുലേറ്റീവ് ബോണസ് എന്ന് അറിയപ്പെടുന്നു, ഇത് ഇൻഷുറൻസ് തുകയുടെ 10% മുതൽ 100% വരെയാണ്, ഇത് ഹെൽത്ത് ഇൻഷുറൻസ് പ്ലാനുകളുടെ അധികമാർക്കും അറിയാത്ത ഒരു ആനുകൂല്യമാണ്.*

ആജീവനാന്തം പുതുക്കാം

മെഡിക്കൽ ഇൻഷുറൻസിലെ ആജീവനാന്ത പുതുക്കൽ ആനുകൂല്യം പോളിസി ഉടമയെ പ്രായത്തിൻ്റെ നിയന്ത്രണമില്ലാതെ അവരുടെ ഹെൽത്ത് ഇൻഷുറൻസ് പ്ലാൻ പുതുക്കുക അനുവദിക്കുന്നു. നിങ്ങൾ ഒരു ഫാമിലി ഫ്ലോട്ടർ പ്ലാനിൽ പരിരക്ഷിക്കപ്പെടുകയും മുതിർന്ന അംഗം ഉയർന്ന പ്രായപരിധിയിൽ എത്തുകയും ചെയ്യുമ്പോഴാണ് ഇത് ഉപയോഗപ്രദമാകുക. സാധാരണ സാഹചര്യങ്ങളിൽ, കവറേജ് അവിടെ അവസാനിക്കും, എന്നാൽ ഹെൽത്ത് ഇൻഷുറൻസിന്‍റെ ആജീവനാന്ത പുതുക്കൽ ആനുകൂല്യത്തിനൊപ്പം നിങ്ങളുടെ ജീവിതകാലം മുഴുവൻ തുടർച്ചയായ പുതുക്കൽ ലഭ്യമാകും. കൂടാതെ, മുതിർന്ന പൗരന്മാർക്ക്, ആജീവനാന്ത പുതുക്കൽ സൗകര്യം അവരുടെ ഇൻഷുറൻസ് പരിരക്ഷയുടെ തുടർച്ചയായ പുതുക്കൽ വഴി മെഡിക്കൽ അടിയന്തിര സാഹചര്യത്തിന്‍റെ സാമ്പത്തിക സമ്മർദ്ദം കുറയ്ക്കുന്നു.*

കോൺവാലസൻസ് ആനുകൂല്യം

ചില രോഗങ്ങൾ സുഖം പ്രാപിക്കാൻ ഹോസ്പിറ്റലൈസേഷൻ കാലയളവിനേക്കാൾ കൂടുതൽ സമയം ആവശ്യമാണ്. ഇത് ചികിത്സയുടെ ഗുരുതര സ്വഭാവമോ രോഗത്തിന്‍റെ തീവ്രത കാരണമോ ആകാം. അപ്പോഴാണ് കോൺവാലസൻസ് ആനുകൂല്യം സഹായകമാകുന്നത്. അത്തരം സാഹചര്യങ്ങളിൽ, ഇൻഷുറർ റിക്കവറി ചെലവിന് ലംപ്സം തുക നൽകുന്നു, അത്തരം കാലയളവിന്‍റെ കാലാവധി ഏഴ് അല്ലെങ്കിൽ പത്ത് ദിവസങ്ങൾ വരെ ആകാം. റിക്കവറി കാലയളവിലെ വരുമാന നഷ്ടം നികത്താൻ പോലും ഇത് സഹായിക്കും.*

ചികിത്സയുടെ ബദൽ രൂപങ്ങൾ തേടാനുള്ള ഓപ്ഷൻ (ആയുഷ്)

ആയുർവേദം, യോഗ, യുനാനി, സിദ്ധ, ഹോമിയോപ്പതി എന്നീ വിഭാഗങ്ങളിൽ ഉൾപ്പെടുന്ന ബദൽ ചികിത്സകൾക്കുള്ള പരിരക്ഷയും ഹെൽത്ത് ഇൻഷുറൻസ് ആനുകൂല്യങ്ങളിൽ ഉൾപ്പെടുന്നു. ഈ ചികിത്സകൾ മുഖ്യധാരാ വൈദ്യശാസ്ത്രത്തിൻ്റെ ഭാഗമല്ല. പോളിസി ഉടമയ്ക്ക് ചികിത്സ തിരഞ്ഞെടുക്കുന്നതിന് ഹെൽത്ത് ഇൻഷുറൻസ് പ്ലാനുകൾ അധിക കവറേജ് നൽകുന്നു.

ദിവസേനയുള്ള ഹോസ്പിറ്റൽ ക്യാഷ് അലവൻസ്

ഹോസ്പിറ്റലൈസേഷൻ കാലയളവിൽ, നിങ്ങൾക്ക് ജോലി ചെയ്യാനാകില്ല, ഇത് വരുമാന നഷ്ടത്തിന് കാരണമാകുന്നു. ഈ സാഹചര്യത്തിൽ, വർദ്ധിച്ചുവരുന്ന ഹോസ്പിറ്റൽ ബില്ലുകൾ മൂലം സാമ്പത്തിക ഞെരുക്കം ഉണ്ടായേക്കാം. ദിവസേനയുള്ള ഹോസ്പിറ്റൽ ക്യാഷ് അലവൻസ് ഉപയോഗിച്ച്, നിങ്ങൾക്ക് ഇത്തരം സാഹചര്യം മറികടക്കാം. ഹോസ്പിറ്റലിൽ പ്രവേശിപ്പിച്ച ഓരോ ദിവസവും വരുമാന നഷ്ടത്തിന് പരിഹാരമായി ഇൻഷുറൻസ് കമ്പനി നിർദ്ദിഷ്ട തുക നൽകുന്നു.*

