મરીન ઇન્શ્યોરન્સના પ્રકાર

જો તમે ક્યારેય દરિયાઈ માર્ગે માલ દેશની બહાર મોકલ્યો હોય, તો તમે એવા તમામ હિસ્સેદારો વિશે માહિતગાર હશો, જેમની એસેટને આ પ્રક્રિયામાં જોખમ રહેલું છે. એક વેચાણકર્તા તરીકે તમારો માલ જહાજમાં છે. ખરીદદાર માલ મેળવવા અને તેમના કામકાજમાં તેનો ઉપયોગ કરવાની રાહ જોઈ રહ્યા છે. કાર્ગો, શિપિંગ અને પરિવહન કંપનીઓના માથે શિપમેન્ટને સમયસર ડિલિવર કરવાની જવાબદારી છે. પ્રક્રિયામાં એક નાની દુર્ઘટના વિલંબ, અકસ્માત અથવા માલના નુકસાનમાં પરિણમી શકે છે. આવા જોખમોને કારણે સમગ્ર સિસ્ટમમાં પ્રભાવ પડી શકે છે અને તેને લીધે અન્યથા સંબંધિત ન હોય તેવા વ્યવસાયોને પણ આર્થિક તકલીફ પડી શકે છે. મરીન ઇન્શ્યોરન્સ પૉલિસી તમને ભવિષ્યની અનિશ્ચિતતાઓ અને તેની તમારા શિપમેન્ટ પર અસરથી બચાવે છે.  

મરીન ઇન્શ્યોરન્સ શું છે?

મરીન ઇન્શ્યોરન્સ એક પ્રકારની કમર્શિયલ ઇન્શ્યોરન્સ પૉલિસી છે, જે વિશ્વભરમાં બિઝનેસ, લોજિસ્ટિક કંપનીઓ અને માલના ખરીદદારો દ્વારા ઉપયોગમાં લેવાય છે. સપ્લાય ચેઇનમાં તમારી ભૂમિકાના આધારે, મરીન ઇન્શ્યોરન્સ પૉલિસી તમારા માટે મૂલ્યવાન બની શકે છે. શિપમેન્ટ કંપનીઓ જહાજ, શિપ પર ઉપકરણો અને ફર્નિચર જેવી તેમની સંપત્તિઓને સુરક્ષિત કરી શકે છે. વેચાણકર્તાઓ આ પ્રક્રિયા દરમિયાન તેમના પોતાના માલને ચોરી, નુકસાન અથવા વિલંબ સામે સુરક્ષિત કરી શકે છે. અને ખરીદદારો, જો શિપમેન્ટના લોજિસ્ટિક માટે સીધા જવાબદાર હોય તો, પહેલેથી જ ચૂકવેલ માલ સામે સુરક્ષા મેળવી શકે છે.  

મરીન ઇન્શ્યોરન્સ કયા પ્રકારના હોય છે?

કાર્ગો, પરિવહન અને સમુદ્રી પરિવહન કંપનીઓ સાથે નિયમિતપણે સંલગ્ન વ્યવસાય સંચાલકો માટે, મરીન ઇન્શ્યોરન્સના પ્રકારો સમજવા એ રિસ્ક મેનેજમેન્ટમાં બોધપાઠ હોઈ શકે છે મરીન ઇન્શ્યોરન્સના પ્રકાર તમે ઇન્શ્યોરન્સ કવર, જોખમના પરિબળો અને અંતર્ગત સંપત્તિને કેવી રીતે ધ્યાનમાં લો છો, તેના પર આધારિત છે. બે મુખ્ય મરીન ઇન્શ્યોરન્સના પ્રકાર પૉલિસીઓ સામાન્ય રીતે કવરેજ અને ઇન્શ્યોરન્સ કોન્ટ્રાક્ટના માળખાના આધારે વિભાજિત કરવામાં આવે છે.   મરીન ઇન્શ્યોરન્સના પ્રકાર , કવરેજના પ્રકારો મુજબ

1. મરીન કાર્ગો ઇન્શ્યોરન્સ: આ મરીન ઇન્શ્યોરન્સ પૉલિસીના પ્રકારોમાંની એક છે જે તમામ રીતે મહત્વપૂર્ણ છે. ઇન્શ્યોરન્સ પૉલિસી કાર્ગો, ટેન્કર અને થર્ડ-પાર્ટી લાયેબિલિટીને આવરી લે છે.

  આ પ્રક્રિયા દરમિયાન - ચડાવતી કે ઉતારતી વખતે અથવા ટ્રાન્ઝિટ દરમિયાન અથવા અકસ્માતમાં પણ કાર્ગોને નુકસાન થઈ શકે છે. શિપના માલિક અને ઑપરેટરની કામગીરી વ્યાપક હોવાને કારણે, તેમની કંપની ઘણાં બિઝનેસને જવાબદાર હોય છે. જો જહાજને કોઈ અકસ્માત થાય તો થર્ડ-પાર્ટી કવરેજ હોવાથી તેમણે દરેક સંબંધિત પક્ષને કરાવી પડતી ચુકવણી સામે સુરક્ષા મળે છે. તે જ ઇન્શ્યોરન્સ પૉલિસી હેઠળ કાર્ગો લઈ જનાર ટેન્કર અને જહાજને પણ આવરી લેવામાં આવે છે.  

1. ડેમેજ લાયબિલિટી ઇન્શ્યોરન્સ: આ પ્રકારની મરીન ઇન્શ્યોરન્સ પૉલિસી સામાન્ય રીતે એસેટ સાથે સંકળાયેલા ઘણા અણધાર્યા જોખમોને આવરી લેવા માટે તૈયાર કરવામાં આવે છે. જો દરિયાઈ માર્ગે પરિવહન દરમિયાન કોઈપણ સમયે એસેટને નુકસાન થાય, તો તેને કવર કરવા માટે પ્રસ્તુત છે કોમ્પ્રિહેન્સિવ ડેમેજ લાયબિલિટી ઇન્શ્યોરન્સ.

