આરટીઓની નવી વાહન રજિસ્ટ્રેશન પ્રક્રિયા - પગલાંબદ્ધ માર્ગદર્શિકા

વાહનના માલિક તરીકે, રસ્તા પર કાયદાનું પાલન કરીને વાહન ચલાવવા માટે તમારા વાહનની નોંધણી ફરજિયાત છે. આ નોંધણી પ્રાદેશિક પરિવહન કાર્યાલય (RTO) માં કરાવવી આવશ્યક છે, જે રજીસ્ટ્રેશન નંબર તરીકે ઓળખાતો નંબર જારી કરે છે, જે તમારા વાહનના રજીસ્ટ્રેશન સર્ટિફિકેટ પર પ્રિન્ટ કરવામાં આવે છે. આ રજિસ્ટ્રેશન સર્ટિફિકેટ તમારા પોતાના વાહનની ઓળખ માટેનું માન્ય ડૉક્યૂમેન્ટ છે. તેથી, તમે જ્યારે પણ વાહન ખરીદો છો, ત્યારે તેને યોગ્ય RTOમાં રજિસ્ટર કરાવવું જરૂરી છે. તમારું વાહન કોઈ અન્ય માલિકને ટ્રાન્સફર કર્યા પછી પણ રજિસ્ટ્રેશન નંબર બદલાતો નથી. તમારા વાહન માટે કાયમી રજિસ્ટ્રેશન નંબર જારી કરવામાં આવે તે પહેલાં, ઑટો ડીલર દ્વારા 'TC નંબર' તરીકે ઓળખાતો કામચલાઉ રજિસ્ટ્રેશન નંબર આપવામાં આવે છે’. તે માત્ર એક મહિનાના સમયગાળા માટે માન્ય છે, જે સમયગાળા દરમિયાન સ્થાનિક RTOમાં વાહનની નોંધણી કરાવવી આવશ્યક છે. તમારા વાહનને રજિસ્ટર કરવા ઉપરાંત, તમારે મોટર ઇન્શ્યોરન્સ પૉલિસી પણ ખરીદવી જરૂરી છે, જે મોટર વાહન અધિનિયમ દ્વારા ફરજિયાત છે. યોગ્ય પૉલિસી તમારી કવરેજની જરૂરિયાતોના આધારે પસંદ કરવામાં આવવી જોઈએ. ચાલો તમારા વાહનને રજિસ્ટર કરવાની પ્રક્રિયા જોઈએ, પરંતુ તે પહેલાં તમારી પાસે કેટલાક ચોક્કસ ડૉક્યૂમેન્ટ હોવા જરૂરી છે. આ પણ વાંચો: કાર અકસ્માત ઇન્શ્યોરન્સ ક્લેઇમની પ્રક્રિયા

તમારા વાહનની નોંધણી માટે જરૂરી ડૉક્યૂમેન્ટ

નીચે જણાવેલ ડૉક્યૂમેન્ટ ફરજિયાત છે, જેના વિના રજિસ્ટ્રેશન શક્ય નથી. તેઓ નીચે મુજબ છે:

1. ફોર્મ 20

તે નવા વાહનોની નોંધણી માટેનું એપ્લિકેશન ફોર્મ છે.

2. ફોર્મ 21

આ તમારા વાહનના ડીલર દ્વારા જારી કરવામાં આવેલ વેચાણનું સર્ટિફિકેટ છે.

3. ફોર્મ 22

અન્ય એક ફોર્મ એ તમારા વાહનની રોડવર્થીનેસ દર્શાવતું, ઉત્પાદક દ્વારા જારી કરવામાં આવતું ફોર્મ છે.

4. પીયૂસી સર્ટિફિકેટ

આ સર્ટિફિકેટ તમારા વાહનનું પ્રદૂષણનું સ્તર સ્વીકાર્ય મર્યાદામાં હોવાનું જણાવે છે. ફેક્ટરીમાંથી આવેલ નવા વાહનો માટે તે જરૂરી નથી, પરંતુ એક વર્ષ કરતાં જૂના વાહનો માટે અથવા ફરીથી રજિસ્ટ્રેશન કરાવવાનું હોય તેવા વાહનો માટે તે જરૂરી છે.

5. કો-ઇન્શ્યોરન્સ

A ફોર-વ્હીલર ઇન્શ્યોરન્સ અથવા ટૂ વ્હીલર ઇન્શ્યોરન્સ પૉલિસી એ ફરજિયાત છે, જેના વિના રજિસ્ટ્રેશન કરી શકાતું નથી. તે મોટર વાહન અધિનિયમ દ્વારા કાયદાના પાલન માટે જરૂરી છે.