മെഡിക്കൽ ചെക്ക്-അപ്പിനുള്ള സൗകര്യം

രോഗങ്ങൾ അപ്രതീക്ഷിതമായി വരുന്നതിനാൽ, മെഡിക്കൽ ചെക്ക്-അപ്പിനുള്ള സൗകര്യം നൽകി ഹെൽത്ത് ഇൻഷുറൻസ് പ്ലാൻ പ്രയോജനപ്പെടുന്നു. സാധാരണയായി, വാർഷികമായി ലഭ്യമാകുന്ന ഈ സൗകര്യം ഉപയോഗിക്കുന്നതിലൂടെ, നിങ്ങളുടെ ആരോഗ്യം വിലയിരുത്തുകയും ആദ്യ ഘട്ടത്തിൽ തന്നെ ഏതൊരു ചികിത്സയും തേടുകയും ചെയ്യാം. നിങ്ങളുടെ ഹെൽത്ത് ഇൻഷുറൻസ് പ്ലാൻ അനുസരിച്ച്, മെഡിക്കൽ ചെക്ക്-അപ്പിന്‍റെ ചെലവ് ഇൻഷുറൻസ് കമ്പനി വഹിക്കുന്നതാണ്. അതേസമയം, ചില സാഹചര്യങ്ങളിൽ, ഈ ചെലവുകൾ ഇൻഷുറർ റീഇംബേഴ്സ് ചെയ്യുന്നതാണ്.*

ബാരിയാട്രിക് ചികിത്സകൾക്കുള്ള പരിരക്ഷ

എല്ലാ ഇൻഷുറൻസ് കമ്പനികളും ബാരിയാട്രിക് ചികിത്സകൾക്ക് പരിരക്ഷ നൽകുന്നില്ല, തിരഞ്ഞെടുത്ത ഏതാനും ചിലത് മാത്രം (ഇതിൽ ബജാജ് അലയൻസ് ജനറൽ ഇൻഷുറൻസ് കമ്പനി ഉൾപ്പെടുന്നു). ഡയറ്റിംഗ്, റൂട്ടീൻ, കർശനമായ പ്രവർത്തനം തുടങ്ങിയ സ്റ്റാൻഡേർഡ് വെയ്റ്റ്-ലോസ് നടപടികൾ ശ്രമിച്ചിട്ടുണ്ടെങ്കിലും ആവശ്യമായ ഫലങ്ങൾക്ക് കാരണമാകിയിട്ടില്ലെങ്കിലും സ്റ്റാൻഡേർഡ് വെയ്റ്റ്-ലോസ് നടപടിക്രമങ്ങൾ സ്വന്തമാക്കുന്നതിനുള്ള ഒരു മെഡിക്കൽ നടപടിക്രമമാണ് ബേരിയാട്രിക് സർജറി.*

ഇൻഷ്വേർഡ് തുക റീസ്റ്റോറേഷൻ ആനുകൂല്യങ്ങൾ

ഹെൽത്ത് ഇൻഷുറൻസ് പ്ലാനുകളിലെ ഒരു സവിശേഷതയാണ് റീസ്റ്റോറേഷൻ ആനുകൂല്യം, അത് അതിന്‍റെ യഥാർത്ഥ സം അഷ്വേർഡ് തുകയിലേക്ക് ഉപയോഗിച്ച ക്ലെയിം തുക പുനഃസ്ഥാപിക്കുന്നു. സാധാരണയായി ഫാമിലി ഹെല്‍ത്ത് ഇൻഷുറൻസ് പ്ലാനുകളിലാണ് ഇത് കണ്ടുവരുന്നത്, അതേ ഗുണഭോക്താവിന് അല്ലെങ്കിൽ വ്യത്യസ്ത ഗുണഭോക്താക്കൾക്കുള്ള ആവർത്തിച്ചുള്ള മെഡിക്കൽ ചെലവുകൾ പരിഹരിക്കാൻ ഇത് സഹായിക്കുന്നു. ചികിത്സാ ചെലവുകൾ വർദ്ധിച്ചുവരുന്നതിനാൽ, ഇൻഷ്വേർഡ് തുക തീർന്നു എന്നാൽ ചികിത്സയ്ക്കായി നിങ്ങൾ സ്വന്തം പോക്കറ്റിൽ നിന്ന് പണമടയ്ക്കേണ്ടതുണ്ട് എന്നാണ് അർത്ഥമാക്കുന്നത്. എന്നാൽ നിങ്ങൾക്ക് ഉള്ള റീലോഡ് ഫീച്ചർ ഉപയോഗിച്ച് സം അഷ്വേർഡ് യഥാർത്ഥ തുകയിലേക്ക് പുനഃസ്ഥാപിക്കുന്നതാണ്.* പോളിസി കവറേജ് എങ്ങനെ തീർന്നുപോകുന്നു എന്നതിന്‍റെ അടിസ്ഥാനത്തിൽ, സം അഷ്വേർഡ് പൂർണ്ണമായും തീർന്നു പോകൽ അല്ലെങ്കിൽ സം അഷ്വേർഡ് ഭാഗികമായി തീർന്നു പോകൽ എന്നിങ്ങനെ റീസ്റ്റോറേഷൻ ആനുകൂല്യം രണ്ട് വിഭാഗങ്ങളായി തരംതിരിച്ചിരിക്കുന്നു. പൂർണ്ണമായും തീർന്നുപോകുന്നതിൽ, മുഴുവൻ ഇൻഷുറൻസ് തുകയും തീർന്നിരിക്കണം; എങ്കിൽ മാത്രമേ റിസ്റ്റോറേഷൻ ആനുകൂല്യം ആരംഭിക്കുകയുള്ളൂ. നേരെമറിച്ച്, ഭാഗികമായി തീർന്നുപോകുന്നതിൽ, അത് പുനസ്ഥാപിക്കുന്നതിന് സം അഷ്വേർഡ് തുകയുടെ ഒരു ഭാഗം മാത്രമേ ഉപയോഗിക്കൂ. വാങ്ങുമ്പോൾ ഇൻഷുറൻസ് കമ്പനി ഏത് തരത്തിലുള്ള റീസ്റ്റോറേഷൻ ആനുകൂല്യമാണ് ഓഫർ ചെയ്യുന്നതെന്ന് പരിശോധിക്കേണ്ടത് അത്യാവശ്യമാണ്.

