ഇന്ത്യയിൽ അപകടത്തിന് ശേഷം കാർ ഇൻഷുറൻസ് എങ്ങനെ ക്ലെയിം ചെയ്യാം?

കാർ ഇൻഷുറൻസ് ക്ലെയിമിന്‍റെ പ്രധാന കാരണം റോഡ് ട്രാഫിക് അപകടങ്ങളാണ്. റോഡില്‍ ഒരു വാഹനം മറ്റൊന്നുമായി കൂട്ടിയിടിക്കുക, ആര്‍ക്കെങ്കിലും പരിക്കേല്‍ക്കുക, പ്രോപ്പര്‍ട്ടി തകരുക, അല്ലെങ്കില്‍ മരണം സംഭവിക്കുക എന്നിവയാണ് ഈ സാഹചര്യം. അപകടങ്ങൾ വ്യത്യസ്തമാണ്, പല കുഴപ്പങ്ങളും ഉണ്ടാകാം. അപകടത്തിന്‍റെ അനന്തരഫലമായി ഡ്രൈവിംഗ് റിക്കോര്‍ഡിനും ഇൻഷുറൻസിനും എന്ത് സംഭവിക്കുമെന്ന ഭീതിയും ആശങ്കയും ഉണ്ടാക്കുന്ന സാഹചര്യമാണ് അത്. പോളിസി ഉടമകൾക്ക് വ്യക്തമായി ചിന്തിക്കാനും അതനുസരിച്ച് പ്രതികരിക്കാനും പ്രയാസമായിരിക്കും. പരിക്കുകളോ ഒരു അംഗത്തിന്‍റെ മരണമോ പലപ്പോഴും പിരിമുറുക്കം വര്‍ധിപ്പിക്കും. അത്തരം സാഹചര്യങ്ങളിൽ, ഗുണകരമാകാവുന്ന പെട്ടെന്നുള്ള കാര്യങ്ങള്‍ മനസ്സിലാക്കേണ്ടത് പ്രധാനമാണ്. പ്രഥമവും പ്രധാനവുമായി, ശാന്തമാകുകയും പോലീസിനെ വിളിക്കേണ്ടതുമാണ് അനിവാര്യം. കാർ ഇൻഷുറൻസ് ക്ലെയിമുകളുടെ കാര്യത്തിൽ ഉപദേശിക്കാന്‍ കഴിയുന്ന വ്യക്തിയാണ് സോളിസിറ്റർ. കാർ അപകടങ്ങളിൽ നിന്ന് ഇൻഷുറൻസ് ക്ലെയിമുകളുടെ ഘട്ടം ഘട്ടമായുള്ള പ്രോസസ് നമുക്ക് പരിശോധിക്കാം.

അപകടത്തിന് ശേഷം കാർ ഇൻഷുറൻസ് ക്ലെയിം ചെയ്യുക

കാർ ഇൻഷുറൻസ് സെറ്റിൽമെന്‍റ് ക്ലെയിമുകൾ സാധാരണയായി ഡോക്യുമെന്‍റേഷൻ പ്രോസസ്സോടെ തുടങ്ങുന്നു. ഇൻഷുറൻസ് ക്ലെയിമുകൾ വാലിഡേറ്റ് ചെയ്യാനും സ്വീകരിക്കാനും പോളിസി ഉടമയുടെ ഡോക്യുമെന്‍റുകൾ ആവശ്യമാണ്. ഇൻഷുറൻസ് ക്ലെയിം ഡോക്യുമെന്‍റും, മറ്റ് ചില പേപ്പർവർക്കുകളും പ്രോസസ് ആരംഭിക്കാന്‍ അനിവാര്യമാണ്.