 

1. હલ ઇન્શ્યોરન્સ: કાર્ગો કોઈ અલગ કંપનીનું હોઈ શકે, જ્યારે લૉજિસ્ટિક કોઈ અન્ય કંપની દ્વારા સંભાળવામાં આવતું હોય, અને શિપમેન્ટ મેળવનાર કંપની પણ અલગ હોઈ શકે છે - ત્યારે જહાજના માલિકે તેમનું જોખમો ઓછું થાય તેની ખાતરી કરવી પડશે. હલ ઇન્શ્યોરન્સ પ્લાન જહાજના માલિકની માલિકી હેઠળની જહાજ પરની તમામ વસ્તુઓને સ્પષ્ટપણે કવર કરે છે.

 

1. નુકસાન થયેલ અથવા ખોવાયેલ માલનો ઇન્શ્યોરન્સ: જો પરિવહનમાં શિપમેન્ટને નુકસાન થયું હોય અથવા ખોવાઈ જાય તો ઘણી પાર્ટીઓ શિપિંગ કંપનીને સીધા જવાબદાર ઠેરવે છે. અને તેમ છતાં, વ્યવહારિક રીતે કોઈપણ માર્ગ પર આમ થઈ શકે છે. આ ઇન્શ્યોરન્સ કવર વડે શિપિંગ કંપનીને તેના સીધા નિયંત્રણમાં ન હોય તેવી કોઈ પણ ઘટનાથી થયેલ નુકસાન માટે વળતર મળી શકે છે.

  મરીન ઇન્શ્યોરન્સના પ્રકાર , પ્લાનની રચના મુજબ

1. ઓપન પૉલિસી: તમામ શિપમેન્ટ નિર્ધારિત સમયગાળામાં કરવામાં આવે છે.
2. એક વર્ષ અથવા સમયસીમા નિર્ધારિત પૉલિસી: આ કોન્ટ્રાક્ટના નિશ્ચિત સમયગાળા માટે માન્ય હોય છે.
3. દરિયાઈ યાત્રા-આધારિત ઇન્શ્યોરન્સ કવર: કોઈ ચોક્કસ સમયગાળા દરમિયાન કોઈ ચોક્કસ યાત્રા સમાપ્ત થવાની સાથે પૉલિસી સમાપ્ત થઈ જાય છે. કેટલીક હાઇબ્રિડ પૉલિસીઓ સમયસીમા નિર્ધારિત પ્લાન અને દરિયાઈ યાત્રા આધારિત પ્લાન બંનેને આવરી લે છે.
4. પોર્ટ-રિસ્ક કવર: કવરના નામ અનુસાર, આ ઇન્શ્યોરન્સ પૉલિસી હેઠળ જહાજ હજુ પણ પોર્ટ પર હોય, ત્યારે થયેલા નુકસાનને કવર કરે છે.
5. કાર્ગો વેલ્યૂ કવર: ઇન્શ્યોરન્સ ડૉક્યૂમેન્ટેશનમાં કાર્ગોનું મૂલ્ય પહેલેથી જ નિર્ધારિત અને સંમત હોય છે. ત્યારબાદ આ મૂલ્યનો ઇન્શ્યોરન્સ કરવામાં આવે છે.
6. ફ્લોટિંગ પ્લાન (નિયમિત ગ્રાહકો માટે આદર્શ): દરિયાઈ માર્ગનો નિયમિતપણે ઉપયોગ કરતાં સંલગ્ન તમામ વેપારીઓ, આયાતકારો, નિકાસકારો અથવા શિપમેન્ટ કંપનીઓએ આ કવર લેવું જોઈએ. જહાજ નીકળે તે પહેલાં તેને ચોક્કસ કવરેજ પ્રાપ્ત થાય છે. અન્ય વિગતો પછીથી જાહેર કરવામાં આવે છે. તે સમય બચાવે છે અને જરૂરી સુરક્ષા પણ પ્રદાન કરે છે.
7. વેગર: આ કવર માત્ર નોંધપાત્ર નુકસાન સામે વળતર પ્રદાન કરે છે. કોઈ રકમ પહેલેથી નિર્ધારિત કરવામાં આવતી નથી.

 

વારંવાર પૂછાતા પ્રશ્નો

1. માલનું મૂલ્ય શેના આધારે નક્કી કરવામાં આવે છે? પડતર કિંમત, ઇન્શ્યોરન્સ અને બિલમાં ઉલ્લેખિત ભાડાના આધારે પરિવહનમાં રહેલા માલનું મૂલ્ય નક્કી કરવામાં આવે છે.   2. શું મરીન ઇન્શ્યોરન્સ વૈશ્વિક કવરેજ પ્રદાન કરી શકે છે? હા. કેટલીક ચોક્કસ પૉલિસીઓ વૈશ્વિક કવરેજ પ્રદાન કરે છે.   *સ્ટાન્ડર્ડ નિયમો અને શરતો લાગુ ઇન્શ્યોરન્સ એ આગ્રહની વિષયવસ્તુ છે. લાભો, બાકાત, મર્યાદાઓ, નિયમો અને શરતો વિશે વધુ વિગતો માટે, કૃપા કરીને વેચાણ પૂર્ણ કરતા પહેલાં સેલ્સ બ્રોશર/પૉલિસી નિયમાવલીને કાળજીપૂર્વક વાંચો.