മെറ്റേണിറ്റി കവറേജ് & നവജാതശിശുവിനുള്ള പരിരക്ഷ

ഹെൽത്ത് ഇൻഷുറൻസ് ആനുകൂല്യങ്ങളിൽ ഗർഭധാരണം, കുട്ടിയുടെ ജനനം എന്നീ ചെലവുകൾക്കുള്ള കവറേജ് ഉൾപ്പെടുന്നു. മാതൃത്വം നവ്യവും മാന്ത്രികവുമായ അനുഭൂതിയാണെങ്കിലും, അതിൽ മെഡിക്കൽ സങ്കീർണതകളും ഉണ്ടാകാം. അത്തരം സമയങ്ങളിൽ, ഹെൽത്ത് ഇൻഷുറൻസ് പ്ലാനിന് ഒരു സാമ്പത്തിക കവചമായി മാറാൻ കഴിയും, ഇത് ചെലവിനെക്കുറിച്ച് ആശങ്കപ്പെടാതെ ചികിത്സയിൽ ശ്രദ്ധിക്കാൻ നിങ്ങളെ അനുവദിക്കുന്നു. കൂടാതെ, ഹെൽത്ത് ഇൻഷുറൻസ് പോളിസികളിലെ മെറ്റേണിറ്റി പരിരക്ഷ 90 ദിവസം വരെയുള്ള നവജാതശിശുക്കൾക്ക് സംരക്ഷണവും നൽകുന്നു. സ്ഥിരീകരിച്ച ഗർഭധാരണം മെറ്റേണിറ്റി പരിരക്ഷകളിൽ മുൻകൂർ നിലവിലുള്ള രോഗമായാണ് കണക്കാക്കുന്നത്, അതിനാൽ ഇത് മുൻകൂട്ടി വാങ്ങണം എന്ന കാര്യം നിങ്ങൾ ഓർക്കേണ്ടതുണ്ട്.*

ആഡ്-ഓൺ റൈഡറുകൾ

ആഡ്-ഓൺ റൈഡറുകൾ ഉപയോഗിച്ച് നിങ്ങളുടെ ഇൻഷുറൻസ് പരിരക്ഷ കസ്റ്റമൈസ് ചെയ്യാനുള്ള സ്വാതന്ത്ര്യവും മെഡിക്കൽ ഇൻഷുറൻസ് പരിരക്ഷയുടെ ആനുകൂല്യങ്ങളിൽ ഉൾപ്പെടുന്നു. നിങ്ങളുടെ ഹെൽത്ത് ഇൻഷുറൻസ് പോളിസിയുടെ വ്യാപ്തി വർദ്ധിപ്പിക്കുന്നതിന് തിരഞ്ഞെടുക്കാവുന്ന ഓപ്ഷണൽ ഫീച്ചറുകളാണ് ഈ റൈഡറുകൾ. ഇതിലൂടെ, അധിക കവറേജ് ഉറപ്പാക്കുന്നതിന് ഒരാൾക്ക് തൻ്റെ ഇൻഷുറൻസ് പോളിസി കസ്റ്റമൈസ് ചെയ്യാം.*

കോവിഡ്-19 കവറേജ്

പോളിസി ഡോക്യുമെന്‍റിൽ പരാമർശിച്ചിരിക്കുന്ന ചികിത്സകൾക്ക് നഷ്ടപരിഹാരം നൽകുന്നതിന് പുറമെ, ഹെൽത്ത് ഇൻഷുറൻസ് പ്ലാനുകൾ കോവിഡ്-19 നും കവറേജ് നൽകുന്നു. Insurance Regulatory and Development Authority of India (ഐആർഡിഎഐ) മാർച്ച് 2020 ലെ സർക്കുലറിൽ നിലവിലുള്ള എല്ലാ ഇൻഷുറൻസ് പ്ലാനുകളിലും കോവിഡ്-19 നുള്ള കവറേജ് ഉൾപ്പെടുത്താനും കേസുകൾ വേഗത്തിൽ കൈകാര്യം ചെയ്യാനും പ്രഖ്യാപിച്ചു^[3]. അതിനാൽ, വൈറസിന് എതിരെയുള്ള കവറേജാണ് തേടുന്നതെങ്കിൽ, ഒരു ഹെൽത്ത് ഇൻഷുറൻസ് പ്ലാൻ നിങ്ങൾക്ക് ആവശ്യമായ ആനുകൂല്യങ്ങൾ നൽകും.*

