ટૂ-વ્હીલર ઇન્શ્યોરન્સ હેઠળ 24x7 રોડસાઇડ સહાય

24x7 રોડસાઇડ આસિસ્ટન્સ કવર વિશે તમારે જાણવા યોગ્ય તમામ બાબતો

જો તમારું ટૂ-વ્હીલર બગડી જાય અથવા અધરસ્તે તેમાં કોઈ અણધારી તકલીફ ઊભી થાય, તો રોડસાઇડ આસિસ્ટન્સ કવર ખૂબ જ મદદરૂપ થઈ શકે છે. છેવટે, અધવચાળે રખડી પડવું નિરાશાજનક હોય છે, અને ત્યારબાદ 24x7 રોડસાઇડ સહાય કવર ખૂબ જ મહત્વ ધરાવે છે.

જ્યારે કેટલાક ઇન્શ્યોરન્સ પ્રદાતાઓ આ સુવિધાને સ્ટેન્ડઅલોન ટૂ-વ્હીલર ઇન્શ્યોરન્સ પૉલિસીના એકીકૃત ભાગ તરીકે ઑફર કરે છે, ત્યારે કેટલાક ઍડ-ઑન સુવિધા તરીકે આને પ્રદાન કરે છે, જે તમે નજીવા પ્રમાણમાં વધુ પ્રીમિયમ ચૂકવીને તમારી વિવેકબુદ્ધિ અનુસાર મેળવી શકો છો.

24x7 રોડસાઇડ સહાય કવર હેઠળ કવરેજ

જે પરિસ્થિતિઓમાં રોડસાઇડ સહાય કવર અમલમાં આવશે તેમાં શામેલ છે:

1) ઇલેક્ટ્રિકલ/મિકેનિકલ બ્રેકડાઉન : : જો તમારા (એટલે કે વીમાધારકના) ટૂ-વ્હીલરમાં મોટી યાંત્રિક અથવા ઇલેક્ટ્રિકલ ખામી આવે, અને તેને માટે નજીકમાં કોઈ સહાય ઉપલબ્ધ ન હોય, તો ઇન્શ્યોરન્સ પ્રદાતા દ્વારા જરૂરી સમારકામ માટે મિકેનિકની વ્યવસ્થા કરવામાં આવશે.

2) ટાયર પંક્ચર : આ કિસ્સામાં, ઇન્શ્યોરર ટાયરને રિપેર કરવા અથવા બદલવા માટે ટેક્નિશિયનની વ્યવસ્થા કરવામાં મદદ કરી શકે છે.

3) ટોઇંગ : અકસ્માતના કિસ્સામાં, ઇન્શ્યોરન્સ પ્રદાતા તમારા ટૂ-વ્હીલરને નેટવર્ક ગેરેજ સુધી લઈ જવાની વ્યવસ્થા કરશે.

4) રિપેર કરેલ ટૂ-વ્હીલરની ડિલિવરી : જો તમે શહેરની બહાર છો, તો તમારા ઇન્શ્યોરર દ્વારા રિપેર કરેલ ટૂ-વ્હીલરને તમારા રહેઠાણ પર પહોંચાડવાની વ્યવસ્થા કરવામાં આવશે.

5) મેસેજોનો તાત્કાલિક પ્રસાર : કેટલાક કિસ્સાઓમાં, ઇન્શ્યોરર તમને તમારા પરિવારના સભ્યોનો સંપર્ક કરવામાં અને તાત્કાલિક મેસેજ મોકલવામાં કરવામાં મદદ કરશે.

6) ઇંધણ સહાયતા : આમાં 5 લિટર સુધીના ઇંધણની વ્યવસ્થા (જેનો ખર્ચ તમારે વહન કરવો પડશે) અથવા ઇંધણ દૂષિત થવાના પરિણામે ગાડી ખોટકાઈ જવાના કિસ્સામાં તમારા વાહનને નજીકના ગેરેજ સુધી ખેંચી જવાનો સમાવેશ થાય છે.

શું મારે આ કવર પસંદ કરવું જોઈએ?

તમારે 24x7 રોડસાઇડ સહાય કવરને ધ્યાનમાં લેવું જોઈએ અથવા નહીં તે તમારા ઇન્શ્યોરન્સના ઉદ્દેશો પર આધારિત છે. તમે વિચારી શકો તેવા કેટલાક પરિબળો છે:

1) વાહનની ઉંમર : જો તમારું ટૂ-વ્હીલર નવું હશે, તો તે સારી રીતે કામ કરતું હોવાની શક્યતા છે. આવી પરિસ્થિતિમાં, તમારી પાસે આ કવર પસંદ નહીં કરવાનો પણ વિકલ્પ છે. સામાન્ય રીતે જૂનું મોડેલ હોય તેવા વાહનો માટે રોડસાઇડ આસિસ્ટન્સ કવર વધુ ઉપયોગી છે.

2) ઉપયોગની ફ્રીક્વન્સી અને આવરી લેવામાં આવેલ અંતર : જો તમે તમારા ટૂ-વ્હીલર પર વારંવાર લાંબા અંતરની મુસાફરી કરો છો, તો તમે ચોક્કસપણે રોડસાઇડ આસિસ્ટન્સ કવર ખરીદી શકો છો.

રોડસાઇડ સહાય કવર સાથે, તમારી આગામી લાંબી રોડ ટ્રિપ વખતે તમારે કોઈ બ્રેકડાઉન વિશે ચિંતા કરવાની જરૂર પડશે નહીં.

વધુ જુઓ ટૂ-વ્હીલર ઇન્શ્યોરન્સની વિશેષતાઓ.