હૉસ્પિટલાઇઝેશન પહેલાં અને પછીના ખર્ચનું કવરેજ

હૉસ્પિટલાઇઝેશન પહેલાના અને પછીના ખર્ચ શું છે?

હૉસ્પિટલાઇઝેશન પહેલાના ખર્ચ એ તમારા (ઇન્શ્યોર્ડ) દ્વારા હેલ્થકેર સુવિધા અથવા હૉસ્પિટલમાં દાખલ થતા પહેલાં કરવામાં આવતા ખર્ચ છે. બીજી તરફ, હૉસ્પિટલાઇઝેશન પછીના ખર્ચમાં હૉસ્પિટલમાંથી રજા મળ્યા બાદના મેડિકલ ખર્ચનો સમાવેશ થાય છે.

અગ્રણી હેલ્થ ઇન્શ્યોરન્સ પ્રદાતાઓ, કટોકટી દરમિયાન તબીબી ખર્ચાઓ માટે કવરેજ આપવા ઉપરાંત હોસ્પિટલમાં દાખલ થયા પહેલા અને પછીના બંને ખર્ચ માટે પણ પૂરતું કવરેજ પૂરું પાડે છે.

હૉસ્પિટલાઇઝેશન પહેલાના ખર્ચ

કોઈપણ વ્યક્તિને અચાનક હૉસ્પિટલમાં દાખલ થવું પડતું નથી, સિવાય કે અકસ્માતમાં ઈજા થઈ હોય. એક વચગાળાનો સમય હોય છે, જેમાં લક્ષણો જણાવાની શરૂઆત થાય છે, જેના માટે યોગ્ય નિદાન કરવા ડૉક્ટરની સલાહની જરૂર પડે છે. માત્ર કેટલાક પરીક્ષણો કર્યા બાદ જ કોઈ ચોક્કસ મેડિકલ સમસ્યાની જાણ થાય છે.

હૉસ્પિટલાઇઝેશન પહેલાંના ખર્ચમાં સામાન્ય રીતે હૉસ્પિટલમાં દાખલ થતા પહેલાં ડૉક્ટરો દ્વારા સૂચવવામાં આવતા વિવિધ મેડિકલ પરીક્ષણોના ખર્ચનો સમાવેશ થાય છે. સામાન્ય રીતે, હૉસ્પિટલમાં દાખલ થયા પહેલાંના 30 દિવસ સુધીના મેડિકલ ખર્ચ હૉસ્પિટલાઇઝેશન પહેલાંના ખર્ચમાં સમાવિષ્ટ છે. જો કે, આનો ચોક્કસ સમયગાળો અલગ અલગ હશે અને તેનું નિર્ધારણ કરશે વિવિધ ઇન્શ્યોરન્સ પ્રદાતા.

અહીં ધ્યાનમાં રાખવાની બાબત એ છે કે હૉસ્પિટલાઇઝેશન પહેલાંના ખર્ચ માત્ર એ જ સમસ્યાઓમાં લાગુ પડશે, જેના માટે દર્દીને હૉસ્પિટલમાં દાખલ કરવામાં આવે.

આ પ્રકારના ખર્ચમાં સામાન્ય રીતે નીચેનાનો સમાવેશ થાય છે:

✓ મેડિકલ ટેસ્ટ માટે થયેલ ખર્ચ

✓ સ્કૅન, એક્સ-રે, વગેરે.

✓ ડૉક્ટરો અને હેલ્થકેર પ્રોફેશનલ્સ દ્વારા લેવામાં આવતી કન્સલ્ટેશન ફી

હૉસ્પિટલાઇઝેશન પછીના ખર્ચ

સામાન્ય રીતે હૉસ્પિટલમાંથી રજા મળ્યા બાદ મેડિકલ કેર બંધ થઈ જતી નથી. સામાન્ય રીતે ત્યારબાદ સ્વાસ્થ્ય પ્રાપ્તિ (કૉન્વલેસન્સ) નો સમય આવે છે. આ સમય દરમિયાન કોઈપણ બીમારી કે ઈજામાંથી યોગ્ય રીતે સાજા થવા માટે દર્દીને આરામ મળવો જોઈએ.

હૉસ્પિટલાઇઝેશન પછીના ખર્ચમાં દવાઓ અને ઔષધિઓ, રિકવરી માટેની થેરાપી અને ડૉક્ટરોની કન્સલ્ટેશન ફીનો સમાવેશ થાય છે. સામાન્ય રીતે, આ કવરેજનો સમયગાળો રજા મળ્યા બાદ 60 દિવસનો હોય છે, આનો ચોક્કસ સમયગાળો દરેક ઇન્શ્યોરર અનુસાર અલગ અલગ હોય છે.

વધુ જુઓ હેલ્થ ઇન્શ્યોરન્સની વિશેષતાઓ.