വെൽനെസ് ആനുകൂല്യങ്ങൾ

'രോഗം വന്നിട്ട്‌ ചികിത്സിക്കുന്നതിനേക്കാള്‍ നല്ലത്‌ വരാതെ സൂക്ഷിക്കുന്നതാണ്‌' എന്ന പഴഞ്ചൊല്ലാണ് വെൽനെസ് ആനുകൂല്യങ്ങളുടെ പ്രധാന ആശയം. ഹെൽത്ത് ഇൻഷുറൻസ് പോളിസികൾ നൽകുന്ന സാമ്പത്തിക പിന്തുണക്ക് പുറമേയുള്ളതാണ് വെൽനെസ് ആനുകൂല്യങ്ങൾ. അവ, പ്രീമിയം പുതുക്കുന്നതിൽ ഇളവ്, നിർദ്ദിഷ്ട സ്ഥാപനങ്ങളിൽ അംഗത്വ ആനുകൂല്യങ്ങൾ, ബൂസ്റ്റർ, സപ്ലിമെന്‍റുകൾ എന്നിവയ്ക്കുള്ള വൗച്ചറുകൾ, സൗജന്യ രോഗനിർണ്ണയ പരിശോധനകൾ, ഹെൽത്ത് ചെക്കപ്പുകൾ, റിഡീം ചെയ്യാവുന്ന ഫാർമസ്യൂട്ടിക്കൽ വൗച്ചറുകൾ തുടങ്ങിയവയുടെ രൂപത്തിൽ ആകാം. ഇത് നിങ്ങളെ രോഗങ്ങൾക്ക് അപ്പുറത്തേക്ക് കൊണ്ടുപോകുന്നതിനാൽ വെൽനെസ് ആനുകൂല്യങ്ങളുള്ള ഒരു പ്ലാൻ തിരഞ്ഞെടുക്കുന്നത് രണ്ടുപേർക്കും ഗുണമുള്ള കാര്യമാണ്.*

സെക്ഷൻ 80ഡി പ്രകാരമുള്ള നികുതി ആനുകൂല്യങ്ങൾ

ഹെൽത്ത് ഇൻഷുറൻസ് പ്ലാനുകൾ സാമ്പത്തിക പരിരക്ഷ മാത്രമല്ല, നികുതി ആനുകൂല്യങ്ങളും നൽകുന്നു. ഈ നികുതി ആനുകൂല്യങ്ങൾ കിഴിവുകളുടെ രൂപത്തിലാണ് ലഭിക്കുക. അടച്ച ഏത് പ്രീമിയവും ആദായനികുതി നിയമത്തിന്‍റെ സെക്ഷൻ 80ഡി പ്രകാരം കിഴിവിന് യോഗ്യമാണ്. പരമാവധി രൂ. 50,000 വരെയുള്ള, കിഴിവിന്‍റെ മൂല്യം പ്രായ വിഭാഗത്തെ അടിസ്ഥാനമാക്കി വ്യത്യാസപ്പെട്ടിരിക്കുന്നു. താഴെയുള്ള പട്ടിക പ്രയോജനപ്പെടുത്താവുന്ന കിഴിവുകൾ സംഗ്രഹിക്കുന്നു –  

സാഹചര്യം	നിങ്ങളുടെ ആദായ നികുതി റിട്ടേണിലെ പരമാവധി കിഴിവ്		സെക്ഷൻ 80ഡി പ്രകാരമുള്ള മൊത്തം കിഴിവ്
	പോളിസി ഉടമയ്ക്കും അവരുടെ ജീവിതപങ്കാളിക്കും അവരുടെ ആശ്രിതരായ കുട്ടികൾക്കും	മാതാപിതാക്കൾക്ക്, അവർ ആശ്രിതരാണെങ്കിലും അല്ലെങ്കിലും
ഒരു ഗുണഭോക്താവും മുതിർന്ന പൗരനല്ല	രൂ. 25,000 വരെ	രൂ. 25,000 വരെ	₹ 50,000
പോളിസി ഉടമയും മറ്റ് കുടുംബാംഗങ്ങളും 60 വയസ്സിൽ താഴെയുള്ളവരാണ്, മാതാപിതാക്കൾ 60 വയസ്സിന് മുകളിലുള്ളവരാണ്	രൂ. 25,000 വരെ	രൂ. 50,000 വരെ	₹ 75,000
				പോളിസി ഉടമക്ക് അല്ലെങ്കിൽ മറ്റേതെങ്കിലും കുടുംബാംഗങ്ങൾക്ക് 60 വയസ്സ് കവിഞ്ഞു, മാതാപിതാക്കളും 60 വയസ്സിന് മുകളിലുള്ളവരാണ്	രൂ. 50,000 വരെ	രൂ. 50,000 വരെ	₹ 1,00,000

  അടച്ച ഏതെങ്കിലും പ്രീമിയത്തിന്‍റെ കിഴിവ് കൂടാതെ, മെഡിക്കൽ ഇൻഷുറൻസ് ആനുകൂല്യങ്ങളിൽ രൂ. 5,000 വരെയുള്ള പ്രിവന്‍റീവ് ഹെൽത്ത് ചെക്ക്-അപ്പിനുള്ള കിഴിവും ഉൾപ്പെടുന്നു, ഇത് മേൽപ്പറഞ്ഞ തുകകൾക്ക് കീഴിലുള്ള സബ്-ലിമിറ്റാണ്. നികുതി ആനുകൂല്യങ്ങൾ നികുതി നിയമങ്ങളിലെ മാറ്റത്തിന് വിധേയമാണ്. ഇതിൽ നികുതി ലാഭിക്കുന്നതിനെക്കുറിച്ച് കൂടുതൽ വായിക്കുക; സെക്ഷൻ 80ഡി മെഡിക്കൽ ചെലവ് . *സാധാരണ ടി&സി ബാധകം

