યામાહા બાઇક ઇન્શ્યોરન્સ ખરીદો/રિન્યુ કરાવો

યામાહા એ જાપાનમાં આવેલી ટૂ-વ્હીલર બનાવતી કંપની છે. 1955 માં સ્થપાયેલ યામાહા એ મોટો જીપી જેવી આંતરરાષ્ટ્રીય રેસિંગ સ્પર્ધાઓમાં ઝંપલાવતા પહેલાં પ્રાદેશિક ખેલાડી તરીકે શરૂઆત કરી હતી. આનાથી તેઓ પોતાને વૈશ્વિક સ્તરે સ્થાપિત કરી શક્યા હતા. યામાહા એ 1985 માં ભારતીય બજારમાં પ્રવેશ કર્યો અને તે દિવસથી તેઓ સફળતાની સીડીઓ ચઢી રહ્યા છે. 

યામાહા બાઇકની કિંમત વ્યાજબી હોઈ શકે છે, પરંતુ અકસ્માત પછી તેને રિપેર કરાવવું મોંઘું હોઈ શકે છે. યામાહા બાઇક ઇન્શ્યોરન્સ હોવાથી તમારે બદલે પૉલિસી દ્વારા તેની ચુકવણી કરવામાં આવે છે. માત્ર બાઇક જ નહીં કે જેને પૉલિસી દ્વારા કવર કરવામાં આવે છે, પરંતુ તમને પૉલિસીધારક તરીકે પણ આર્થિક રીતે કવર કરવામાં આવે છે. 

ભારતમાં યામાહા બાઇક ઇન્શ્યોરન્સ પૉલિસીઓ સાથે વિવિધ ઍડ-ઑન કવર ઉપલબ્ધ છે. કેટલાક સામાન્ય ઍડ-ઑનમાં શામેલ છે:

નોંધ કરો કે ઍડ-ઑનની ઉપલબ્ધતા અને કિંમત ઇન્શ્યોરન્સ પ્રદાતા અને તમે પસંદ કરેલી વિશિષ્ટ પૉલિસીના આધારે અલગ હોઈ શકે છે.

જો તમે એકદમ નવું યામાહા બાઇક ખરીદવા માંગો છો, તો તમારા માટે વિવિધ વિકલ્પો ઉપલબ્ધ છે. એફઝી, આર15, રે-ઝી અને ફસિનો એ યામાહા ના કેટલાક મોડલ છે.

જ્યારે તમારી યામાહા બાઇકને ઇન્શ્યોર કરવાની વાત આવે છે, ત્યારે મુખ્યત્વે બે પ્રકારની ઇન્શ્યોરન્સ પૉલિસીઓ ઉપલબ્ધ છે - થર્ડ-પાર્ટી ઇન્શ્યોરન્સ અને કોમ્પ્રિહેન્સિવ ઇન્શ્યોરન્સ.

ટૂંકમાં કહીએ તો, થર્ડ-પાર્ટી ઇન્શ્યોરન્સ એ યામાહા માટે મૂળભૂત અને ફરજિયાત ઇન્શ્યોરન્સ પૉલિસી છે, જે ભારતના માર્ગો પર કાનૂની રીતે બાઇક ચલાવવા માટે જરૂરી છે, પરંતુ કોમ્પ્રિહેન્સિવ ઇન્શ્યોરન્સ પૉલિસી તમારી યામાહા બાઇકને અનેક વિવિધ જોખમો અને નુકસાન સામે વધુ સારી કવરેજ અને સુરક્ષા પ્રદાન કરે છે.

યામાહા બાઇક ઇન્શ્યોરન્સ ઑનલાઇન ખરીદવાની પ્રક્રિયા સરળ અને સુવિધાજનક છે. આ પગલાંઓને અનુસરો:

1. ઇન્શ્યોરન્સ પ્લાન વિશે સંશોધન કરો અને તુલના કરો:

વિવિધ ઇન્શ્યોરન્સ કંપનીઓ દ્વારા ઑફર કરવામાં આવતા વિવિધ ઇન્શ્યોરન્સ પ્લાનને વિગતવાર જાણો અને તેની તુલના કરો. તમારે જરૂરી હોય તેવું કવરેજ પ્રદાન કરતા પ્લાન શોધો અને દરેક પ્લાનના પ્રીમિયમ અને સુવિધાઓની તુલના કરો.

