હોમ ઇન્શ્યોરન્સ હેઠળ ઇમરજન્સી ખર્ચ કવર

ઇમરજન્સી ખર્ચ કવર

ઇમરજન્સી ખર્ચ કવર એ ચોક્કસ હોમ ઇન્શ્યોરન્સ પૉલિસીમાં એક સુવિધા છે જે પૉલિસીધારકોને ક્યારેક ઇમરજન્સીમાં દવાઓ, ખાદ્ય પદાર્થો, કપડાં અથવા તે પ્રકારની અન્ય અનિવાર્ય ચીજવસ્તુઓ ખરીદવાની હોય તો તેની ભરપાઈ કરે છે.

કુદરતી આપત્તિઓ

થોડા વર્ષ પહેલાં સુધી કોઈએ વિચાર્યું નહોતું કે પૂર્વ ભારતના રાજ્યોમાં મોટી તીવ્રતાના ભૂકંપ પણ આવી શકે છે, જે તેમણે અનુભવ કર્યા. માત્ર આ જ વર્ષે (એટલે કે 2019) માં, ભારતના ત્રિપુરા, ઓડિશા, મહારાષ્ટ્ર અને કેરળ સહિતના અનેક વિસ્તારોમાં પૂરની સ્થિતિ જોવા મળી.

હોમ ઇન્શ્યોરન્સ પૉલિસી

કુદરતી આપત્તિઓ અણધારી હોય છે અને ગંભીર અસરો છોડી શકે છે, માટે હોમ ઇન્શ્યોરન્સ ની પસંદગી એ તમારે મોટા પાયે માળખાકીય નુકસાનના સમારકામની જરૂર હોય ત્યારે તમારો શ્રેષ્ઠ વિકલ્પ બની શકે છે.

ઇમરજન્સી ખર્ચ કવર

ક્યારેક એવી પરિસ્થિતિ સર્જાઇ શકે છે જેમાં તમારા વિસ્તારમાં થોડા જ સમયમાં કુદરતી આપત્તિ ત્રાટકવાની શક્યતા વ્યક્ત કરવામાં આવી હોય. આ સ્થિતિમાં તમે ઇમરજન્સીમાં જરુરી વસ્તુઓ ખરીદવા માટે દોડી જશો. સહજ રીતે જ તમે દવાઓ, પેક કરેલા ખાદ્ય પદાર્થોનો સંગ્રહ કરશો, તેમજ લાઇટ જવાની સંભાવના ધ્યાનમાં રાખીને કદાચ તમારી ટૉર્ચ માટે કેટલીક બૅટરી પણ ખરીદી લેશો.

વધારાની સાવચેતી માટે, તમારે ઇમરજન્સી ફર્સ્ટ એઇડ કિટ, રેડિયો, એનર્જી બાર અને સેનિટરી વસ્તુઓનો સ્ટોક કરવાની પણ જરૂર પડી શકે છે. જો તમે માળખાકીય નુકસાન માટે ક્લેઇમ કરી રહ્યા છો, તો આ કટોકટીના સમય દરમિયાન થયેલ ઇમર્જન્સી ખર્ચ તમારી હોમ ઇન્શ્યોરન્સ પોલિસી દ્વારા ચૂકવવામાં આવશે. આ કવરેજને ઇમરજન્સી ખર્ચ કવર નામ આપવામાં આવેલ છે, અને તે કેટલીક હોમ ઇન્શ્યોરન્સ પૉલિસીઓની ઇન-બિલ્ટ સુવિધા તરીકે આવે છે!

નિષ્કર્ષ

તમારું ઘર તમારા સૌથી નોંધપાત્ર રોકાણોમાંથી એક હોવાની સંભાવના છે. તમારે તેને શક્ય તેટલી તમામ રીતે સુરક્ષિત કરવું જોઈએ. જૂની કહેવત પ્રમાણે, "સર્વોત્તમની આશા રાખો, પરંતુ સૌથી ખરાબ સ્થિતિ માટે તૈયાર રહો", આજે જ યોગ્ય હોમ ઇન્શ્યોરન્સ પૉલિસી પસંદ કરો.

વધુ જુઓ હોમ ઇન્શ્યોરન્સની વિશેષતાઓ.