നിങ്ങൾക്ക് എന്തുകൊണ്ട് ഹെൽത്ത് ഇൻഷുറൻസ് പോളിസി ആവശ്യമാണ് എന്നതിൻ്റെ കാരണങ്ങൾ

നിങ്ങൾ കഠിനാധ്വാനം ചെയ്ത് നേടിയ സമ്പാദ്യത്തിന്‍റെ സംരക്ഷണം:

അടുത്തതായി, നിങ്ങളുടെ കഠിനാധ്വാനം ചെയ്ത് നേടിയ സമ്പാദ്യം സംരക്ഷിക്കാൻ ഹെൽത്ത് ഇൻഷുറൻസ് നിങ്ങളെ സഹായിക്കുന്നു. നിങ്ങൾ നിങ്ങളുടെ സമ്പാദ്യം വ്യത്യസ്ത നിക്ഷേപ മാർഗങ്ങളിൽ നിക്ഷേപിക്കുകയും നിങ്ങളുടെ കുടുംബത്തിൽ ഒരു മെഡിക്കൽ അടിയന്തിര സാഹചര്യമുള്ളപ്പോൾ പെട്ടെന്ന് ആ നിക്ഷേപങ്ങളെല്ലാം പിൻവലിക്കേണ്ടി വരുന്നതും സങ്കൽപ്പിക്കുക. ഹെൽത്ത് ഇൻഷുറൻസ് പോളിസി അത്തരം ഒരു സാഹചര്യത്തിൽ നിന്നും സംരക്ഷണം നൽകുന്നു, അതിനാൽ മെഡിക്കൽ ചികിത്സകൾക്കായി പണമടയ്ക്കാൻ നിങ്ങളുടെ നിക്ഷേപം ലിക്വിഡേറ്റ് ചെയ്യേണ്ടതില്ല.

കോർപ്പറേറ്റ് ഇൻഷുറൻസ് പരിരക്ഷകൾക്ക് മുകളിലുള്ള അധിക ഫൈനാൻഷ്യൽ കവറേജ്:

ഈ കാലത്ത് ഹെൽത്ത് ഇൻഷുറൻസ് ഒരു അനിവാര്യമായ സുരക്ഷാ പരിരക്ഷയാണ്, നിരവധി കോർപ്പറേറ്റുകൾ അവർ വാഗ്ദാനം ചെയ്യുന്ന പ്രതിഫലത്തിൽ മുൻകൂറായി ഹെൽത്ത് ഇൻഷുറൻസ് പോളിസികൾ ഉൾപ്പെടുത്തിയിരിക്കുന്നു. ജീവനക്കാരുടെ ഈ അധിക ആനുകൂല്യം അവരുടെ ആരോഗ്യം ഉറപ്പുവരുത്തുന്നു. എന്നാൽ നിങ്ങൾ തൊഴിലുടമയോടൊപ്പം ഉള്ള സമയം വരെ മാത്രമേ അവയ്ക്ക് സാധുതയുള്ളൂ എന്നതാണ് ഈ പ്ലാനുകൾക്കുള്ള പരിമിതി. ജോലി അവസാനിപ്പിക്കുമ്പോൾ നിങ്ങളുടെ ഹെൽത്ത് ഇൻഷുറൻസ് പരിരക്ഷയും ഇല്ലാതാകുമെന്നാണ് ഇതിനർത്ഥം. അതിനാൽ, ഈ സമയത്ത്, പേഴ്സണൽ മെഡിക്കൽ ഇൻഷുറൻസ് തൊഴിൽ അവസാനിച്ചതിന് ശേഷവും കവറേജ് ഉറപ്പുവരുത്തുന്നു.

മെഡിക്കൽ പണപ്പെരുപ്പത്തെ നേരിടുന്നതിന് അത്യാവശ്യമാണ്

അവസാനമായി, മെഡിക്കൽ പണപ്പെരുപ്പം നിരന്തരം വർദ്ധിക്കുകയാണ്, അതിനാൽ ചികിത്സാ ചെലവും വർദ്ധിക്കുന്നു. വർദ്ധിച്ചുവരുന്ന പണപ്പെരുപ്പത്തിനൊപ്പം പുതിയതും നൂതനവുമായ ചികിത്സകളും ഇതിനുളള ചില കാരണങ്ങളാണ്. ചികിത്സാ ചെലവുകളിലെ അത്തരം വേഗത്തിലുള്ള വർദ്ധനവ് കാരണം മെഡിക്കൽ അടിയന്തിര സാഹചര്യങ്ങൾക്കായി പണം കരുതിവെയ്ക്കുന്നത് വളരെ ബുദ്ധിമുട്ടാണ്. മെഡിക്കൽ ചെലവ് മൂലം ഉണ്ടാകുന്ന കടബാധ്യത കാരണം ഏകദേശം 7% വ്യക്തികൾ ദാരിദ്ര്യരേഖയ്ക്ക് കീഴിലേക്ക് വരുന്ന തരത്തിൽ വളരെ ഗുരുതരമാണ് സ്ഥിതിഗതികൾ^[4]. നിങ്ങളുടെ കൈവശം ഒരു ഹെൽത്ത് ഇൻഷുറൻസ് പോളിസി ഉണ്ടെങ്കിൽ, നിങ്ങൾക്ക് അത്തരം നിർഭാഗ്യകരമായ സാഹചര്യങ്ങൾ ഒഴിവാക്കാനാകും. ചികിത്സാ ചെലവുകൾ കൈകാര്യം ചെയ്യുമ്പോൾ സാമ്പത്തിക പിന്തുണ നൽകാൻ ഹെൽത്ത് പരിരക്ഷകൾ സഹായിക്കുന്നു.  