2. ઇન્શ્યોરન્સ કંપની પસંદ કરો:

પ્લાનની તુલના કર્યા બાદ વાજબી પ્રીમિયમ પર શ્રેષ્ઠ કવરેજ પ્રદાન કરતી ઇન્શ્યોરન્સ કંપની પસંદ કરો.

3. ઇન્શ્યોરરની વેબસાઇટની મુલાકાત લો:

તમે પસંદ કરેલી ઇન્શ્યોરન્સ કંપનીની વેબસાઇટની મુલાકાત લો.

4. તમારા બાઇકની વિગતો દાખલ કરો:

તમારા યામાહા ટૂ-વ્હીલરનું મેક અને મોડેલ, ઉત્પાદનનું વર્ષ, રજિસ્ટ્રેશન નંબર અને તમારી વ્યક્તિગત વિગતો જેમ કે નામ, ઍડ્રેસ અને સંપર્ક નંબર જેવી તમારી બાઇકની વિગતો ભરો.

5. કવરેજ પસંદ કરો:

તમારી યામાહા બાઇક માટેના કવરેજનો પ્રકાર પસંદ કરો. તમે થર્ડ-પાર્ટી ઇન્શ્યોરન્સ અથવા કોમ્પ્રિહેન્સિવ ઇન્શ્યોરન્સ પસંદ કરી શકો છો.

6. ઍડ-ઑન કવરેજ:

ઉપલબ્ધ ઍડ-ઑન કવર ચેક કરો અને તમારે જરૂરી ઍડ-ઑન પસંદ કરો. કેટલાક લોકપ્રિય ઍડ-ઑન કવરમાં ઝીરો ડેપ્રિશિયેશન, પર્સનલ એક્સિડન્ટ કવર, પિલિયન રાઇડર કવર, વગેરેનો સમાવેશ થાય છે. તમારી યામાહા ઇન્શ્યોરન્સ પૉલિસીની કિંમત તમે પસંદ કરેલા ઍડ-ઑન્સની સંખ્યા પ્રમાણે અલગ અલગ હોઈ શકે છે.

7. ચુકવણી કરો:

સુરક્ષિત પેમેન્ટ ગેટવેનો ઉપયોગ કરીને ઇન્શ્યોરન્સ પૉલિસી માટે ઑનલાઇન ચુકવણી કરો.

8. પૉલિસી જારી કરવી:

ચુકવણી સફળ થયા પછી તમારી યામાહા બાઇક ઇન્શ્યોરન્સ પૉલિસી જારી કરવામાં આવશે અને તમારા રજિસ્ટર્ડ ઇમેઇલ આઇડી પર મોકલવામાં આવશે.

જો તમે યામાહા ઇન્શ્યોરન્સ પૉલિસીની કિંમત જાણવા માંગો છો, તો તમારી પૉલિસી માટે અંદાજિત ક્વોટ મેળવવા માટે ટૂ-વ્હીલર ઇન્શ્યોરન્સ કૅલ્ક્યૂલેટર નો ઉપયોગ કરી શકો છો. 

યામાહા ઇન્શ્યોરન્સને ઑનલાઇન રિન્યુ કરવું એ સુવિધાજનક અને ઝંઝટ-મુક્ત પ્રક્રિયા છે. યામાહા ઇન્શ્યોરન્સને ઑનલાઇન રિન્યુ કરવાના પગલાં અહીં આપેલ છે:

1. તમારી વર્તમાન યામાહા ઇન્શ્યોરન્સ પૉલિસી જે કંપનીની હોય તે ઇન્શ્યોરન્સ કંપનીની વેબસાઇટ પર જાઓ.

2.      વેબસાઇટના "રિન્યુઅલ" સેક્શન પર જાઓ.