പൊതുവെ ആവശ്യമായ ഡോക്യുമെന്‍റുകളിൽ ഇവ ഉൾപ്പെടുന്നു:

• ഇൻഷുറൻസ് പോളിസിയുടെ പകർപ്പ്
• ഡ്രൈവറുടെ ലൈസൻസിന്‍റെ പകർപ്പ്
• പോലീസ് സ്റ്റേഷനിലെ എഫ്ഐആര്‍
• കാറിന്‍റെ രജിസ്ട്രേഷൻ സർട്ടിഫിക്കറ്റ്
• ശാരീരിക പരിക്കുകളുടെ കാര്യത്തിൽ മെഡിക്കൽ റിപ്പോർട്ട്
• റിപ്പയറുകളുടെ തോതനുസരിച്ചുള്ള എസ്റ്റിമേഷന്‍
• ഇതുവരെ വാഹനത്തിന് വന്ന മറ്റ് ചെലവുകളുടെ ഒറിജിനല്‍ രേഖ

കാർ ഇൻഷുറൻസ് എങ്ങനെ ക്ലെയിം ചെയ്യാം

1. ഇൻഷുറൻസ് കമ്പനിയെ ബന്ധപ്പെടുക

പറയാന്‍ എളുപ്പമല്ല, എന്നാൽ അപകടം വാഹനത്തിന് മാത്രമാണ് തകരാർ വരുത്തിയതെങ്കില്‍, പോളിസി ഉടമക്ക് കുഴപ്പമൊന്നും ഇല്ലെങ്കില്‍, പേപ്പർവർക്കുമായി തുടരുക. ആദ്യ ഘട്ടം അപകടത്തെക്കുറിച്ച് ഇൻഷുറൻസ് കമ്പനിയെ അറിയിക്കുക എന്നതാണ്. ഇൻഷുറൻസ് കമ്പനിയെ അറിയിക്കേണ്ടത് 7 പ്രവൃത്തി ദിവസത്തിനുള്ളിലാണ്. അതിനാൽ, അതിന് വേഗത്തിലുള്ള നടപടി ആവശ്യമാണ്. 7 പ്രവൃത്തി ദിവസങ്ങൾക്ക് ശേഷം അറിയിച്ചാൽ ക്ലെയിം സെറ്റിൽമെന്‍റ് തുടരാൻ കഴിയില്ല.

2. പോലീസ് സ്റ്റേഷനിലെ എഫ്ഐആര്‍

പോലീസ് സ്റ്റേഷനിൽ റിപ്പോർട്ട് ഫയൽ ചെയ്യേണ്ടത് നിർബന്ധമാണ്, പ്രത്യേകിച്ച് റോഡ് അപകടം അല്ലെങ്കിൽ ട്രാന്‍സ്പോര്‍ട്ടേഷനില്‍ വാഹനത്തിന്‍റെ തകരാറിന്‍റെ ക്ലെയിം സെറ്റിൽമെന്‍റ് പ്രോസസ് ചെയ്യുമ്പോള്‍. ഇൻഷുറൻസിലേക്ക് നയിക്കുന്ന ചെറിയ ഡെന്‍റുകളും സ്ക്രാച്ചുകളും ആണെങ്കില്‍ പോലീസിൽ എഫ്ഐആർ ഒഴിവാക്കാം. എന്നാല്‍ ശാരീരിക പരിക്ക് അല്ലെങ്കിൽ തേർഡ്-പാർട്ടി അപകടങ്ങൾ ഉണ്ടെങ്കില്‍ അത് നിർബന്ധമാണ്. ചില സാഹചര്യങ്ങളിൽ, പോളിസി ഉടമയുടെ മേഖലയിൽ അധികാരപരിധിയുള്ള മോട്ടോർ ആക്സിഡന്‍റ് ക്ലെയിം ട്രിബ്യൂണലില്‍ കേസ് ഫയൽ ചെയ്യണം. അപകടത്തില്‍ തേര്‍ഡ് പാര്‍ട്ടി ഉള്‍പ്പെട്ടിട്ടുണ്ടെങ്കിലാണ് ട്രിബ്യൂണല്‍ രംഗത്ത് വരിക.