ഒരു ഹെൽത്ത് ഇൻഷുറൻസ് പോളിസി വാങ്ങുമ്പോൾ നിങ്ങൾ എന്താണ് ശ്രദ്ധിക്കേണ്ടത്?

ഹെൽത്ത് ഇൻഷുറൻസ് പോളിസി വാങ്ങുമ്പോൾ ഓർക്കേണ്ട ചില കാര്യങ്ങൾ ഇതാ:

നെറ്റ്‌വർക്ക് ഹോസ്പിറ്റൽ കവറേജ്

ക്യാഷ്‌ലെസ് സൗകര്യം പ്രയോജനപ്പെടുത്തുന്നതിന് ചികിത്സ തേടുന്നത് നെറ്റ്‌വർക്ക് ഹോസ്പിറ്റലുകളിൽ ഒന്നിലാണെന്ന് നിങ്ങൾ ഉറപ്പാക്കേണ്ടതുണ്ട്. ഈ നെറ്റ്‌വർക്ക് ഹോസ്പിറ്റലുകൾ ഇൻഷുറൻസ് കമ്പനിയുടെ അഫിലിയേറ്റ് ചെയ്ത ഹോസ്പിറ്റലുകളുമായി ബന്ധപ്പെട്ട മെഡിക്കൽ ഫെസിലിറ്റികളാണ്. നിങ്ങളുടെ ഹെൽത്ത് ഇൻഷുറൻസ് കമ്പനിക്ക് നിങ്ങളുടെ സമീപത്തുള്ളതും രാജ്യത്തുടനീളമുള്ളതുമായ നെറ്റ്‌വർക്ക് ഹോസ്പിറ്റലുകളുടെ വിപുലമായ പരിരക്ഷ ഉണ്ടോ എന്ന് പരിശോധിക്കേണ്ടത് അത്യാവശ്യമാണ്. വീട്ടിലോ ആഭ്യന്തര യാത്രയിലോ ഉണ്ടായേക്കാവുന്ന അടിയന്തിര സാഹചര്യങ്ങളിൽ കാര്യമായ ചെലവുകളില്ലാതെ ഗുണനിലവാരമുള്ള ചികിത്സ നേടാൻ ഇത് നിങ്ങളെ പ്രാപ്തരാക്കും.

മെഡിക്കൽ ആവശ്യകതകളെ അടിസ്ഥാനമാക്കി അനുയോജ്യമായ പരിരക്ഷ തിരഞ്ഞെടുക്കൽ

കൂടാതെ, ശരിയായ ഗുണഭോക്താവിന് വേണ്ടി ശരിയായ തരം ഹെൽത്ത് ഇൻഷുറൻസ് പരിരക്ഷ വാങ്ങേണ്ടത് അത്യാവശ്യമാണ്. ഉദാഹരണത്തിന്, നിങ്ങൾക്ക് ഒരു കോർപ്പറേറ്റ് ഇൻഷുറൻസ് പ്ലാൻ പരിരക്ഷയാണ് ഉള്ളതെങ്കിൽ വ്യത്യസ്ത കുടുംബാംഗങ്ങൾക്കിടയിൽ 'ഫ്ലോട്ട്' ചെയ്യുന്ന ഒരു ഫാമിലി ഫ്ലോട്ടർ പ്ലാൻ അനിവാര്യമാണ്. ഇതുവഴി, തൊഴിലിലെ ഏതെങ്കിലും മാറ്റം അനാരോഗ്യം മൂലം ഉണ്ടാകുന്ന സാമ്പത്തിക റിസ്കുകളിലേക്ക് നിങ്ങളെ എടുത്തെറിയുകയില്ല. കൂടാതെ, നിങ്ങൾക്ക് പരിരക്ഷ നൽകേണ്ടവരിൽ പ്രായമായ വ്യക്തികൾ ഉണ്ടെങ്കിൽ, മുതിർന്ന പൗരന്മാർക്കായുള്ള ഹെല്‍ത്ത് ഇൻഷുറൻസ് അനുയോജ്യമായ ഇൻഷുറൻസ് പരിരക്ഷ ആകാം, ഉയർന്ന പ്രവേശന പ്രായത്തിനും വാർദ്ധക്യത്തിൽ ആവശ്യമായി വരുന്ന ചികിത്സകൾക്കും നന്ദി. മുകളിൽ പറഞ്ഞിരിക്കുന്ന ഇൻഷുറൻസ് പ്ലാനുകളൊന്നും അനുയോജ്യമല്ലെങ്കിൽ, ഗുണഭോക്താവിന് (നിങ്ങൾ) പരിരക്ഷ നൽകുന്ന ഒരു വ്യക്തിഗത പരിരക്ഷ നിങ്ങൾക്ക് വാങ്ങാം.

