હોમ ઇન્શ્યોરન્સ હેઠળ ભાડા નુકસાનીનું કવર

હોમ ઇન્શ્યોરન્સ વિશેની મૂળભૂત માહિતી જાણો

મોટાભાગના ભારતીયો માટે, ખાસ કરીને મોટા મહાનગરોમાં, રિયલ એસ્ટેટની ઊંચી કિંમતને કારણે પોતાનું ઘર ખરીદવું એ એક મુશ્કેલ કાર્ય છે. ઘર ભાડે લેવું એ તેમની પાસે એકમાત્ર વિકલ્પ હોય છે. જો કે રિયલ એસ્ટેટ રોકાણકારો માટે ભાડાની આવકના સંદર્ભમાં આ એક મોટું માર્કેટ છે.

ભાડે આપવા મિલકત ખરીદવાથી તેમને સ્થાયી રીતે આવક થતી રહે છે, અને સાથે મિલકતનું મૂલ્ય સતત વધતું રહે છે. પરંતુ, જ્યારે આવી ભાડે આપેલ મિલકતને અણધાર્યું નુકસાન થાય, ત્યારે શું? આવી પરિસ્થિતિઓનો સામનો કરવા ભાડા નુકસાનીના કવર સાથે તૈયાર રહેવું હંમેશા વધુ સારું હોય છે.

ભાડા નુકસાનીનું કવર શું છે?

આકસ્મિક આગ હોય કે કોઈ કુદરતી આપત્તિ, તમારી ભાડે આપેલી મિલકત અને તેમાંથી મળી શકતી આવક, બંનેને સતત જોખમ રહેલ છે. જો તમારી ભાડે આપેલી મિલકતને કુદરતી અથવા માનવસર્જિત આપત્તિને કારણે નુકસાન થાય છે, તો ત્યાર બાદ તે રહેવા લાયક ન હોવાને કારણે તમારા ભાડૂઆતે તે ખાલી કરવી પડી શકે છે.

આની અસર તમારા ભાડાની આવક પર અચોક્કસ સમય માટે થઈ શકે છે. આવી પરિસ્થિતિમાં, ભાડા નુકસાનીના કવર દ્વારા, જ્યાં સુધી તમારી મિલકત ફરીથી વસવાટ યોગ્ય ન બને ત્યાં સુધી, તમને થયેલા ભાડાના નુકસાનનું વળતર આપવામાં આવશે.

 ભાડા નુકસાનીનું કવર શા માટે જરૂરી છે તેના કારણો-

●       ઇન્વેસ્ટમેન્ટ પરના વળતરને સુરક્ષિત કરે છે- ભાડે આપવામાં આવેલ રહેણાંક અથવા કમર્શિયલ મિલકતમાંથી અપેક્ષિત વળતરના થયેલા નુકસાનને ભાડા નુકસાનીનું કવર સુરક્ષિત કરે છે. આ મિલકતમાંથી ભાડાની નિયમિત આવક ન થવાની સ્થિતિમાં, માલિકને મેઇન્ટેનન્સ અને રિપેરિંગ કામ માટે થતા ખર્ચનું વળતર આપે છે.

અને આમ, મિલકતના માલિક ચિંતા વગર જરૂરી સમારકામ કરાવી, ફરીથી ભાડાની આવક મેળવવાનું શરૂ કરી શકે છે.

●        બિઝનેસ સંબંધિત જોખમ ઓછું કરે છે- જો તમે એકથી વધુ કમર્શિયલ મિલકતોના પોર્ટફોલિયોનું સંચાલન કરતા એક પ્રોફેશનલ રિયલ એસ્ટેટ ઇન્વેસ્ટર હોવ, તો ભાડૂઆત દ્વારા નુકસાન થવાની સંભાવના વધુ હોવાને લીધે તમને નોંધપાત્ર જોખમ રહેલું છે. ભાડા નુકસાનીનું કવરેજ તમને આવા નુકસાન સામે સુરક્ષિત કરે છે.

વધુ માહિતી માટે, જુઓ અમારું હોમ ઇન્શ્યોરન્સ પેજ.

વધુ જુઓ હોમ ઇન્શ્યોરન્સની વિશેષતાઓ