മൾട്ടി കാർ ഇൻഷുറൻസ്

ഇന്നത്തെ കാലത്ത് കാറുകൾ അനിവാര്യം എന്നതില്‍ തര്‍ക്കമില്ല. നിങ്ങൾ വസിക്കുന്നത് നഗരത്തിലായാലും സെമി-അർബൻ പശ്ചാത്തലത്തില്‍ ആയാലും, ഒരു കാർ ഉള്ളതിന്‍റെ സൗകര്യം വളരെയാണ്. എളുപ്പം മാത്രമല്ല, കാര്‍ മാലിന്യത്തില്‍ നിന്നും അന്തരീക്ഷത്തിലെ മലിന ഘടകങ്ങളില്‍ നിന്നും സംരക്ഷണം നല്‍കുന്നു. അങ്ങനെ, പലരും ഒന്നിൽ കൂടുതൽ കാർ വാങ്ങുന്നതായി കാണാറുണ്ട്, ഓരോന്നും ഓരോ ആവശ്യത്തിനായി. മാത്രമല്ല, ഡ്രൈവിംഗ് വൈദഗ്ധ്യം ജീവിത നൈപുണ്യമായി മാറിയിരിക്കുന്നു, പലരും അത് നേരത്തെ പഠിക്കുന്നു. ഒരു കാർ സ്വന്തമാക്കുമ്പോൾ, കാർ ഉടമ എന്ന നിലയിൽ നിങ്ങൾ പാലിക്കേണ്ട ഏതാനും ഔപചാരികതകൾ ഉണ്ട് - കാർ ഇൻഷുറൻസ് , പൊല്യൂഷൻ അണ്ടർ കൺട്രോൾ (പിയുസി) സർട്ടിഫിക്കറ്റ്. നിങ്ങളുടെ കാറിന്‍റെ രജിസ്ട്രേഷൻ സർട്ടിഫിക്കറ്റ് ആദ്യ പർച്ചേസ് മുതല്‍ 15 വർഷത്തേക്ക് വാലിഡ് ആണ്, എന്നാൽ ഈ മറ്റ് കാര്യങ്ങള്‍ ഇടയ്ക്കിടെ പുതുക്കേണ്ടതുണ്ട്. അതിനാൽ, ഒന്നിൽ കൂടുതൽ വാഹനം ഉള്ളവര്‍ക്ക് ഇത് ബുദ്ധിമുട്ടാകുന്നു. ഓരോന്നിന്‍റെയും കാലഹരണ തീയതി നിങ്ങൾ ഓർത്തിരിക്കണം, പുതുക്കൽ തീയതി വിട്ടുപോകുന്നില്ലെന്ന് ഉറപ്പ് വരുത്തണം. അങ്ങനെ ചെയ്യുന്നത് അനിശ്ചിതത്വം മാത്രമല്ല, വലിയ പിഴയും ഉണ്ടാക്കും. എന്നാൽ ഒന്നിൽ കൂടുതൽ കാർ അല്ലെങ്കിൽ ബൈക്ക് ഉള്ളവര്‍, വിഷമിക്കേണ്ട! ഒരൊറ്റ പോളിസിക്ക് കീഴിൽ നിങ്ങളുടെ എല്ലാ കാറുകളും വരുന്ന ഒരു മോട്ടോർ ഇൻഷുറൻസ് പരിരക്ഷ ഞങ്ങൾ ആവിഷക്കരിച്ചിട്ടുണ്ട്. മോട്ടോർ ഫ്ലോട്ടർ പ്ലാൻ എന്ന് അറിയപ്പെടുന്ന മൾട്ടി-കാർ ഇൻഷുറൻസ്.

എന്താണ് മോട്ടോർ ഫ്ലോട്ടർ പോളിസി?