ഒഴിവാക്കലുകൾ

ഹെൽത്ത് ഇൻഷുറൻസ് പോളിസികൾ വിപുലമായ രോഗങ്ങൾക്കും മെഡിക്കൽ അടിയന്തിര സാഹചര്യങ്ങൾക്കും എതിരെ കവറേജ് ഓഫർ ചെയ്യുമ്പോൾ, നിങ്ങൾ തിരഞ്ഞെടുത്ത പ്ലാനിന് കീഴിൽ പരിരക്ഷ ലഭിക്കാത്ത ചില രോഗങ്ങളും ഉണ്ടായേക്കാം. അതിനാൽ, പോളിസി വാങ്ങുന്നതിന് മുമ്പ് പോളിസി നിബന്ധനകൾ വായിക്കുന്നതും ഒഴിവാക്കലുകളുമായി ബന്ധപ്പെട്ട സംശയങ്ങളിൽ വ്യക്തത വരുത്തന്നതും എല്ലായ്‌പ്പോഴും നല്ലതാണ്.  

ഒരു ഓൺലൈൻ ഹെൽത്ത് ഇൻഷുറൻസ് പരിരക്ഷ എങ്ങനെ വാങ്ങാം?

ഹെൽത്ത് ഇൻഷുറൻസ് പ്ലാനുകളുടെ ആനുകൂല്യങ്ങളുടെ സമഗ്രമായ പട്ടിക ഇപ്പോൾ നിങ്ങൾക്കറിയാം, ഇനി ഒരെണ്ണം എങ്ങനെ വാങ്ങാം എന്ന് മനസ്സിലാക്കേണ്ടത് അത്യാവശ്യമാണ്. ഓൺലൈൻ ഹെൽത്ത് ഇൻഷുറൻസ് വാങ്ങുന്നത് നേരിട്ടുള്ളതും തടസ്സരഹിതവുമായ പ്രക്രിയയാണ്. ഘട്ടം 1: താല്പര്യമുള്ള ഇൻഷുറൻസ് കമ്പനിയുടെ വെബ്സൈറ്റ് സന്ദർശിച്ച് ഹെൽത്ത് ഇൻഷുറൻസ് സെക്ഷൻ കണ്ടെത്തുന്നത് മുതലാണ് ഇത് ആരംഭിക്കുന്നത്. ഘട്ടം 2: നിങ്ങളുടെ പ്രായം, ലിംഗത്വം, മൊബൈൽ നമ്പർ തുടങ്ങിയ ആവശ്യമായ വ്യക്തിഗത വിവരങ്ങൾ നിങ്ങൾ എന്‍റർ ചെയ്യേണ്ടതുണ്ട്. ഘട്ടം 3: അടുത്തതായി, വിവിധ തരം ഹെൽത്ത് ഇൻഷുറൻസ് പ്ലാനുകളിൽ നിന്ന് അനുയോജ്യമായ പരിരക്ഷ തിരഞ്ഞെടുക്കുക ഘട്ടം 4: പോളിസിയുടെ വ്യാപ്തി വർദ്ധിപ്പിക്കുന്നതിന് ആഡ്-ഓൺ റൈഡറുകൾ ചേർക്കുക. ഘട്ടം 5: പോളിസിയുടെ തരം, അതിന്‍റെ വ്യത്യസ്തമായ ഫീച്ചറുകൾ, അധിക റൈഡറുകൾ എന്നിവ നിങ്ങൾ അന്തിമമാക്കിയാൽ, ഇൻഷുറൻസ് പരിരക്ഷ പ്രയോജനപ്പെടുത്താൻ നിങ്ങൾക്ക് പേമെന്‍റ് നടത്താവുന്നതാണ്. എന്നിരുന്നാലും, നിങ്ങൾക്ക് ഏറ്റവും മികച്ചത് ലഭിക്കുന്നതിന് ഈ ഘട്ടത്തിന് മുമ്പ്, എല്ലാ പോളിസികളും താരതമ്യം ചെയ്യാൻ മറക്കരുത്.  

ഹെൽത്ത് ഇൻഷുറൻസ് പ്ലാനുകളെക്കുറിച്ചുള്ള ചില പതിവ് ചോദ്യങ്ങൾ

1. എനിക്ക് എങ്ങനെ താങ്ങാനാവുന്ന ഒരു പരിരക്ഷ ലഭിക്കും?

നിങ്ങൾക്ക് തിരഞ്ഞെടുക്കാവുന്ന നിരവധി ഇൻഷുറൻസ് പോളിസികളുണ്ട്. വാങ്ങാനുള്ള തീരുമാനത്തിൽ വില ഒരു പ്രധാനപ്പെട്ട ഘടകമാണെങ്കിലും, ചെറിയ പ്രായത്തിൽ ഒരു ഹെൽത്ത് ഇൻഷുറൻസ് പ്ലാനിൽ നിക്ഷേപിച്ച് നിങ്ങൾക്ക് കൂടുതൽ ലാഭം നേടാം. കൂടാതെ, ക്ലെയിം സമയത്ത് നിങ്ങൾ സംഭാവന ചെയ്യേണ്ട ഡിഡക്റ്റബിൾ, കോ-പേ, സമാനമായ മറ്റ് പോളിസി നിബന്ധനകൾ എന്നിവ ഉപയോഗിച്ച് നിങ്ങളുടെ ഇൻഷുറൻസ് പ്രീമിയം ഒപ്റ്റിമൈസ് ചെയ്യാൻ നിങ്ങൾക്ക് തിരഞ്ഞെടുക്കാം. കൂടാതെ, ഹെൽത്ത് ഇൻഷുറൻസ് പ്രീമിയം കാൽക്കുലേറ്റർ ഉപയോഗിക്കുന്നത് വിലയെ അടിസ്ഥാനമാക്കി മാത്രമല്ല നിർണായകമായ പോളിസി സവിശേഷതകളെയും അടിസ്ഥാനമാക്കി വിശദമായ താരതമ്യം നടത്താൻ സഹായിക്കും.