3. તમારી યામાહા બાઇકની જરૂરી વિગતો દાખલ કરો, જેમ કે રજિસ્ટ્રેશન નંબર અને તમારી વર્તમાન પૉલિસીની સમાપ્તિની તારીખ.

4. તમે જે પ્રકારની યામાહા ઇન્શ્યોરન્સ પૉલિસી રિન્યુ કરવા માંગો છો, તે પ્રકાર પસંદ કરો.

5. પૉલિસીની વિગતોની સમીક્ષા કરો અને કોઈપણ ફેરફારોની જરૂર છે કે નહીં તે તપાસો.

6. તમે તમારી પૉલિસીમાં જે ઍડ-ઑન કવર શામેલ કરવા માંગો છો તે પસંદ કરો.

7. સુરક્ષિત પેમેન્ટ ગેટવે દ્વારા તમારી રિન્યુ કરેલી પૉલિસીનું પ્રીમિયમ ઑનલાઇન ચૂકવો.

8. સફળતાપૂર્વક ચુકવણી કર્યા બાદ, તમને તમારી યામાહા ઇન્શ્યોરન્સ પૉલિસીના રિન્યુઅલની સ્વીકૃતિ મોકલવામાં આવશે.

કોઈપણ દંડ અથવા ક્લેઇમના સમયે સમસ્યાઓને ટાળવા માટે તમારી યામાહા ઇન્શ્યોરન્સ પૉલિસીની સમાપ્તિની તારીખ પહેલાં તેને રિન્યુ કરાવો.

જ્યારે તમે રિન્યુઅલ દરમિયાન તમારી પૉલિસીને કસ્ટમાઇઝ કરો છો, ત્યારે તમે યામાહા ઇન્શ્યોરન્સના રિન્યુઅલની કિંમતમાં તફાવત જોઈ શકો છો. આ ઍડ-ઑનના સમાવેશ અથવા બાકાતને કારણે હોઈ શકે છે. 

પૉલિસીના પ્રકારના આધારે, તમે તમારા યામાહા બાઇક ઇન્શ્યોરન્સ માટે રિઇમ્બર્સમેન્ટ અથવા કૅશલેસ ક્લેઇમ ફાઇલ કરી શકો છો. તમે અહીં આપેલ પગલાંઓને અનુસરી શકો છો:

1. તમારા ઇન્શ્યોરન્સ પ્રદાતાનો સંપર્ક કરો:

તમારી બાઇકના અકસ્માત અથવા તેને નુકસાન થવાના કિસ્સામાં, તરત જ તમારા ઇન્શ્યોરન્સ પ્રદાતાને જાણ કરો. તમે કસ્ટમર કેર નંબર પર કૉલ કરીને અથવા તમારા ઇન્શ્યોરરની વેબસાઇટની મુલાકાત લઈને જાણ કરી શકો છો.

2. જરૂરી વિગતો પ્રદાન કરો:

તમારે તમારી બાઇકના અકસ્માત અથવા થયેલ નુકસાન, પૉલિસી નંબર, રજિસ્ટ્રેશન નંબર અને અન્ય સંબંધિત વિગતો આપવાની રહેશે.

3. કૅશલેસ ક્લેઇમ માટે:

જો તમે કૅશલેસ ક્લેઇમ પસંદ કરો છો, તો તમારા ઇન્શ્યોરન્સ પ્રદાતા દ્વારા તમને નેટવર્ક ગેરેજ યાદી આપવામાં આવશે, જ્યાં તમે કોઈપણ ચુકવણી કર્યા વિના તમારી બાઇકને રિપેર કરાવી શકો છો. ઇન્શ્યોરર દ્વારા રિપેરીંગના બિલની ચુકવણી સીધી ગેરેજને જ કરવામાં આવશે.

4. રિઇમ્બર્સમેન્ટ ક્લેઇમ માટે:

જો તમે રિઇમ્બર્સમેન્ટ ક્લેઇમ પસંદ કરો છો, તો તમારે તમારી બાઇકને તમારી પસંદગીના ગેરેજ પર રિપેર કરાવવાનું રહેશે અને રિપેરીંગનું બિલ ચૂકવવાનું રહેશે. ત્યારબાદ તમે અન્ય સંબંધિત ડૉક્યૂમેન્ટ સાથે તમારા ઇન્શ્યોરન્સ પ્રદાતાને બિલ સબમિટ કરી શકો છો.

