સાઇબર ઇન્શ્યોરન્સ હેઠળ ઓળખની ચોરી

ઓળખ ચોરી શું છે?

ઓળખની ચોરી એ એક અપરાધ છે જેમાં તમારી ઓળખ અથવા તમારો વ્યક્તિગત ડેટા જેમ કે આધાર કાર્ડ, પાન કાર્ડ, ક્રેડિટ/ડેબિટ કાર્ડની વિગતોનો ઉપયોગ અન્ય વ્યક્તિ દ્વારા તમારી જાણ વગર, ગુનો અથવા છેતરપિંડી કરવા માટે કરવામાં આવે છે. સિક્યોરિટાસના એક અહેવાલ મુજબ, ભારતમાં પ્રત્યેક મિનિટે લગભગ 19 લોકો ઓળખની ચોરીનો શિકાર થાય છે.

ઓળખની ચોરી કેવી રીતે થાય છે?
તમારી ઓળખ સાથે છેડછાડ કરી શકાય તેવી કેટલાક સામાન્ય રીતો આ પ્રકારની છે:
- ચોરાયેલા વૉલેટ.
- તમારા માટેના પત્રવ્યવહારને આંતરવા.
- એટીએમ પર તમારા ક્રેડિટ/ડેબિટ કાર્ડની વિગતોને ચોરીછૂપીથી મેળવવી.
- છેતરામણાં ફોન કૉલ, ઇ-મેઇલ વગેરે દ્વારા માહિતી મેળવવા ફિશિંગ કરવું.

આ તમને કેવી રીતે અસર કરે છે?

ઓળખની ચોરી તમારા આર્થિક અને વ્યક્તિગત જીવન પર ઘણી બધી અસરો કરી શકે છે. છેતરપિંડી કરનાર વ્યક્તિ ક્રેડિટ કાર્ડ, લોન માટે અરજી કરી શકે છે અને તમારી વ્યક્તિગત માહિતી ધરાવતા નકલી ડૉક્યૂમેન્ટનો ઉપયોગ કરીને ખરીદી કરી શકે છે. જ્યાં સુધી ઓળખની ચોરીનો આરોપ સાબિત ન થાય, ત્યાં સુધી આવી ખરીદી માટેની કાનૂની જવાબદારી તમારી રહેશે. તમારા ક્રેડિટ સ્કોર પર અસર પડી શકે છે અને આ સમય દરમ્યાન તમે ક્રેડિટ મેળવવાની પાત્રતા ગુમાવી શકો છો.

ઓળખની ચોરી થાય ત્યારે શું કરવું?

સ્ત્રોત શોધો- તમારે ચોરીનું મૂળ કારણ જાણવું જોઈએ. તમે વેબસાઇટ પર રજિસ્ટર કરવા માટે તમારા ડેબિટ/ક્રેડિટ કાર્ડનો ઉપયોગ કર્યો હોઈ શકે અથવા નવી એપ ડાઉનલોડ કરી હોય.

તમારા પાસવર્ડ બદલો- તમને તમારો ડેટા ચોરાઈ ગયાની જાણ થાય, કે તરત જ તમારે તમે ઉપયોગ કરતા હોવ તે તમામ ફાઇનાન્શિયલ સર્વિસના તમામ પાસવર્ડ બદલી નાખવા જોઈએ.

તમારી બેંકનો સંપર્ક કરો- જ્યારે તમારા ક્રેડિટ/ડેબિટ કાર્ડનો ઉપયોગ છેતરપિંડી દ્વારા ખરીદી માટે કરવામાં આવે ત્યારે તમારે તરત જ તમારી બેંકનો સંપર્ક કરવો જોઈએ.

પોલીસ રિપોર્ટ ફાઇલ કરો- જેવી તમને જાણ થાય કે તમારી ઓળખની ચોરી થઈ છે, ત્યારે તમે પોલીસને રિપોર્ટ કરો અને એફઆઇઆર ફાઇલ કરો. કોઈપણ કપટપૂર્ણ અથવા અનધિકૃત વ્યવહારો છેતરપિંડી કરીને કરવામાં આવ્યા હોવાનું માનવામાં આવે ત્યારે તેના રિવર્સલની માંગ કરતી વખતે આ ફરજિયાત છે.

ખરીદો સાઇબર ઇન્શ્યોરન્સ અને ઓળખની ચોરી અને ઇન્ટરનેટના અન્ય જોખમો સામે પોતાને સુરક્ષિત કરો.

વધુ જુઓ સાઇબર ઇન્શ્યોરન્સની વિશેષતાઓ.