2. രാജ്യത്തുടനീളം എന്‍റെ പോളിസിക്ക് സാധുതയുണ്ടോ?

ഹെൽത്ത് ഇൻഷുറൻസ് പോളിസിയെ ചുറ്റിപ്പറ്റി ഏറ്റവും സാധാരണയായി ചോദിക്കുന്ന ചോദ്യങ്ങളിലൊന്നാണിത്. സാധാരണയായി, ഹെൽത്ത് ഇൻഷുറൻസ് പ്ലാനുകൾക്ക് ഇന്ത്യയിലുടനീളം സാധുതയുണ്ട്. രാജ്യത്തിന്‍റെ ഏത് ഭാഗത്ത് വെച്ചും മെഡിക്കൽ അടിയന്തിര സാഹചര്യങ്ങൾ ഉണ്ടാകാമെന്നതിനാൽ, പോളിസിയുടെ ഭൂമിശാസ്ത്രപരമായ വ്യാപ്തിയെക്കുറിച്ച് നിങ്ങൾ അറിയേണ്ടത് അത്യാവശ്യമാണ്.

3. ഒരു വ്യക്തിക്ക് ഒന്നിൽ കൂടുതൽ ഹെൽത്ത് പരിരക്ഷ ലഭിക്കുമോ?

അതെ, നിങ്ങൾക്ക് വാങ്ങാൻ കഴിയുന്ന ഇൻഷുറൻസ് പ്ലാനുകളുടെ എണ്ണത്തിന് പരിധി ഇല്ല. വാസ്തവത്തിൽ, ഒരു പോളിസി വിവിധ രോഗങ്ങൾക്ക് പരിരക്ഷ നൽകുന്ന പൊതുവായ പ്ലാനും അതേസമയം മറ്റേത് ഗുരുതരമായ രോഗം അല്ലെങ്കിൽ മുൻകൂർ നിലവിലുള്ള രോഗങ്ങൾക്ക് പരിരക്ഷ നൽകുന്ന പ്രത്യേകമായുള്ള ഒന്നും ആണെങ്കിൽ ഒന്നിൽ കൂടുതൽ ഹെൽത്ത് പരിരക്ഷ വാങ്ങുന്നത് നല്ലതാണ്.

4. ഹെൽത്ത് ഇൻഷുറൻസ് പ്ലാനുകൾക്ക് കീഴിൽ ക്ലെയിമുകൾ ഉന്നയിക്കുന്നതിന് വെയ്റ്റിംഗ് പിരീഡ് ഉണ്ടോ?

ഉവ്വ്, എല്ലാ ഇൻഷുറൻസ് പ്ലാനുകൾക്കും സാധാരണയായി 30-ദിവസത്തെ വെയ്റ്റിംഗ് കാലയളവ് ഉണ്ട്, അതിൽ മെഡിക്കൽ ചികിത്സയ്ക്കുള്ള നിരക്കുകൾ അത്തരം കാലയളവിന് ശേഷം പരിരക്ഷിക്കപ്പെടുന്നു. എന്നിരുന്നാലും, അപകടം മൂലമുള്ള അടിയന്തിര ഹോസ്പിറ്റലൈസേഷൻ സാഹചര്യങ്ങളിൽ അത്തരം വെയ്റ്റിംഗ് പിരീഡ് ബാധകമല്ലെന്നത് നിങ്ങൾ ശ്രദ്ധിക്കേണ്ടതുണ്ട്.

5. പോളിസി കാലയളവിൽ അനുവദിക്കുന്ന ക്ലെയിമുകളുടെ എണ്ണം എത്രയാണ്?

ഹെൽത്ത് ഇൻഷുറൻസ് പ്ലാനിൽ നടത്താവുന്ന ക്ലെയിമുകളുടെ എണ്ണത്തിൽ പരിധി ഇല്ല. എന്നാൽ, നിങ്ങളുടെ ഹെൽത്ത് ഇൻഷുറൻസ് പ്ലാനിന്‍റെ ഇൻഷ്വേർഡ് തുകയാണ് ഇൻഷുറൻസ് ക്ലെയിം നടത്താവുന്ന പരമാവധി തുകയാണ് എന്നത് ശ്രദ്ധിക്കുക. ഇൻഷുറൻസ് പ്രേരണാ വിഷയമാണ്. ആനുകൂല്യങ്ങൾ, ഒഴിവാക്കലുകൾ, പരിധികൾ, നിബന്ധനകളും വ്യവസ്ഥകളും എന്നിവയെക്കുറിച്ചുള്ള കൂടുതൽ വിവരങ്ങൾക്ക്, വിൽപ്പനയിലേക്ക് എത്തുന്നതിനു മുമ്പ് ദയവായി സെയിൽസ് ബ്രോഷർ/പോളിസി നിബന്ധനകൾ ശ്രദ്ധാപൂർവ്വം വായിക്കുക.   ഉറവിടം: [1] https://www.niti.gov.in/sites/default/files/2021-10/HealthInsurance-forIndiasMissingMiddle_28-10-2021.pdf [2] https://health.economictimes.indiatimes.com/news/pharma/health-insurance-is-wealth-many-realized-after-2nd-wave/85790116 [3] https://www.irdai.gov.in/ADMINCMS/cms/whatsNew_Layout.aspx?page=PageNo4057&flag=1 [4] https://www.downtoearth.org.in/dte-infographics/india_s_health_crisis/index.html