3. ഫോട്ടോകൾ തെളിവായി

ചില സാഹചര്യങ്ങളിൽ, പോളിസി ഉടമകൾ റീഇംബേഴ്സ്മെന്‍റ് ക്ലെയിമാണ് ഇഷ്ടപ്പെടുക. റീഇംബേഴ്സ്മെന്‍റ് നല്‍കാന്‍, ഫോട്ടോഗ്രാഫ് ആക്ടിനൊപ്പം ഇവന്‍റിന്‍റെ രംഗങ്ങൾ തെളിവായി ക്ലെയിം ചെയ്യുക. കാറിന് ഉണ്ടായ തകര്‍ച്ച അല്ലെങ്കില്‍ ശാരീരിക ക്ഷതം ഉണ്ടായ അപകടത്തിന്‍റെ ഏതാനും ചിത്രങ്ങള്‍ പോളിസി ഉടമയ്ക്ക്/സഹായകർക്ക് എടുക്കാം.

4. ഇൻഷുറൻസ് ദാതാവിന് ഡോക്യുമെന്‍റുകൾ സമർപ്പിക്കുക

ഇൻഷുറൻസ് ദാതാവിന് കാർ ഇൻഷുറൻസ് ക്ലെയിം സമര്‍പ്പിച്ച ശേഷം, അപകടം അന്വേഷിക്കാന്‍ പോളിസി ഉടമയ്ക്ക് ഒരു സർവേയറെ അഭ്യർത്ഥിക്കാം. സർവേയറിനുള്ള അഭ്യർത്ഥനകൾ ദാതാവിന്‍റെ വെബ്സൈറ്റ് വഴി ഓൺലൈനിൽ ഉന്നയിക്കാം. ഈ സന്ദർഭങ്ങളിൽ; ഇൻഷുറൻസ് ക്ലെയിം സെറ്റിൽമെന്‍റ് ക്യാഷ്‌ലെസ് ആയി നടക്കുമ്പോൾ, ഇൻഷുറൻസ് കമ്പനിയെ ബന്ധപ്പെട്ട് 1 മുതൽ 2 ദിവസത്തിനുള്ളിൽ വാഹനത്തിന് കൂടുതൽ തകരാറുകൾ ഇല്ലെന്ന് ഉറപ്പാക്കുന്നതിന് ഇൻഷുറർ പലപ്പോഴും ഒരു പ്രതിനിധിയെ നൽകും.

5. കാർ റിപ്പയർ

ക്ലെയിം സെറ്റിൽമെന്‍റ് പ്രോസസിനായി, കാർ ഗ്യാരേജില്‍ ഏല്‍പ്പിക്കണം, റിപ്പയർ ചെയ്യുന്നുവെന്ന് ഉറപ്പുവരുത്തണം. പലപ്പോഴും ഇൻഷുറൻസ് കമ്പനിയിൽ നിന്നുള്ള സർവേയർ ഗാരേജുകളുടെ ഒരു ലിസ്റ്റ് നൽകുന്നു. എന്നാല്‍, ക്യാഷ്‌ലെസ് ക്ലെയിം ആണെങ്കില്‍, റിപ്പയറിന്‍റെ ഭാരം പോളിസി ഉടമയല്ല വഹിക്കുക. പോളിസി ഉടമ കിഴിവുകൾ നല്‍കേണ്ടതാണ്, ബാക്കിയുള്ള തുക സാധാരണയായി ഇൻഷുറർ പരിരക്ഷിക്കുന്നു. റീഇംബേഴ്സ്മെന്‍റ് ക്ലെയിമിന്‍റെ കാര്യത്തിൽ, എല്ലാ റിപ്പയറുകളും ഒറിജിനൽ മെഡിക്കൽ റിപ്പോർട്ടുകൾ, ഫോട്ടോകൾ, രസീതുകൾ, ഇൻഷുറൻസ് കമ്പനിക്ക് സമർപ്പിച്ച ബില്ലുകൾ എന്നിവയ്‌ക്കൊപ്പം പോളിസി ഉടമ വഹിക്കുന്നതാണ്.