ഒരൊറ്റ ഇൻഷുറൻസ് പരിരക്ഷയ്ക്ക് കീഴിൽ പല അംഗങ്ങളും പരിരക്ഷിക്കപ്പെടുന്ന ഹെൽത്ത് ഇൻഷുറൻസിലെ ഫാമിലി ഫ്ലോട്ടർ പോളിസി പോലെ, മോട്ടോർ ഫ്ലോട്ടർ കാർ ഇൻഷുറൻസ് എന്നത് പോളിസി കവറേജില്‍ ഒന്നിൽ കൂടുതൽ കാർ ഉൾപ്പെടുന്ന ഇൻഷുറൻസ് പരിരക്ഷയാണ്. ഈ മോട്ടോർ ഇൻഷുറൻസ് പ്ലാൻ ഒരു ഇൻഷുറൻസ് പോളിസിക്ക് കീഴിൽ അഞ്ച് കാറുകളെ വരെ ഉള്‍പ്പെടുത്തുന്നു. നിങ്ങൾ വിവിധ ഇൻഷുറൻസ് തീയതികൾ ഓർത്തിരിക്കേണ്ട കാര്യമില്ല, പുതുക്കലുകള്‍ മുടങ്ങുകയുമില്ല. ഈ മൾട്ടി-കാർ ഇൻഷുറൻസ് പോളിസി വാങ്ങുമ്പോൾ, സ്വന്തം നാശനഷ്ടത്തിന് അല്ലെങ്കിൽ എല്ലാ കാറുകൾക്കുമുള്ള സമഗ്രമായ പ്ലാനിന് സ്റ്റാൻഡ്എലോൺ കവറേജ് തിരഞ്ഞെടുക്കാനുള്ള ഓപ്ഷനുണ്ട്.

അത്തരം മൾട്ടി-കാർ ഇൻഷുറൻസ് പ്ലാനിന്‍റെ ഇൻഷ്വേർഡ് തുക എത്രയാണ്?

ഒന്നിൽ കൂടുതൽ കാർ ഇൻഷുർ ചെയ്യേണ്ടതിനാൽ, ഏറ്റവും ഉയർന്ന ഇൻഷ്വേര്‍ഡ് ഡിക്ലയേര്‍ഡ് മൂല്യം അഥവാ ഐഡിവി ഉള്ള വാഹനം പ്രാഥമിക വാഹനമായി തിരഞ്ഞെടുക്കപ്പെടുന്നു. അത്തരം മോട്ടോർ ഫ്ലോട്ടർ പോളിസിക്കുള്ള പരമാവധി കവറേജ് ആ പ്രാഥമിക ഇൻഷ്വേര്‍ഡ് വാഹനത്തിന്‍റെ ഐഡിവി ആണ്, മറ്റ് എല്ലാ കാറുകളും സെക്കന്‍ററി വാഹനങ്ങളായി കണക്കാക്കപ്പെടുന്നു.

മൾട്ടി-കാർ ഇൻഷുറൻസ് പോളിസി വാങ്ങുന്നതിന്‍റെ നേട്ടങ്ങൾ എന്തൊക്കെയാണ്?