6. કામચલાઉ રજીસ્ટ્રેશન સર્ટિફિકેટ

જ્યાં સુધી કાયમી રજિસ્ટ્રેશન નંબર જારી કરવામાં ન આવે ત્યાં સુધી ડીલર દ્વારા કામચલાઉ રજિસ્ટ્રેશન નંબર પ્રદાન કરવામાં આવે છે.

7. ફોર્મ 34

જો તમારા વાહનની ખરીદી માટે ધિરાણકર્તા દ્વારા ધિરાણ કરવામાં આવેલ હોય, તો આ ફોર્મમાં હાઇપોથેકેશનની આ વિગતોનો ઉલ્લેખ કરવામાં આવે છે.

8. વ્યક્તિગત ડૉક્યૂમેન્ટ

ઉપરોક્ત સૂચિબદ્ધ ડૉક્યૂમેન્ટ ઉપરાંત, ડીલરના પાનકાર્ડ જેવુ વ્યક્તિગત ડૉક્યૂમેન્ટ, ઉત્પાદકનું બિલ, વાહનના માલિકનો ફોટો, ઓળખનો પુરાવો, સરનામાનો પુરાવો, ચેસિસ અને એન્જિન પ્રિન્ટ જરૂરી છે. આ પણ વાંચો: કાર ઇન્શ્યોરન્સ ક્લેઇમ સેટલમેન્ટ રેશિયોના મહત્વપૂર્ણ પરિબળો

વાહન રજિસ્ટ્રેશન પ્રક્રિયા માટે ક્રમબદ્ધ પગલાં સાથેની માર્ગદર્શિકા

તમારું વાહન નવું હોય કે પ્રી-ઓન્ડ હોય, રજિસ્ટ્રેશન સર્ટિફિકેટ ફરજિયાત છે અને તે 15 વર્ષના સમયગાળા માટે માન્ય રહે છે. પ્રી-ઓન્ડ વાહનો માટે રજિસ્ટ્રેશન નંબર બદલાતો નથી, માત્ર માલિકી જૂના માલિક પાસેથી નવા માલિકને ટ્રાન્સફર કરવામાં આવે છે. તમારે તમારા વાહનની નોંધણી આ રીતે કરાવી શકો છો:

1. સૌ પ્રથમ, તમારા વાહનને નજીકના RTO પર લઈ જાઓ.
2. ઉપર ઉલ્લેખિત જરૂરી ફોર્મ ભરીને નિરીક્ષણ માટે વિનંતી કરો. આમાં હાઇપોથિકેશનના કિસ્સામાં ફોર્મ 20, 21, 22 અને 34 શામેલ છે. આ ફોર્મની સાથે, તમારે વ્યક્તિગત ડૉક્યૂમેન્ટની કૉપી પણ પ્રદાન કરવાની રહેશે.
3. ઉપરોક્ત ડૉક્યૂમેન્ટ સબમિટ કર્યા પછી, RTO અધિકારીઓ દ્વારા ચેસિસ નંબર અને એન્જિન પ્રિન્ટનું પ્રિન્ટ લેવામાં આવશે.
4. વાહનની કેટેગરીના આધારે જરૂરી ફી અને રોડ-ટૅક્સ ચૂકવો.
5. ત્યારબાદ આ ડેટાની ચકાસણી કરવામાં આવે છે, જેના પછી, તમારા રહેઠાણના ઍડ્રેસ પર રજિસ્ટર્ડ પોસ્ટ દ્વારા રજિસ્ટ્રેશન સર્ટિફિકેટ મોકલવામાં આવે છે.

* સ્ટાન્ડર્ડ નિયમો અને શરતો લાગુ આ પણ વાંચો: કાર ઇન્શ્યોરન્સમાં ઍડ-ઑન કવરેજ: સંપૂર્ણ માર્ગદર્શિકા

તારણ

જો તમે નવું વાહન ખરીદી રહ્યા છો, તો સંપૂર્ણ પ્રક્રિયા ઑટો ડીલર દ્વારા કરવામાં આવશે, જે ઝંઝટ ઘટાડે છે. જો કે, વાહનના ફરીથી રજિસ્ટ્રેશન સમયે આ પ્રક્રિયા તમારે કરવાની રહેશે. ઇન્શ્યોરન્સ એ વિનંતીનો વિષય છે. લાભો, બાકાત, મર્યાદાઓ, નિયમો અને શરતો વિશે વધુ વિગતો માટે, કૃપા કરીને વેચાણ પૂર્ણ કરતા પહેલાં સેલ બ્રોશર/પૉલિસી નિયમાવલીને કાળજીપૂર્વક વાંચો.