പോളിസി ഉടമയുടെ ശ്രദ്ധയ്ക്ക്

പോളിസിയുടെ ഇടപെടൽ ഉൾപ്പെടുന്ന ഇൻഷുറൻസ് ക്ലെയിമുകൾ സങ്കീർണ്ണമാകാം. പോളിസി ഉടമ താഴെപ്പറയുന്നവ കണക്കിലെടുക്കണം:

• അപകടം സംഭവിച്ച് 24 മണിക്കൂറിനുള്ളിൽ ക്ലെയിം ഉന്നയിക്കണം. കാലതാമസം നേരിട്ടാൽ, ദാതാവിന് ക്ലെയിം നിരസിക്കാം.
• കാലഹരണപ്പെട്ട പോളിസി കാരണം ക്ലെയിമുകൾ നിരസിക്കപ്പെടും, ഇത് ഒഴിവാക്കാനാകും നിങ്ങൾ കാർ ഇൻഷുറൻസ് സ്റ്റാറ്റസ് പരിശോധിക്കുക നിശ്ചിത ഇടവേളകളിൽ, പോളിസി കാലഹരണ തീയതിക്ക് മുമ്പ് പുതുക്കുക.
• സാധ്യമെങ്കിൽ, അപകടത്തിൽ ഉൾപ്പെട്ടിരിക്കുന്ന മറ്റ് വാഹനത്തിന്‍റെ മോഡൽ നമ്പർ, നിറം, രജിസ്ട്രേഷൻ നമ്പർ എന്നിവ രേഖപ്പെടുത്തുക.
• തേര്‍ഡ്-പാര്‍ട്ടി ഉള്‍പ്പെടുന്ന സാഹചര്യത്തില്‍, പോരാട്ടത്തിലേക്ക് പോകുന്നത് ഒഴിവാക്കുക. ഇത് അനാവശ്യമായ ആശയക്കുഴപ്പത്തിലേക്ക് നയിച്ചേക്കാം.
• പ്രശ്നത്തില്‍ പോലീസ് ഇടപെട്ടാല്‍, അടുത്ത പ്രോസസിനെക്കുറിച്ച് നിശ്ചയമില്ലെങ്കില്‍, പോലീസിനോ ഇൻഷുറൻസ് കമ്പനിയ്ക്കോ നേരിട്ട് മൊഴി കൊടുക്കുന്നത് ഒഴിവാക്കുക.
• റിപ്പയർ ചെയ്യുന്നതിനായി വാഹനം ഉടൻ തന്നെ ഗ്യാരേജില്‍ ഏല്‍പ്പിക്കണം.
• സർവേയറെ വാഹനം പരിശോധിക്കാൻ അനുവദിക്കുക.
• സർവേയർ നല്‍കുന്ന ഗ്യാരേജിന്‍റെ നെറ്റ്‌വർക്ക് കവറേജ് ക്യാഷ്‌ലെസ് സൗകര്യത്തിനായി സെറ്റിൽ ചെയ്യുന്നവർക്ക് മികച്ച ചോയിസ് ആകാം. പോളിസി ഉടമയോട് കിഴിവുകൾ മാത്രം ഈടാക്കുന്ന ഇൻഷുറർ നേരിട്ട് വർക്ക്ഷോപ്പില്‍ പണം നൽകുന്നതാണ്.

സംഗ്രഹം

കാർ അപകടങ്ങളുമായി ബന്ധപ്പെട്ട ക്ലെയിം സെറ്റിൽമെന്‍റ് എളുപ്പമല്ല. പോളിസി ഡോക്യുമെന്‍റുകൾ ശ്രദ്ധാപൂർവ്വം വായിക്കുകയും ഉൾപ്പെടുത്തലുകളും ഒഴിവാക്കലുകളും മനസ്സിലാക്കുകയും ചെയ്യേണ്ടത് പ്രധാനമാണ്. ആശയക്കുഴപ്പമുണ്ടായാൽ, ഒരു അഭിഭാഷകനിൽ നിന്ന് സഹായം തേടുക. പോളിസി ഉടമയ്ക്ക് വക്കീലുണ്ടെങ്കിൽ, ക്ലെയിമിന്‍റെ ആദ്യ ഘട്ടത്തിൽ വക്കീലനെ ഉറപ്പായും ഏര്‍പ്പെടുത്തുക.