5. બાઇકનું સર્વેક્ષણ:

કેટલાક કિસ્સાઓમાં, ક્લેઇમની પ્રક્રિયા કરતા પહેલાં બાઇકના સર્વેક્ષણની જરૂર પડી શકે છે. ઇન્શ્યોરન્સ કંપની દ્વારા નિયુક્ત કરવામાં આવેલ સર્વેક્ષક દ્વારા નુકસાનનું મૂલ્યાંકન કરીને રિપોર્ટ પ્રદાન કરવામાં આવશે.

6 ક્લેઇમ સેટલમેન્ટ:

ક્લેઇમ મંજૂર થયા પછી, ઇન્શ્યોરર દ્વારા ક્લેઇમની રકમ રિઇમ્બર્સમેન્ટ દ્વારા અથવા ગેરેજને સીધી ચુકવણી (કૅશલેસ ક્લેઇમના કિસ્સામાં) દ્વારા સેટલ કરવામાં આવશે.

યાદ રાખો કે રિઇમ્બર્સમેન્ટ અથવા કૅશલેસ ક્લેઇમ દાખલ કરવાની પ્રક્રિયા ઇન્શ્યોરન્સ પ્રદાતા અને પૉલિસીના પ્રકારના આધારે અલગ હોઈ શકે છે. ઇન્શ્યોરન્સ ખરીદતા પહેલાં પૉલિસી ડૉક્યૂમેન્ટ સંપૂર્ણપણે વાંચવાની અને ક્લેઇમની પ્રક્રિયા સમજવાની સલાહ આપવામાં આવે છે.

ભારતમાં યામાહા બાઇક ઇન્શ્યોરન્સ ક્લેઇમ ફાઇલ કરવા માટે સામાન્ય રીતે જરૂરી ડૉક્યૂમેન્ટ નીચે મુજબ છે:

· ઇન્શ્યોરન્સ પૉલિસીની કૉપી

· બાઇકના રજિસ્ટ્રેશન સર્ટિફિકેટની કૉપી

· વાહન ચાલકના ડ્રાઇવિંગ લાઇસન્સની કૉપી

· એફઆઇઆર (ચોરી અથવા થર્ડ-પાર્ટીને નુકસાન થયાના કિસ્સામાં)

· મેડિકલ સર્ટિફિકેટ (ચાલક અથવા પિલિયનને ઈજાના કિસ્સામાં)

· રિપેરીંગના બિલ અને ચુકવણીની રસીદ (રિઇમ્બર્સમેન્ટ ક્લેઇમના કિસ્સામાં)

· કૅશલેસ ક્લેઇમ ફોર્મ (કૅશલેસ ક્લેઇમના કિસ્સામાં)

· ક્લેઇમની પ્રક્રિયા કરવા માટે ઇન્શ્યોરન્સ કંપનીને જરૂર હોય તેવા અન્ય કોઈપણ ડૉક્યૂમેન્ટ

એ નોંધ કરવી જરૂરી છે કે દાખલ કરવામાં આવતા ક્લેઇમના પ્રકાર અને ઇન્શ્યોરન્સ કંપનીની વિશિષ્ટ જરૂરિયાતોના આધારે ચોક્કસપણે જરૂરી ડૉક્યૂમેન્ટ અલગ હોઈ શકે છે. ક્લેઇમ સેટલમેન્ટની સરળ અને ઝંઝટ-મુક્ત પ્રક્રિયા માટે તમામ જરૂરી ડૉક્યૂમેન્ટ સબમિટ કરવામાં આવે તે સુનિશ્ચિત કરવા માટે હંમેશા ઇન્શ્યોરરનો સંપર્ક કરવાની અથવા પૉલિસી ડૉક્યૂમેન્ટનો સંદર્ભ લેવાની ભલામણ કરવામાં આવે છે.