മൾട്ടി-കാർ ഇൻഷുറൻസ് പോളിസിയുടെ ചില സവിശേഷതകൾ ഇതാ - തടസ്സരഹിതമായ പർച്ചേസ്: മോട്ടോർ ഫ്ലോട്ടർ പോളിസി ഉണ്ടായിരിക്കുന്നത് പല കാറുകൾക്ക് ഒന്നിലധികം പോളിസികൾ കൈകാര്യം ചെയ്യുന്ന ബുദ്ധിമുട്ടുകൾ ഒഴിവാക്കും. ഇത് സമയം ലാഭിക്കാനും ആവശ്യമായ മൊത്തത്തിലുള്ള ഡോക്യുമെന്‍റേഷൻ കുറയ്ക്കാനും സഹായിക്കുന്നു വാങ്ങുമ്പോൾ പുതിയ വാഹന ഇൻഷുറൻസ് പരിരക്ഷ. പോളിസി വിശദാംശങ്ങളിലെ മാറ്റത്തിന്‍റെ സൗകര്യം: പോളിസി വിശദാംശങ്ങളുടെ കാര്യത്തില്‍ ഒരു സിംഗിള്‍ ഇൻഷുറൻസ് പോളിസി മാനേജ് ചെയ്യാൻ എളുപ്പമാണ്. പോളിസിയിൽ വാങ്ങുമ്പോൾ അല്ലെങ്കിൽ മാറ്റം വരുത്തുമ്പോള്‍ നിങ്ങൾ ഒരേ വിശദാംശങ്ങൾ പിന്നെയും നൽകേണ്ടതില്ല. പരിരക്ഷയുടെ ഫ്ലെക്സിബിലിറ്റി: പുതിയ ചേർക്കലുകൾ അല്ലെങ്കിൽ കവറേജിൽ നിന്ന് ഒരു വാഹനം നീക്കം ചെയ്യുന്നതിന് ഏതാനും ക്ലിക്കുകളിലൂടെ എളുപ്പം ചെയ്യാമെന്ന നേട്ടങ്ങൾ മോട്ടോർ ഫ്ലോട്ടർ പോളിസിക്ക് ഉണ്ട്. ചില ഇൻഷുറർമാർക്ക് മാറ്റങ്ങൾ അനായാസം വരുത്താവുന്ന മൊബൈൽ ആപ്ലിക്കേഷനുകളും ഉണ്ട്. മാത്രമല്ല, ചില പോളിസികൾ, ആവശ്യമുള്ളപ്പോൾ ഒരു പ്രത്യേക കാറിനുള്ള സംരക്ഷണം ഓൺ അല്ലെങ്കിൽ ഓഫ് ചെയ്യാന്‍ ഉപയോക്താവിനെ അനുവദിക്കും. എന്നാല്‍, മോഷണത്തിനും തീപിടുത്തം മൂലമുള്ള നാശനഷ്ടത്തിനും ഉള്ള പരിരക്ഷ തുടരും. കുറഞ്ഞ ഡോക്യുമെന്‍റേഷൻ: എല്ലാ കാറുകൾക്കും കൂടി ഒരു സിംഗിള്‍ പോളിസി ഉള്ളപ്പോള്‍, പോളിസി നോക്കുകയും മാനേജ് ചെയ്യുകയും ചെയ്യുന്നത് എളുപ്പമാണ്. ഇതിൽ കുറഞ്ഞ പേപ്പർവർക്ക് മതി, സാധാരണയായി അതിന്‍റെ ആദ്യ പർച്ചേസിൽ. കൂടാതെ, മേല്‍പ്പറഞ്ഞ പോലെ, കവറേജിലേക്ക് പുതിയ കാറുകൾ ചേർക്കുന്നതിന് മൊബൈൽ ആപ്പുകൾ അല്ലെങ്കിൽ ഓൺലൈൻ മാറ്റങ്ങളും സാധ്യമാണ്. ചുരുക്കത്തിൽ, മൾട്ടി-കാർ ഇൻഷുറൻസ് അല്ലെങ്കിൽ മോട്ടോർ ഫ്ലോട്ടർ പോളിസി വികസിച്ചുകൊണ്ടിരിക്കുന്ന ഒരു ആശയമാണ്, കൂടാതെ പരിമിതമായ എണ്ണം ജനറല്‍ ഇൻഷുറൻസ് കമ്പനികൾ മാത്രമേ വാഗ്ദാനം ചെയ്യുന്നുള്ളൂ. ഈ ആനുകൂല്യങ്ങൾ ലഭിക്കുന്നതിന്, നിങ്ങളുടെ ഗവേഷണ പങ്കാളിത്തം നടത്തുകയും ഓഫറിനെ അടിസ്ഥാനമാക്കി അനുയോജ്യമായ ഒരു തിരഞ്ഞെടുപ്പ് നടത്തുകയും ചെയ്യേണ്ടതായി വന്നേക്കാം.